ଛତ୍ରପୁର ୧୫/୦୫: ଛତ୍ରପୁରଥାନା ଆରକେ ଢ଼ାବା ନିକଟରେ ଛତ୍ରପୁର ପୁଲିସ ଚଢ଼ଉ କରି ୬୮.୮୧ଗ୍ରାମ ବ୍ରାଉନ ସୁଗାର ଜବତ କରିଥିବା ସୂଚନା ଦେଇଛନ୍ତି ଆଇଆଇସି ଦେବାଶିଷ ମହାନ୍ତିl ଏହାଛଡା ସମ୍ପ୍ରୁକ୍ତ ବ୍ୟକ୍ତିମାନଙ୍କ ଠାରୁ ନଗଦ ୯୪୦ ଟଙ୍କା ଏବଂ ୩ଟି ମୋବାଇଲ ମଧ୍ୟ ଜବତ କରାଯାଇଛିl ୩ ଜଣଙ୍କୁ ଗିରଫ କରାଯାଇଛିl 

ଅଭିଯୁକ୍ତ ମାନେ ହେଲେ ଶାନ୍ତିନଗର ଛତ୍ରପୁର ଅଞ୍ଚଳରେ ରହୁଥିବା ୩୩ ବର୍ଷିୟ ଦିଲପ କୁମାର ନାୟକ ଓରଫ ଲିପୁ, ରୀକାପଲ୍ଲୀ ଅଞ୍ଚଳରେ ରହୁଥିବା ରାମ ନାୟକ ଓରଫ ପହଲା,  ଜଟଣୀ ଖୋର୍ଦ୍ଧା ଅଞ୍ଚଳରେ ରହୁଥିବା ୪୪ ବର୍ଷିୟ ପୁର୍ଣଚନ୍ଦ୍ର ନାୟକ ଓରଫ ଗାଣ୍ଡୁ, ବୋଲି ପୁଲିସ ସୂଚନା ପ୍ରଦାନ କରିଛିl ଥାନା ଏସଆଇ ବିଶ୍ୱଜିତ ନାୟକଙ୍କ ଏତେଲା କ୍ରମେ କେଶ ନମ୍ବର 282ରେ ଅଭିଯୁକ୍ତମାନଙ୍କ ବିରୁଦ୍ଧରେ ମକଦମା ମଧ୍ୟ ରୁଜୁ ହୋଇଛିl 

ମିଳିଥିବା ସୂଚନା ମୁତାବକ ଗତକାଲି ୧୧୨ରେ ଟେଲିଫୋନ ଯୋଗେ ଖବର ପାଇବା ପରେ ଛତ୍ରପୁର ପୁଲିସ ଆରକେ ଢ଼ାବା ନିକଟରେ ଚଢ଼ଉ କରିଥିଲାl ଛତ୍ରପୁର ସହରରେ ପୁଲିସ ପକ୍ଷରୁ ବ୍ରାଉନ ସୁଗାର ଜବତ ଘଟଣା ପ୍ରଥମ ହୋଇଥିବାରୁ ଛତ୍ରପୁର ସହରରେ ଏହି ବ୍ୟବସାୟର ସାମ୍ରାଜ୍ୟ ମେଲିଛି ତାହା ସ୍ପଷ୍ଟ ହୋଇଯାଇଛିl