PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୁଷୋତ୍ତମପୁର : ପୂର୍ବ ଶତ୍ରୁତାକୁ କେନ୍ଦ୍ରକରି ଯୁବକଙ୍କୁ ଛୁରାମାଡ଼, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||
  • ପଦ୍ମପୁର : ଭିଜିଲାନ୍ସ ଜାଲରେ ଲାଞ୍ଚୁଆ କୃଷି ଅଧିକାରୀ, ଲାଇସେନ୍ସ ବାତିଲ କରିବାକୁ ଧମକ ଦେଇ ସାର ଡିଲରଙ୍କ ଠାରୁ ନେଉଥିଲେ ଲାଞ୍ଚ
  • ||
  • ଭୁବନେଶ୍ଵର : ଏଥର ହେବନି ରାଜ୍ୟସ୍ତରୀୟ ପରେଡ, ଭାଗ ନେବେନି ସ୍କୁଲ ଛାତ୍ରଛାତ୍ରୀ
  • ||
  • ପୁରୀ : ସମୁଦ୍ରରେ ଗାଧୋଇବା ବେଳେ ଭାସିଗଲେ ଯୁବତୀ, ବ୍ଲୁଫ୍ଲାଗ୍ ବିଚ୍‌ରୁ ଉଦ୍ଧାର ହେଲା ମୃତଦେହ
  • ||
  • ଜୁଜୁମରା : ଭାରସାମ୍ୟ ହରାଇ ଓଲଟିଲା ଯାତ୍ରୀବାହି ବସ୍, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ଘଉଡ଼ାଇବା ବେଳେ ଅଘଟଣ, ବନ କର୍ମଚାରୀଙ୍କ ହାତରେ ଫୁଟିଗଲା ବାଣ
  • ||
  • ବିହାରରେ ଭାଙ୍ଗିଲା ଏନ୍‌ଡିଏ ମେଣ୍ଟ: ଅଲଗା ହେଲା ବିଜେପି-ଜେଡିୟୁର ରାସ୍ତା, ରାଜ୍ୟପାଳଙ୍କୁ ଭେଟିବେ ନୀତୀଶ
  • ||

ପାଗଳ ପ୍ରେମିକର ଉନ୍ମତ୍ତକାଣ୍ଡ, ଯୁବତୀଙ୍କୁ ଘରୁ ଟାଣି ଆଣି ପିଟିଲା

source:www.esakal.com

ଭୁବନେଶ୍ୱର,୩ ।୨(ବ୍ୟୁରୋ): ଜଣେ ଯୁବତୀଙ୍କୁ ଏକ ତରଫା ପ୍ରେମ କରୁଥିଲା । ବାଟରେ ଘାଟରେ ଅଟକାଇ ପ୍ରେମ ନିବେଦନ କରୁଥିଲା । ନିରାଶ ହେବା ପରେ ଯୁବତୀଙ୍କୁ ଘରୁ ଟେକି ଆଣି ନିସ୍ତୁକ ପିଟିଲା । ଏଭଳି ଜଣେ ପାଗଳ ପ୍ରେମିକକୁ ଲୋକେ ନିସ୍ତୁକ ପିଟି ମଞ୍ଚେଶ୍ୱର ଥାନା ପୁଲିସ ଜିମା ଦେଇଛନ୍ତି । ତାଙ୍କ ନାମ ଛୋଟୁରାମ ନାୟକ(୨୨) । ଘର ରାଜସ୍ଥାନ । ସେ ପାଣ୍ଡରାରେ ରହୁଥିଲା । ପୁଲିସ ସୂଚନା ଅନୁଯାୟୀ, ମଞ୍ଚେଶ୍ୱର କାଳୀ ବସ୍ତିରେ ସୋହିନୀ(ଛଦ୍ମନାମ, ୨୨ବର୍ଷ) ନାମ୍ନୀ ଜଣେ ଯୁବତୀ ରହୁଛନ୍ତି । ତାଙ୍କୁ ଛୋଟୁ ଏକତରଫା ପ୍ରେମ କରୁଥିଲେ । ବାଟରେ ଘାଟରେ ଅଟକାଇ ପ୍ରେମ ନିବେଦନ କରୁଥିଲେ । ବିବାହ କରିବାକୁ ବାଧ୍ୟ କରୁଥିଲା । କିନ୍ତୁ ସୋହିନୀ ଛୋଟୁଙ୍କ ପ୍ରେମକୁ ପ୍ରତ୍ୟାଖ୍ୟାନ କରୁଥିଲେ । ଗତକାଲି ଅପରାହ୍ଣରେ ଛୋଟୁ ହଠାତ୍‌ ସୋହିନୀଙ୍କ ଘରେ ପହଞ୍ଚିଥିଲେ । ଜୋର ଜବରଦସ୍ତ ତାଙ୍କୁ ଘରୁ ବାହାରକୁ ଟାଣି ଆଣିଥିଲେ । ସୋହିନୀ ପ୍ରତିବାଦ କରିବାରୁ ଛୋଟୁ ତାଙ୍କୁ ନିସ୍ତୁକ ମାଡ଼ ମାରିଥିଲେ । ଏହା ଦେଖି ବସ୍ତି ଲୋକେ ଉଠି ଆସିଥିଲେ । ଛୋଟୁଙ୍କୁ କାବୁ କରି ନିସ୍ତୁକ ମାଡ଼ ମାରି ମଞ୍ଚେଶ୍ୱର ଥାନା ପୁଲିସକୁ ଖବର ଦେଇଥିଲେ । ପୁଲିସ ପହଞ୍ଚି ଛୋଟୁଙ୍କୁ ଥାନାକୁ ନେଇ ଆସିଥିଲା । ଏନେଇ ସୋହିନୀ ଆଜି ଥାନାରେ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁକରି ଛୋଟୁଙ୍କୁ ଗିରଫ କରିଥିଲା । ଅପରାହ୍ଣରେ ଛୋଟୁଙ୍କୁ କୋର୍ଟ ଚାଲାଣ କରା ଯାଇଥିଲା । ଜାମିନ୍‌ ନାମଞ୍ଜୁର ହେବାରୁ ତାଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି ।