ଫିରିଙ୍ଗିଆ,୧୫/୩ : ଫିରିଙ୍ଗିଆ ଥାନା ଅନ୍ତର୍ଗତ କୁଡୁକି ଘାଟିଠାରେ ଏକ ବାଇକ ଦୁର୍ଘଟଣା ଗ୍ରସ୍ତ ହେବା ଫଳରେ ଜଣେ ଯୁବକଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ହୋଇପଡ଼ିଛନ୍ତି । ମୃତକ ଜଣକ ସାଗର ସାହୁ ବୋଲି ଜଣା ପଡିଥିବାବେଳେ ଗୁରୁତର ଜଣକ ହେଲେ ଶିଶିର ସାହୁ । ଉଭୟଙ୍କ ଘର ଫିରିଙ୍ଗିଆ ବ୍ଲକ ପବିଙ୍ଗିଆ ପଞ୍ଚାୟତର ବବଡଙ୍ଗିଆ ଗ୍ରାମରେ।
ସୂଚନା ଅନୁସାରେ, ଉଭୟେ ଚକାପାଦ ବ୍ଲକ ଲାଇନପଡ଼ାଠାରେ ଚାଲିଥିବା ରାମାୟଣ ନାଟକର ଆୟୋଜନ ପାଇଁ ଯାଇଥିଲେ। ସେଠାରୁ ବାଇକରେ ଫେରିବା ସମୟରେ ଆଜି ସନ୍ଧ୍ୟାବେଳେ କୁଡୁକି ଘାଟିରେ ଭାରସାମ୍ୟ ହରାଇ ବାଇକ ଟି ରାସ୍ତାକଡ଼ରେ ଥିବା ଏକ ଗଛରେ ବାଡେଇ ହୋଇଯାଇଥିଲା। ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ତେବେ ସେଠାରେ ଡାକ୍ତର ସାଗରଙ୍କୁ ମୃତ ଘୋଷଣା କରିଛନ୍ତି। ଶିଶିର ଏବେ ଚିକିତ୍ସାଧୀନ ଅଛନ୍ତି।
