ନୂଆଦିଲ୍ଲୀ,୨୪/୦୩; ମାର୍ଚ୍ଚ ୨୮ରୁ ଆରମ୍ଭ ହେବ ଆଇପିଏଲ ସିଜିନ ୧୯। ଏହା ପୂର୍ବରୁ କଠୋର ନିୟମ ଆଣିଛି ବିସିସିଆଇ । ସାତଟି ନୂତନ ନିୟମ ଜାରି କରିଛି । ସମସ୍ତ ୧୦ ଆଇପିଏଲ ଦଳକୁ ୧୯ ତମ ସିଜିନ୍ ସମୟରେ ଏହି ନିୟମ ପାଳନ କରିବାକୁ ପଡିବ । ଏବେ ପ୍ରଶ୍ନ ହେଉଛି, ଏହି ୭ଟି ନିୟମ କ’ଣ ? ଯାହା ୨୦୨୬ ପାଇଁ ସ୍ୱତନ୍ତ୍ର ଭାବରେ କାର୍ଯ୍ୟକାରୀ ହୋଇଛି ? ଏହି ନିୟମଗୁଡ଼ିକ ଖେଳ ଅପେକ୍ଷା ଖେଳ ପୂର୍ବରୁ କିମ୍ବା ଖେଳ ସମୟରେ ଦଳଗୁଡ଼ିକ କ’ଣ କରନ୍ତି ତାହା ସହିତ ଅଧିକ ଜଡିତ । ଆସନ୍ତୁ ଜାଣିବା ସେହି ନିୟମ ଗୁଡିକ ।
ବିସିସିଆଇ ନିୟମ-
.ବିସିସିଆଇର ପ୍ରଥମ ନିୟମ ଦଳ ଅଭ୍ୟାସ ଏବଂ ତାଲିମ ସହିତ ଜଡିତ। କୌଣସି ଆଇପିଏଲ ଦଳକୁ ତାଙ୍କ ମ୍ୟାଚ୍ ଦିନ ଅଭ୍ୟାସ କିମ୍ବା ତାଲିମ ଦେବାକୁ ଅନୁମତି ଦିଆଯିବ ନାହିଁ । ଯେ କୌଣସି ମ୍ୟାଚ୍ ସାଢ଼େ ତିନି ଘଣ୍ଟାରୁ ଅଧିକ ସମୟ ପର୍ଯ୍ୟନ୍ତ ଚାଲିବନି।
.ବିସିସିଆଇ ଦ୍ୱାରା ପ୍ରଚଳିତ ନିୟମରେ ଦଳୀୟ ଅଭ୍ୟାସ ନେଟ୍ସ ସହିତ ଜଡିତ । କୌଣସି ଦଳ ଅଭ୍ୟାସ ନେଟ୍ସ ବାଣ୍ଟିବେ ନାହିଁ । ପ୍ରତ୍ୟେକ ଦଳ ଅଭ୍ୟାସ ପାଇଁ ନୂତନ ନେଟ୍ସ ସେଟ୍ ପାଇବେ । ଗୋଟିଏ ଦଳ ଅନ୍ୟ ଦଳର ନେଟ୍ସ ବ୍ୟବହାର କରିବାକୁ ଅନୁମତି ପାଇବ ନାହିଁ, ଯଦିଓ ସେଗୁଡ଼ିକ ଖାଲି ଥାଏ ।
.ଘରୋଇ ଦଳ ଯେଉଁ ପିଚ୍ରେ ପ୍ରଥମ ମ୍ୟାଚ୍ ଖେଳିବ, ମ୍ୟାଚ୍ ପୂର୍ବରୁ ୪ ଦିନ ପର୍ଯ୍ୟନ୍ତ ସେଠାରେ କୌଣସି ତାଲିମ କିମ୍ବା ଅଭ୍ୟାସ ପାଇଁ ଅନୁମତି ଦିଆଯିବ ନାହିଁ । ଦଳଗୁଡ଼ିକୁ ରେଞ୍ଜ ହିଟିଂ, ଥ୍ରୋ-ଡାଉନ୍, ରନ-ଅପ୍ ଏବଂ ଡ୍ରିଲ୍ ପାଇଁ ପୃଥକ ୱିକେଟ୍ ଯୋଗାଇ ଦିଆଯିବ। ଘରୋଇ ଦଳକୁ ପ୍ରଥମେ ଅଭ୍ୟାସ କରିବାକୁ ଅନୁମତି ଦିଆଯିବ । ଯଦି ଦଳଗୁଡ଼ିକ ପରସ୍ପର ପରେ ତୁରନ୍ତ ଅଭ୍ୟାସ କରନ୍ତି, ତେବେ ସେମାନଙ୍କୁ ପ୍ରତ୍ୟେକ ଥର ଏକ ନୂତନ ପ୍ରସ୍ତୁତ ପିଚ୍ ଯୋଗାଇ ଦିଆଯିବ ।
.ଆଇପିଏଲ ପାଇଁ ବିସିସିଆଇର ଗୋଟିଏ ନିୟମ ଖେଳାଳିଙ୍କ ପରିବାର ଏବଂ ବନ୍ଧୁମାନଙ୍କୁ ମଧ୍ୟ ଚିନ୍ତାରେ ପକାଇଛି । ପରିବାର ଏବଂ ବନ୍ଧୁମାନଙ୍କୁ ଖେଳାଳିଙ୍କ ସହିତ ଯାତ୍ରା କରିବାକୁ ଅନୁମତି ଦିଆଯିବ ନାହିଁ । ଖେଳାଳିମାନେ ଅଭ୍ୟାସ କିମ୍ବା ମ୍ୟାଚ୍ ପାଇଁ ଯାତ୍ରା କରିବା ସମୟରେ ସେମାନଙ୍କୁ ଟିମ୍ ବସ୍ ରେ ଯାତ୍ରା କରିବାକୁ ପଡିବ ।
.ବିସିସିଆଇ ଆଇପିଏଲ ସମୟରେ ଖେଳାଳି ଏବଂ ସହାୟକ କର୍ମଚାରୀଙ୍କୁ ପଡ଼ିଆରେ LEB ବୋର୍ଡ ପାଖରେ ବସିବାକୁ ବାରଣ କରିଛି ।
ଏହା ବି ପଢନ୍ତୁ...୧୨କୋଟି ଟଙ୍କାର କାର୍ରେ ହନୁମାନ ଚାଳିଶା ଶୁଣନ୍ତି ହାର୍ଦ୍ଦିକ, ମିଳିଥାଏ ଶକ୍ତି ଓ ମାନସିକ ଶାନ୍ତି...
