ପର୍ଥ,୨୩/୧୧: ବର୍ଡର-ଗାଭାସ୍କର ଟ୍ରଫି ଟୁର୍ଣ୍ଣାମେଣ୍ଟର ପ୍ରଥମ ଇନିଂସ ପ୍ରଥମ ପାଳିରେ ବ୍ୟାଟର ବିଫଳ ହେଲେ ମାତ୍ର ବୋଲର ମ୍ୟାଚକୁ କଣ୍ଟୋଲକୁ ଆଣିଛନ୍ତି । ଭାରତୀୟ ବୋଲରଙ୍କ ବିସ୍ଫୋରକ ବୋଲିଂ ଦେଖିବାକୁ ମିଳିଛି । ଦ୍ବିତୀୟ ଦିନରେ କଙ୍ଗାରୁ ଦଳର ସବୁ ୱିକେଟ ପୋଛି ନେଲେ ଭାରତୀୟ ଦଳର ପେସ୍ ବାହିନୀ । ଅଷ୍ଟ୍ରେଲିଆ ୧୦୪ ରନ କରି ଅଲଆଉଟ ହୋଇଛି । ଭାରତ ପ୍ରଥମ ପାଳିରେ ୪୬ରନରେ ଆଗୁଆ ରହିଛି । ଯଶପ୍ରୀତ ବୁମରା ସର୍ବାଧିକ ୫ଟି ୱିକେଟ ହାସଲ କରିଛନ୍ତି । ହର୍ଷିତ ରାଣା ୩ଟି ୱିକେଟ ନେଇଛନ୍ତି ।

ଅପ୍ଟସ ଷ୍ଟାଡିୟମରେ ପ୍ରଥମ ଟେଷ୍ଟ ଆରମ୍ଭ ହୋଇଥିଲା । ଭାରତ ପ୍ରଥମ ଇନିଂସରେ ୧୫୦ ରନ କରି ଅଲଆଉଟ ହୋଇଥିଲା । ଅଷ୍ଟ୍ରେଲିଆ ପାଳି ଆରମ୍ଭ କରିଥିଲା । ପେସ୍ ବୋଲରଙ୍କ ଶୃଙ୍ଖଳିତ ବୋଲିଂ ବଳରେ ମ୍ୟାଚକୁ ଅକ୍ତିଆର କରିଥିଲା ଭାରତ । ଯଶପ୍ରୀତ ବୁମରା ଓ ସାଥୀ ପେସ୍ ବୋଲରଙ୍କ ଦମଦାର ବୋଲିଂ ଆଗରେ ତିଷ୍ଠି ପାରିନଥିଲା । ସୁଇଂ ବୋଲିଂର ମୁକାବିଲା କରିପାରିନଥିଲେ କଙ୍ଗାରୁ ଦଳ । ଘରୋଇ ଦଳ ୬୭ ରନରେ ୭ଟି ୱିକେଟ ହରାଇ ସାରିଥିଲା । ଆଲେକ୍ସି କ୍ୟାରୀ ୧୯ ଓ ମିଚେଲ ଷ୍ଟାର୍କ ୬ରନ ଆପରାଜିତ ରହିଥିଲେ । ଆଜି ଦ୍ବିତୀୟ ଦିନ ଖେଳ ଆରମ୍ଭ ହୋଇଥିଲା ।

ଦ୍ବିତୀୟ ଦିନ ଆରମ୍ଭରୁ ଆଲେକ୍ସି କ୍ୟାରୀ ୨୧ ରନ କରି ଆଉଟ ହୋଇଥିଲେ । ବୁମରାଙ୍କ ବଲରେ ଶିକାର ହୋଇଥିଲେ ଆଲେକ୍ସ । ଏହାପରେ ନାଥମ ଲାଏଲ ହର୍ଷିତଙ୍କ ଶିକାର ହୋଇଥିଲେ । ୫ରନ କରି ପାଭିଲିୟନ ଫେରିଥିଲେ । ଏହାପରେ ପୁଣି ମିଚେଲ ଷ୍ଟାର୍କଙ୍କୁ ଆଉଟ କରିଥିଲେ ହର୍ଷିତ । ଅଷ୍ଟ୍ରେଲିଆ ତାର ପ୍ରଥମ ପାଳିରେ ୧୦୪ରନ କରି ଅଲଆଉଟ ହୋଇଛି । ଭାରତ ୪୬ ରନରେ ଆଗୁଆ ରହିଛି ।