କଟକ,୧୩/୦୨: ଭୁବନେଶ୍ୱର ପରେ ଏବେ କଟକବାସୀ ମଧ୍ୟ ଖାଦ୍ୟପେୟରେ ମାୟାନଗରୀ ମୁମ୍ବାଇର ଅନୁଭୂତି ପାଇପାରିବେ । କଟକ ସିଡିଏ ସେକ୍ଟର ୧୧ରେ ନିଆରା ସାଜସଜ୍ଜାକୁ ନେଇ ଖୋଲିଛି ଲୋକପ୍ରିୟ କାଫେ ଓ ରେଷ୍ଟୁରାଣ୍ଟ୍ ‘ବମ୍ବାଇ ହାଉସ୍’ । ବାରବାଟୀ-କଟକ ବିଧାୟିକା ଇଂ. ସୋଫିଆ ଫିର୍ଦ୍ଦୋସ୍ ଓ ଅଭିନେତା ଶୁଭାଶିଷ ଶର୍ମା ଅତିଥି ଭାବେ ଯୋଗ ଦେଇ ଏହାକୁ ଉଦ୍ଘାଟନ କରିଥିଲେ ।
ରାଜଧାନୀ ଭୁବନେଶ୍ୱର ନାଲ୍କୋ ଛକସ୍ଥିତ ଦ’ ବମ୍ବାଇ ହାଉସ୍ କାଫେ ଓ ରେଷ୍ଟୁରାଣ୍ଟ୍ ଇତିମଧ୍ୟରେ ବେଶ୍ ଲୋକପ୍ରିୟତା ହାସଲ କରିଛି । ଏହି ରେଷ୍ଟୁରାଣ୍ଟ୍ରେ ମୁମ୍ବାଇର ଚାଲିଚଳଣିକୁ ନେଇ ସ୍ୱତନ୍ତ୍ର ସାଜସଜ୍ଜା ରହିଛି । ତାହାକୁ ଭୁବନେଶ୍ୱରବାସୀ ପସନ୍ଦ କରିବାରୁ ଏହାର ପ୍ରତିଷ୍ଠାତା ଜୟ ଦାଶ ଓ ସହପ୍ରତିଷ୍ଠାତା ସୁମା ଦାଶ କଟକରେ ଖୋଲିବାକୁ ନିଷ୍ପତ୍ତି ନେଇଥିଲେ । ରେଷ୍ଟୁରାଣ୍ଟ୍ରେ ମାୟାନଗରରୀ ମୁମ୍ବାଇର ସାଜସଜ୍ଜା ସହ କ୍ରିକେଟ୍ ପ୍ରେମୀଙ୍କ ପାଇଁ ସ୍ୱତନ୍ତ୍ର ଜୋନ୍ ରହିଛି । କଟକିଆଙ୍କ ମନ ପସନ୍ଦର ଖାଦ୍ୟ ଏଠାରେ ମିଳିପାରିବ ଓ ସବୁ ବର୍ଗର ଲୋକଙ୍କୁ ସୁହାଇବା ଭଳି ଦରଦାମ୍ ରହିଛି ବୋଲି ପ୍ରତିଷ୍ଠାତା ଶ୍ରୀ ଦାଶ କହିଛନ୍ତି ।
