ଫିକା ପଡ଼ିଲା ଲାଲ ସିଂହ ଚଡ୍ଢା ଏବଂ ରକ୍ଷା ବନ୍ଧନ, ବକ୍ସ ଅଫିସରେ ଦକ୍ଷିଣୀ ଫିଲ୍ମ ଗୁଡ଼ିକର ଦବ୍ଦବା
ନୂଆଦିଲ୍ଲୀ, ୧୭/୦୮ : ବକ୍ସ ଅଫିସରେ ଫିକା ପଡ଼ିଲା ଆମିର ଖାନଙ୍କ ଲାଲ ସିଂହ ଚଡ୍ଢା ଏବଂ ଅକ୍ଷୟ କୁମାରଙ୍କ ରକ୍ଷା ବନ୍ଧନ। ରିଲିଜ୍ ହେବା ପୂର୍ବରୁ ବିରୋଧର ସାମ୍ନା କରୁଛନ୍ତି ଏହି ଦୁଇ ଫିଲ୍ମ। ୱିକେଣ୍ଡ ପରଠାରୁ ଦୁଇ ଫିଲ୍ମର ବ୍ୟବସାୟ କ୍ରମାଗତ ଭାବରେ ହ୍ରାସ ପାଇବାରେ ଲାଗିଛି। ୪ ବର୍ଷ ପରେ ବଡ଼ ପରଦାରେ ଆମିର ଖାନଙ୍କ ପ୍ରତ୍ୟାବର୍ତ୍ତନକୁ ନେଇ କୌଣସି ପ୍ରଭାବ ପଡ଼ିନି। ବରଂ ଫିଲ୍ମର ହାଲ୍ ବେହାଲ୍ ହୋଇଯାଇଛି। ୧୮୦ କୋଟି ବଜେଟ୍ରେ ନିର୍ମିତ ଫିଲ୍ମ ଲାଲ ସିଂହ ଚଡ୍ଢା ଏଯାବତ୍ ୪୮.୩୩ କୋଟି ବ୍ୟବସାୟ କରିପାରିଛି। ସେହିପରି ରକ୍ଷା ବନ୍ଧନ ୩୬.୫୭ କୋଟି ବ୍ୟବସାୟ କରିପାରିଛି।
ଚନ୍ଦୁ ମୋଣ୍ଡେଟିଙ୍କ ଦ୍ଵାରା ନିର୍ଦ୍ଦେଶିତ ଫିଲ୍ମ କାର୍ତ୍ତିକେୟ ୨ ରିଲିଜ୍ ହେବା ପରଠାରୁ ଆମିର ଖାନଙ୍କ ଫିଲ୍ମ ଲାଲ ସିଂହ ଚଡ୍ଢାକୁ କଡ଼ା ଟକ୍କର ଦେଉଛି। କାର୍ତ୍ତିକେୟ ୨ ଉଭୟ ତେଲୁଗୁ ଏବଂ ହିନ୍ଦୀ ଭାଷାରେ ରିଲିଜ୍ ହୋଇଛି। ୩୦ କୋଟି ବଜେଟ୍ରେ ନିର୍ମିତ ଫିଲ୍ମ ଚତୁର୍ଥ ଦିନରେ ୨୧.୬୨ କୋଟି ବ୍ୟବସାୟ କରିଛି।
ସେହିପରି ଏମ.ମୁଥୈୟାଙ୍କ ଦ୍ଵାରା ନିର୍ଦ୍ଦେଶିତ ଫିଲ୍ମ ବିରୁମନ ରିଲିଜ୍ ହେବା ପରେ ରକ୍ଷା ବନ୍ଧନକୁ କଡ଼ା ଟକ୍କର ଦେଉଛି। ଫିଲ୍ମ ଏବେ ସୁଦ୍ଧା ୩୬.୫୭ କୋଟି ବ୍ୟବସାୟ କରିଛି। ଏହି ଫିଲ୍ମରେ କାର୍ଥି, ଅଦିତି ଶଙ୍କର, ପ୍ରକାଶ ରାଜ, ସୁରୀ ମୁଥୁଚାମୀ ମୁଖ୍ୟ ଭୂମିକାରେ ଅଛନ୍ତି।
