ଭୁବନେଶ୍ବର,୧୦।୯ : ଏଣିକି ସହଜ ହେଲା ଭୁବନେଶ୍ୱରରେ ଥିବା ରବିନ୍ଦ୍ର ମଣ୍ଡପ, ଭଞ୍ଜକଳା ମଣ୍ଡପ ଓ ସୂଚନା ଭବନର ବୁକିଙ୍ଗ। ଏଥିପାଇଁ ବୁଧବାର ୱେବସାଇଟ ସଂସ୍କୃତି ବିଭାଗ ପକ୍ଷରୁ ଲଞ୍ଚ କରାଯାଇଛି। ୱେବସାଇଟ କୁ ଯାଇ ସହଜରେ ମଣ୍ଡପ ବୁକ୍ କରିପାରିବେ, ଆବଶ୍ୟକ ପଡିଲେ ରିଫଣ୍ଡ ବି କରି ପାରିବେ । ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୂରଜ ମୁଖ୍ୟ ଅତିଥି ଭାବେ ଯୋଗଦେଇ ଉନ୍ମୋଚିତ କରିଛନ୍ତି।
ଏହାଛଡା ଓଡ଼ିଶା ସାହିତ୍ୟ ଏକାଡେମୀ, ଓଡ଼ିଶା ଲଳିତ କଳା ଏକାଡେମୀ, ଓଡ଼ିଶା ସଙ୍ଗୀତ ନାଟକ ଏକାଡେମୀର ୱେବ୍ସାଇଟ କୁ ମଧ୍ୟ ମନ୍ତ୍ରୀ ଉନ୍ମୋଚନ କରିଛନ୍ତି । ଏହି ୪ ଟି ଏକାଡେମୀ ର ସବୁ ତଥ୍ୟ ସାଧାରଣ ଲୋକମାନେ ୱେବସାଇଟରୁ ପାଇପାରିବେ। ଭୁବନେଶ୍ୱର ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ରରେ ଅନୁଷ୍ଠିତ ହୋଇଥିବା "ମୋ ସ୍ବପ୍ନର ଓଡ଼ିଶା-୨୦୩୬" କାର୍ଯ୍ୟକ୍ରମ ରେ ଯୋଗ ଦେଇ ବିଭାଗୀୟ ମନ୍ତ୍ରୀ ଉନ୍ମୋଚିତ କରିଛନ୍ତି। ଓଡ଼ିଶା ଲଳିତ କଳା ଏକାଡେମୀ ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ କରାଯାଇଥିଲା ।
ଏହି କାର୍ଯ୍ୟକ୍ରମ ରେ ହର ଘର ତ୍ରିରଙ୍ଗା କାର୍ଯ୍ୟକ୍ରମ ରେ ସାମିଲ ହୋଇଥିବା ୧୫ ଜଣ ସ୍ବେଛାସେବୀଙ୍କୁ ସମ୍ମାନିତ କରାଯାଇଛି। ଏହି ୧୫ ଜଣ ହର ଘର ତ୍ରିରଙ୍ଗା କାର୍ଯ୍ୟକ୍ରମ ରେ ସର୍ବ ପ୍ରଥମେ ନିଜ ଆଡୁ ସିଧାସଳଖ ଯୋଡି ହୋଇଥିଲେ । ତେଣୁ ଭାରତ ସରକାର ଙ୍କ ସଂସ୍କୃତି ବିଭାଗ ପକ୍ଷରୁ ସେମାନଙ୍କୁ ସମ୍ମାନିତ କରାଯାଇଥିଲା। ଏହାଛଡା ଚିତ୍ରକଳା ପ୍ରତିଯୋଗିତାର କୃତି ପ୍ରତିଯୋଗୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା ।