ଜର୍ସି ନମ୍ବର- ପୋଷାକ ଏବଂ ଉପକରଣ ନିର୍ଦ୍ଦେଶାବଳୀରେ ଉଲ୍ଲେଖ୍ୟ କରାଯାଇଥିବା ଅନୁଯାୟୀ ଜର୍ସି ନମ୍ବରରେ ଯେକୌଣସି ପରିବର୍ତ୍ତନ ୨୪ ଘଣ୍ଟା ପୂର୍ବରୁ କରାଯିବ ଆବଶ୍ୟକ ।
.ମ୍ୟାଚ ଦିନରେ ଗତ ସିଜିନ ପରି କେବଳ ୧୨ ଜଣ ସ୍ୱୀକୃତିପ୍ରାପ୍ତ ସପୋର୍ଟ ଷ୍ଟାଫଙ୍କୁ ଅନୁମତି ମିଳିବ ଯେଉଁଥିରେ ଟିମ୍ ଡାକ୍ତର ମଧ୍ୟ ସାମିଲ ଅଛନ୍ତି ।
ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଅକ୍ଷର ପଟେଲ ଆଇପିଏଲ୍ ‘ଇମ୍ପାକ୍ଟ ପ୍ଲେୟାର’ ନିୟମକୁ ନେଇ ଆଦୌ ଖୁସି ନାହାନ୍ତି । ଏହି ନିୟମ ଯୋଗୁ ଅଲରାଉଣ୍ଡ୍ରଙ୍କ ମହତ୍ୱ କମି ଯାଉଛି ବୋଲି ସେ ପ୍ରକାଶ କରିଛନ୍ତି । ୨୦୨୩ ସିଜନରେ ପ୍ରଥମ କରି ‘ଇମ୍ପାକ୍ଟ ପ୍ଲେୟାର’ ନିୟମ ଲାଗୁ କରାଯାଇଥିଲା । ନିୟମ ଅନୁଯାୟୀ, ପ୍ରତ୍ୟେକ ଦଳ ଆବଶ୍ୟକ ସ୍ଥଳେ ଜଣେ ସ୍ପେଶାଲିଷ୍ଟ ବ୍ୟାଟର କିମ୍ବା ବୋଲରଙ୍କୁ ବଦଳ ଖେଳାଳି ଭାବେ ଖେଳାଇ ପାରିବେ । ଅକ୍ଷର କହିଛନ୍ତି ଯେ, ମୁଁ ଏହି ନିୟମକୁ ପସନ୍ଦ କରେନି । କାରଣ ମୁଁ ଜଣେ ଅଲରାଉଣ୍ଡର । ପୂର୍ବରୁ ଦଳଗୁଡ଼ିକ ଅଲରାଉଣ୍ଡ୍ରଙ୍କୁ ଅଧିକ ଗୁରୁତ୍ୱ ଦେଉଥିଲେ । ‘ଇମ୍ପାକ୍ଟ ପ୍ଲେୟାର’ ନିୟମ ପାଇଁ ଟିମ୍ ମ୍ୟାନେଜମେଣ୍ଟ ଜଣେ ବୋଲର କିମ୍ବା ବ୍ୟାଟରଙ୍କୁ ପ୍ରାଥମିକତା ଦେଉଛନ୍ତି । ଦଳରେ ଅଲରାଉଣ୍ଡରଙ୍କ ଭୂମିକା ଗୁରୁତ୍ୱପୂର୍ଣ୍ଣ ରହିଥାଏ । କାରଣ ଉକ୍ତ ଖେଳାଳି ଉଭୟ ଦାୟିତ୍ୱକୁ ପୂରଣ କରିଥାଏ ।
କହି ରଖୁଛୁ କି, ମାର୍ଚ୍ଚ ୨୮ରୁ ଆରମ୍ଭ ହେବ ଇଣ୍ଡିଆନ ପ୍ରିମିୟର ଲିଗ । ଡିଫେଣ୍ଡିଂ ଚାମ୍ପିଆନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ହେବ ମୁକାବିଲା । ପ୍ରଥମ ୨୦ ଦିନରେ ସିଡ୍ୟୁଲ ଜାରି ହୋଇଛି ।
