PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାତ୍ରା ଅଭିନେତା ଦୈତାରୀ ପଣ୍ଡାଙ୍କ ନାଁରେ ରାଜଧାନୀ ମିଡ଼ିଆ ହାଉସ୍ ସିଇଓ ଥାନାରେ କଲେ ଅଭିଯୋଗ , ଯାତ୍ରା ରାଜିନାମା ଅଗ୍ରୀମ ଟଙ୍କା ଫେରସ୍ତ ନକରିବାରୁ ବାଲେଶ୍ୱର ଜିଲ୍ଲା ଔପଦା ଥାନାରେ ରୁଜୁ ହୋଇଛି ମାମଲା, ପାର୍ବତୀ ଗଣନାଟ୍ୟ ଠାରୁ ୧୫ ଲକ୍ଷ ଟଙ୍କା ନେଇଥିଲେ ଅଗ୍ରୀମ
  • ||
  • ନୂଆଦିଲ୍ଲୀ : ଆସାମ ବନ୍ୟା ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲେ ଫିଲ୍ମ ନିର୍ମାତା କରନ ଜୋହର, ରିଲିଫ ପାଣ୍ଠିକୁ ଦେଲେ ୧୧ଲକ୍ଷ
  • ||
  • ଭୁବନେଶ୍ବର : କଂଗ୍ରେସ ବିଧାୟକ ରାଜନ ଏକ୍କାଙ୍କୁ ଭେଟିଲେ ବିଜେଡି ଟିମ୍, ରାଷ୍ଟ୍ରପତି ପ୍ରାର୍ଥି ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ କଲେ ନିବେଦନ
  • ||
  • କଟକ : ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ, ଚଳିତ ବର୍ଷ ପାସ ହାର ୯୦.୫୫
  • ||
  • ନିଶ୍ଚିନ୍ତକୋଇଲି : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ସୁକରପଡା ଗାଁରେ ପାରିବାରିକ କଳହରୁ ମା’କୁ ହତ୍ୟା କରିଛି ପୁଅ
  • ||
  • ଆନନ୍ଦପୁର : ଶାଳବଣୀ ଛକ ନିକଟରେ ଟାୟାର ଫାଟିଯିବାରୁ ପୋଲିସ ହାବୁଡରେ ଧରାପଡିଲା ବେଆଇନ ଗୋ-ଚାଲାଣ ଟ୍ରକ, ଜବତ କଲା ଆନନ୍ଦପୁର ପୋଲିସ
  • ||
  • ଭୁବନେଶ୍ୱର : ଅଭିନେତ୍ରୀ ରଶ୍ମିରେଖାଙ୍କ ମୃତ୍ୟୁ ଘଟଣା, ପ୍ରେମିକ ସନ୍ତୋଷ ପାତ୍ର ରାଉରକେଲା ବାସନ୍ତୀକଲୋନୀରେ ଆତ୍ମହତ୍ୟା କରିଛନ୍ତି
  • ||
  • ରାଉରକେଲା : ରାଉରକେଲାରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାୟଗଡ଼ା : ଚାନ୍ଦିଲି ଥାନା ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ହାତୀଖମ୍ବ ଗାଁ ନିକଟରେ ଏକ ଯାତ୍ରୀବାହୀ ବସ୍ ଓଲଟି ଜଣେ ମହିଳାଙ୍କ ମୃତ୍ୟୁ, ୩୦ ଆହତ
  • ||

ବିଜେଡିରେ ସତୁରି କଟିବେ !

