ପାଟନା : ବିହାର ବିଧାନସଭା ନିର୍ବାଚନ ୨୦୨୫ ର ଦ୍ୱିତୀୟ ଓ ଅନ୍ତିମ ପର୍ଯ୍ୟାୟର ଭୋଟିଂ ସନ୍ଧ୍ୟା ୬ଟା ସମୟରେ ଶେଷ ହେବା ପରେ ଏକଜିଟ୍ ପୋଲ୍ସର ଆକଳନ ଆରମ୍ଭ ହୋଇ ଯାଇଛି। ମୋଟ୍ ୨୪୩ ସିଟ୍ର ଏହି ବିଧାନସଭାରେ ବହୁମତର ସଂଖ୍ୟା ୧୨୨ ଅଛି। ବିଭିନ୍ନ ସର୍ଭେ ଏଜେନ୍ସିର ଅନୁମାନ ଅନୁସାରେ , ଏନଡିଏକୁ ସ୍ପଷ୍ଟ ବହୁମତ ମିଳିବାର ଦୃଢ ସଙ୍କେତ ମିଳୁଛି, ଯେବେକି ମହାଗଠବନ୍ଧନ (ଏମଜିବି)କୁ କ୍ଷତିର ସମ୍ମୁଖୀନ ହେବାକୁ ପଡ଼ୁଛି। ଜନ ସୁରାଜ ପାର୍ଟି (ଜେଏସପି)କୁ ସାଧାରଣ ସଫଳତା ମିଳିବାର ସମ୍ଭାବନା ଅଛି, କିନ୍ତୁ ସେ ଗେମ୍ ଚେଞ୍ଜର ସାବ୍ୟସ୍ତ ହେବାରେ ବିଫଳ ହେବାର ନଜର ଆସୁଛି। ଭୋଟ୍ର ଗଣତି ୧୪ ନଭେମ୍ୱରରେ ହେବ , କିନ୍ତୁ ଏକଜିଟ୍ ପୋଲ୍ସ ରାଜନୀତିକ ମାହୋଲରେ ତର୍କ ଆରମ୍ଭ କରି ଦେଇଛି।
ପିପୁଲ୍ସ ପଲ୍ସ ଓ ପିପୁଲ୍ସ ଇନସାଇଟ୍ ବ୍ୟତୀତ ଅନ୍ୟ ଏଜେନ୍ସିଗୁଡ଼ିକ ଭଳି IANS-ମ୍ୟାଟ୍ରାଇଜ୍ ନ୍ୟୁଜ୍ ୧୮ ମେଗା ଏକଜିଟ୍ ପୋଲ୍, ଓ ଦ ପ୍ୟାମ୍ପଲେଟ୍ ମଧ୍ୟ ଏନଡିଏକୁ ଦୃଢ ସ୍ଥିତିରେ ଦେଖାଇଛି। ପିପୁଲ୍ସ ପଲ୍ସ ଏନଡିଏକୁ ୧୩୩-୧୫୯ ସିଟ୍, ମହାଗଠବନ୍ଧନକୁ ୭୫-୧୦୧ , ଜନ ସୁରାଜ ପାର୍ଟିକୁ ୦-୫ ଓ ଅନ୍ୟମାନଙ୍କୁ ୨-୮ ସିଟ୍ ଦେଇଛି। ଅନ୍ୟପଟେ ପିପୁଲ୍ସ ଇନସାଇଟ୍ ଏନଡିଏକୁ ୧୩୩-୧୪୮ ମହାଗଠବନ୍ଧନକୁ ୮୭-୧୦୨ , ଜନସୁରାଜ ପାର୍ଟିକୁ ୦-୨ ଓ ଅନ୍ୟମାନଙ୍କୁ ୩-୬ ସିଟ୍ ଆକଳନ କରିଛି।
ଅନ୍ୟ ଏଜେନ୍ସିଙ୍କ ମଧ୍ୟରେ IANS-ମ୍ୟାଟ୍ରାଇଜ୍ ଏନଡିଏକୁ ୧୪୭-୧୬୭ ଓ ମହାଗଠବନ୍ଧନକୁ ୭୦-୯୦ ସିଟ୍ କହିଛି, ଦ ପ୍ୟାମ୍ପଲେଟ୍ ଏନଡିଏକୁ ୧୫୫-୧୬୫ ଓ ମହାଗଠବନ୍ଧନକୁ ୭୦-୮୦ ସିଟ୍ର ଆକଳନ କରିଛି। ମୋଟରେ ସବୁ ପ୍ରମୁଖ ଏକଜିଟ୍ ପୋଲ୍ସରେ ଏନଡିଏ ୧୩୩ରୁ ୧୬୭ ସିଟ୍ରେ ଦୃଢ ସ୍ଥିତିରେ ଅଛି, ଯାହାକି ଏମଜିବି ୭୦ରୁ ୧୦୨ ସିଟ୍ ଯାଏ ସୀମିତ ରହିବାର ନଜର ଆସୁଛି। ଜନ ସୁରାଜ ପାର୍ଟିକୁ ସର୍ବାଧିକ ଭାବେ ୫ସିଟ୍ ହିଁ ମିଳିବାର ସମ୍ଭାବନା ରହିଛି।
ବିହାର ନିର୍ବାଚନ ଆୟୋଗ ଅନୁସାରେ , ପ୍ରଥମ ପର୍ଯ୍ୟାୟ (୬ ନଭେମ୍ୱର)ରେ ୧୨୧ ସିଟ୍ରେ ୬୪.୬୬ ପ୍ରତିଶତ ଭୋଟ୍ ହୋଇଥିଲା, ଦ୍ୱିତୀୟ ପର୍ଯ୍ୟାୟରେ (୧୧ ନଭେମ୍ୱର)ରେ ୧୨୨ ସିଟ୍ରେ ୬୭.୧୪ ପ୍ରତିଶତ ଭୋଟିଂ ରେକର୍ଡ କରାଯାଇଛି। ଏହି ରାଜ୍ୟର ଇତିହାସରେ ସର୍ବାଧିକ ମତଦାନ ରହିଛି। ମହିଳାଙ୍କ ଭାଗିଦାରୀ ବିଶେଷ ଭାବେ ଉଲ୍ଲେଖନୀୟ ରହିଛି ,ଯାହା ଏନଡିଏର ଯୋଜନା ଗୁଡ଼ିରେ ପ୍ରଭାବିତ ଥିବା ଦେଖିବାକୁ ମିଳିଛି।
