ନୂଆଦିଲ୍ଲୀ ୦୫/୦୩: ଅନେକ ବଲିଉଡ ଷ୍ଟାରଙ୍କ ପାଖରେ ଏକାଧିକ ଘର ଅଛି। ସେମାନଙ୍କ ମଧ୍ୟରୁ କେତେକ ନିଜର ସମ୍ପତ୍ତି ଭଡା ଦେଇ ଯଥେଷ୍ଟ ଆୟ କରନ୍ତି। ଆସନ୍ତୁ ଜାଣିବା ଏହି ତାଲିକାରେ କେଉଁ ଷ୍ଟାରମାନେ ସାମିଲ ଅଛନ୍ତି।
ଅମିତାଭ ବଚ୍ଚନ ତାଙ୍କର ଦୁଇଟି ବଙ୍ଗଳା, ଅମ୍ମୁ ଏବଂ ଵତ୍ସର ତଳ ମହଲା ଭଡାରେ ଦେଇଛନ୍ତି, ଏବଂ ମିଡିଆ ରିପୋର୍ଟ ଅନୁସାରେ, ସେ ଏଥିରୁ ୧୮.୯ ଲକ୍ଷ ଟଙ୍କା ରୋଜଗାର କରନ୍ତି।
ଏକ ରିପୋର୍ଟ ଅନୁଯାୟୀ, ସଲମାନ ଖାନ ବାନ୍ଦ୍ରା ପଶ୍ଚିମର ଶିବ ଆସ୍ଥାନ ହାଇଟ୍ସରେ ଅବସ୍ଥିତ ତାଙ୍କର ଏକ ଆପାର୍ଟମେଣ୍ଟ ଭଡା ଦେଇଛନ୍ତି। ଯାହାର ପ୍ରତି ମାସରେ ୯୫,୦୦୦ ଟଙ୍କା ଭଡା ଆସୁଛି।
ନବାବ ସୈଫ୍ ଅଲ୍ଲୀ ଖାନ ମଧ୍ୟ ତାଙ୍କର ବାନ୍ଦ୍ରା ଆପାର୍ଟମେଣ୍ଟକୁ ଗିଲ୍ଟି ବାଏ ଆସୋସିଏସନ୍ ମିଡିଆ ପ୍ରାଇଭେଟ ଲିମିଟେଡକୁ ଭଡା ଦେଇଛନ୍ତି। ଏହି ଆପାର୍ଟମେଣ୍ଟର ମାସିକ ଭଡା ୩.୫ ଲକ୍ଷ ଟଙ୍କା।
ଜନ୍ ଆବ୍ରାହମ୍ ମୁମ୍ବାଇର ବାନ୍ଦ୍ରା ଅଞ୍ଚଳରେ ତାଙ୍କର ଏକ ଆପାର୍ଟମେଣ୍ଟ ଭଡା ଦେଇଛନ୍ତି, ଯେଉଁଥିରୁ ସେ ପ୍ରତି ମାସରେ ପ୍ରାୟ ୭.୫୦ ଲକ୍ଷ ଟଙ୍କା ଭଡା ପାଆନ୍ତି।
ରଣବୀର କପୁରଙ୍କର ମୁମ୍ବାଇ ଏବଂ ପୁଣେ ଉଭୟରେ ସମ୍ପତ୍ତି ଅଛି। ପୁଣେରେ, ଅଭିନେତାଙ୍କର ଟ୍ରମ୍ପ ଟାୱାରରେ ଏକ ଫ୍ଲାଟ ଅଛି, ଯାହାକୁ ସେ ଭଡାରେ ଦେଇଛନ୍ତି ଏବଂ ପ୍ରତି ମାସରେ ପ୍ରାୟ ୪ ଲକ୍ଷ ଟଙ୍କା ଭଡା ପାଆନ୍ତି।
ସେହିପରି ବଲିଉଡ୍ ଅଭିନେତ୍ରୀ କରିସ୍ମା କପୁର ମଧ୍ୟ ବାନ୍ଦ୍ରାରେ ଏକ ବିଳାସପୂର୍ଣ୍ଣ ଆପାର୍ଟମେଣ୍ଟ ଭଡ଼ା ଦେଇଛନ୍ତି। ଏହି ଫ୍ଲାଟ ପାଇଁ ସେ ପ୍ରତି ମାସରେ ୫.୫୧ ଲକ୍ଷ ପାଉଛନ୍ତି।