source:http://www.newindianexpress.com

ଭୁବନେଶ୍ୱର, ୧୨ ।୩(ବ୍ୟୁରୋ): ପ୍ରାର୍ଥୀ ଚୟନର ମାତ୍ର ମାପକାଠି ହେବ ବିଜୟ ସମ୍ଭାବନା । ଏ ମନ୍ତବ୍ୟ ଦେଇ ବିଜେଡି ମୁଖିଆ ନବୀନ ପଟ୍ଟନାୟକ ଜଣାଇ ଦେଇଛନ୍ତି, ଯେଉଁ ବିଧାୟକ ଲୋକଙ୍କ ଠାରୁ ଦୂରେଇ ଯାଇଛନ୍ତି, ସେମାନଙ୍କ ଟିକେଟ କଟିବ, ତେଣିକି ସେ ଯେତେ ବରିଷ୍ଠ ହୁଅନ୍ତୁ ।
ଏ ବାର୍ତ୍ତା ପାଇବା ପରେ ଅଧିକାଂଶ ବିଜେଡି ବିଧାୟକ ଛାନିଆ ହୋଇ ଯାଇଛନ୍ତି । ଅନେକ ଧରି ନେଲେଣି ଏଥର ଟିକେଟ କଟିବ । ନିବୀନ ନିବାସରେ କାଟ୍‌ତି ଥିବା ନେତାଙ୍କୁ ଧରି ଟିକେଟ ବଞ୍ଚାଇବା ଲାଗି ପ୍ରାଣମୂର୍ଚ୍ଛା ଉଦ୍ୟମ କଲେଣି । ଆଉ କେତେକ ନିରାଶ ହୋଇ ବିଦ୍ରୋହୀ ହେବେ ବୋଲି ଇସାରା ଛାଡ଼ୁଛନ୍ତି ।
ନିର୍ଭରଯୋଗ୍ୟ ସୂତ୍ରକୁ ବିଶ୍ୱାସ କରାଗଲେ ଏଥର ପାଖାପାଖି ୭୦ ବିଧାୟକଙ୍କ ଟିକେଟ କଟିବ । ଏଥିରେ ଅନେକ ମନ୍ତ୍ରୀ, ତିନି ଚାରି ଥରିଆ, ବରିଷ୍ଠ ଓ ଅତି ବରିଷ୍ଠ ବିଧାୟକ ବି ଅଛନ୍ତି, ଯେଉଁମାନେ ବିଜେଡି ଟିକେଟ ସେମାନଙ୍କ ହକ୍‌ ବୋଲି ଧରି ନେଇଛନ୍ତି ।
ଏସବୁ ବିଧାୟକଙ୍କ ବିରୋଧରେ ନିର୍ବାଚନମଣ୍ଡଳୀ ସ୍ତରରେ ପ୍ରବଳ ଜନ ଅସନ୍ତୋଷ ଥିବା ଦଳକୁ ଗୁଇନ୍ଦା ସୂଚନା ମିଳିଛି । ଅସନ୍ତୋଷ ଏତେ ପ୍ରବଳ ଯେ ସରକାର ବିରୋଧୀ ହାୱା ନ ଥିଲେ ବି ପ୍ରାର୍ଥୀ ହାରିବେ ।
ପଞ୍ଚାୟତ ନିର୍ବାଚନ ପରେ ହିଁ ଏଭଳି ବିଧାୟକ ଚିହ୍ନଟ ହୋଇ ସାରିଥିଲେ । ଏମାନଙ୍କ ଯୋଗୁଁ ବିଜେଡି ଅଢ଼େଇ ଶହରୁ ଅଧିକ ଜିଲ୍ଲା ପରିଷଦ ଆସନ ହରାଇଥିଲା । ସ୍ଥିତି ସୁଧାରିବାକୁ ଏହି ବିଧାୟକମାନଙ୍କୁ ସମୟ ଦିଆଯାଇଥିଲା । କିଛି ସୁଧୁରିଲା ନାହିଁ ।
ମିଳିଥିବା ସୂଚନା ଅନୁସାରେ ଏମାନଙ୍କ ସ୍ଥାନରେ ନୂଆ ମୁହଁ ବି ଚିହ୍ନଟ ପ୍ରାୟ ସରି ଯାଇଛି । ପୁରୁଣା ଓ ଦାଗ ଲଗା ବରିଷ୍ଠ ନେତାଙ୍କ ସ୍ଥାନରେ ସ୍ୱଚ୍ଛ ଭାବମୂର୍ତ୍ତି ଥିବା ଯୁବ ଚେହେରାଙ୍କୁ ଟିକେଟ ଦେବାକୁ ନିର୍ଣ୍ଣୟ ହୋଇଛି । ୩୦ରୁ ୩୫ ଜଣ ମହିଳାଙ୍କୁ ବି ପ୍ରାର୍ଥୀ କରିବାକୁ ଦଳ ସ୍ଥିର କରିଥିବା ଶୁଣା ଯାଉଛି ।
ଏବେ ୫୦ରୁ ଅଧିକ ବିଜେଡି ବିଧାୟକଙ୍କ ବୟସ ୫୦ରୁ ଅଧିକ । ୧୧୭ରୁ ମାତ୍ର ୬୦ ବିଧାୟକଙ୍କ ବୟସ ୫୦ରୁ କମ୍‌ । ଯୁବ ମତଦାତାମାନେ ଏଭଳି ବରିଷ୍ଠ ନେତାଙ୍କୁ ଆଉ ପସନ୍ଦ କରୁ ନାହାନ୍ତି ବୋଲି ଦଳ ପକ୍ଷରୁ ହୋଇଥିବା ସର୍ଭେରୁ ଆଭାସ ମିଳିଛି । ୪୨ ପ୍ରତିଶତ ମତଦାତା ହେଲେ ଯୁବ ଗୋଷ୍ଠୀ । ଏଣୁ ସେମାନଙ୍କ ମତକୁ ଉପେକ୍ଷା କଲେ ମହଙ୍ଗା ପଡ଼ିବ । ନୂଆ ପ୍ରାର୍ଥୀ ଯୋଗାଡ଼ିବା ଲାଗି ବିଜେଡି ଏବେ ଅନ୍ୟ ଦଳର ନେତାଙ୍କୁ ଟାଣିବା ପ୍ରକ୍ରିୟା ଚଳାଇଛି । ଏ ସମସ୍ତଙ୍କୁ ଟିକେଟ ମିଳିବ ବୋଲି ବିଜେଡି ମହଲରେ ଚର୍ଚ୍ଚା ହେଉଛି । ଏଥିରେ ମୂଳ ବିଜେଡି ନେତା ଏବଂ କର୍ମୀମାନେ ଖୁସି ନୁହନ୍ତି । ଦଳ ଡିଆଁଙ୍କୁ ବିଜେଡି ଟିକେଟ ମିଳିଲେ ସେମାନେ ଅନ୍ୟ ଦଳକୁ ଡେଇଁବେ କିମ୍ବା ସ୍ୱାଧୀନ ପ୍ରାର୍ଥୀ ଭାବେ ଛିଡ଼ା ହୋଇ ବିଜେଡି ଭୋଟ କାଟିବେ ବୋଲି ଅନେକ ଆଶାୟୀ ଜଣାଇ ସାରିଲେଣି ।

ସମ୍ବନ୍ଧିତ ଖବର