ମୁମ୍ବାଇ: ମହାରାଷ୍ଟ୍ର ରଜାନୀତିକୁ ନେଇ ଚର୍ଚ୍ଚା ଲାଗି ରହିଛି । ମୁଖ୍ୟମନ୍ତ୍ରୀଙ୍କୁ ନେଇ ହାଇଡ୍ରାମା ପରେ ଏବେ ମନ୍ତ୍ରିମଣ୍ଡଳକୁ ନେଇ ବିତର୍କ ଜାରି ରହିଛି । ଏହାରି ମଧ୍ୟରେ ମହାରାଷ୍ଟ୍ର ମନ୍ତ୍ରିମଣ୍ଡଳ ସଂପ୍ରସାରଣକୁ ନେଇ ବଡ଼ ଖବର ସାମ୍ନାକୁ ଆସିଛି । ଆସନ୍ତାକାଲି (ରବିବାର) ଅପରାହ୍ଣ ୪ଟାରେ ମନ୍ତ୍ରିମଣ୍ଡଳ ସଂପ୍ରସାରଣ ହେବ ବୋଲି ସୂଚନା ମିଳିଛି । ଆଉ ଏଥିପାଇଁ ଦୁଇଟି ପ୍ରସ୍ତାବ ରହିଛି । ପ୍ରଥମ ପ୍ରସ୍ତାବ ଅନୁସାରେ, ପାଖାପାଖି ୩୦ ବିଧାୟକ ଶପଥ ନେଇପାରନ୍ତି । ଅନ୍ୟ ପ୍ରସ୍ତାବ ଅନୁସାରେ, ୧୮-୨୦ ବିଧାୟକ ଶପଥ ନେଇପାରନ୍ତି ବୋଲି କୁହାଯାଉଛି । 

ପ୍ରଥମ ପ୍ରସ୍ତାବରେ ୩୦ ବିଧାୟକ ନେବେ ଶପଥ !

ବିଜେପି- ୧୫

ସିନ୍ଦେଙ୍କ ଶିବସେନା- ୮

ଅଜିତଙ୍କ ଏନସିପି- ୭

ଦ୍ବିତୀୟ ପ୍ରସ୍ତାବରେ ୧୮-୨୦ ବିଧାୟକ ନେବେ ଶପଥ !

ବିଜେପି -୧୦

ଶିବସେନା- ୪/୫

ଏନସିପି- ୪/୫ 

ମୋଟ ମନ୍ତ୍ରୀଙ୍କ ସଂଖ୍ୟା ୪୩

ବିଜେପି- ୨୧ ମନ୍ତ୍ରୀ ପଦ

ସିନ୍ଦେଙ୍କ ଶିବସେନା- ୧୨ ମନ୍ତ୍ରୀ

ଅଜିତ ପାଓ୍ବାରଙ୍କ ଏନସିପି- ୧୦ ମନ୍ତ୍ରୀ 

ମିଳିଥିବା ସୂଚନା ଅନୁସାରେ, ପ୍ରଧାନମନ୍ତ୍ରୀ ମୋଦୀ ଏବଂ କେନ୍ଦ୍ରମନ୍ତ୍ରୀ ଅମିତ ଶାହଙ୍କ ପାଖକୁ ୩ ଦଳର ତାଲିକା ପଠାଇ ଦିଆଯାଇଛି । ୩ ଦଳ ବରିଷ୍ଠ, ଯୁବ ଏବଂ କେତେ ଜଣ ନୂଆ ଚେହେରାଙ୍କ ତାଲିକା ପଠାଇଛନ୍ତି । ବିଜେପିର ଶୀର୍ଷ ନେତୃତ୍ବ ସ୍ବଚ୍ଛ ନେତା ଏବଂ ନୂଆ ଚେହେରାଙ୍କୁ ସୁଯୋଗ ଦେବାକୁ ଚାହୁଁଛନ୍ତି । ଯଦି ଏଭଳି ହୁଏ ତେବେ, ବିଜେପି, ଶିବସେନା ଏବଂ ଏନସିପି ଦଳରେ କେତେକ ବରିଷ୍ଠ ନେତାଙ୍କୁ ନିରାଶ ହେବାକୁ ପଡ଼ିପାରେ ଏବଂ ମନ୍ତ୍ରିମଣ୍ଡଳରେ ନୂଆ ଚେହେରାଙ୍କୁ ଦେଖିବାକୁ ମିଳିପାରେ ।