କଟକ,୦୪/୦୩: ଦେଶରେ କାରବାର ହେଉଥିବା କଳାଧନ ଠାବ ପାଇଁ ଗଠିତ ସ୍ୱତନ୍ତ୍ର ତଦନ୍ତକାରୀ କମିଟି (ଏସ୍ଆଇଟି)ର ବୈଠକ ଆସନ୍ତା ୮ ତାରିଖରେ କଟକରେ ଅନୁଷ୍ଠିତ ହେବ । ସୁପ୍ରିମ୍କୋର୍ଟର ଅବସରପ୍ରାପ୍ତ ବିଚାରପତି ତଥା ଏସ୍ଆଇଟି ଉପାଧ୍ୟକ୍ଷ ଜଷ୍ଟିସ ଅରିଜିତ୍ ପଶାୟତଙ୍କ ଅଧ୍ୟକ୍ଷତାରେ ତେଲେଙ୍ଗା ବଜାରସ୍ଥିତ ତାଙ୍କ ଆବାସିକ କାର୍ଯ୍ୟାଳୟରେ ଦଶମ ବୈଠକ ବସିବ ।
ଦେଶରେ ବର୍ତ୍ତମାନ ଅନଲାଇନ୍ ଜୁଆ, ଟ୍ରେଡିଂ କ୍ଷେତ୍ରରେ କଳାଧନ କାରବାର ହେଉଥିବା ବେଳେ ଏହା ଏହା ଉପରେ ବୈଠକରେ ଆଲୋଚନା ହେବାର ସମ୍ଭାବନା ରହିଛି । ଏହି ବୈଠକରେ ଇଡି, ସିବିଡିଟି, ଆୟକର ବିଭାଗ, ଏନସିବି, ଭିଜିଲାନ୍ସ, କ୍ରାଇମବ୍ରାଞ୍ଚ ସମେତ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ବହୁ ତଦନ୍ତକାରୀ ସଂସ୍ଥା ସାମିଲ ହେବେ ବୋଲି ଜଣାପଡିଛି ।
