ଖଲ୍ଲିକୋଟ କଲେଜ ପଡ଼ିଆରେ ନିଶା ବେପାର, ୨୯ ଗ୍ରାମ ବ୍ରାଉନସୁଗାର ଜବତ, ଦୁଇ ଗିରଫ…
ବ୍ରହ୍ମପୁର, ୨୩/୫ (ବ୍ୟୁରୋ): କଲେଜ ପିଲାଙ୍କୁ ନିଶା ଅଭ୍ୟାସ କରିବାକୁ ମାତିଛନ୍ତି ନିଶା ବେପାରୀ । ଛାତ୍ରଛାତ୍ରୀଙ୍କୁ ଜାଲରେ ପକାଇ ଚଳାଉଛନ୍ତି ରାକେଟ୍ । ଆଜି ବ୍ରହ୍ମପୁର ଖଲ୍ଲିକୋଟ କଲେଜ ଖେଳ ପଡିଆରେ ନିଶା କାରବାର କରୁଥିବା ଦୁଇଜଣ ଯୁବକଙ୍କୁ ଗିରଫ କରିଛି ଟାଉନ୍ ଥାନା ପୁଲିସ । ଧାନମେରା ସାହିର ରଞ୍ଜନ ଦାସ (୩୫) ଓ ଋତୁରଞ୍ଜନ ନିମାଇ ଓରଫ ଚିକୁ (୨୯)ଙ୍କୁ ସଂପୃକ୍ତ ମାମଲାରେ କୋର୍ଟ ଚାଲାଣ କରାଯାଇଥିବା ଏକ ପ୍ରେସ୍ ବିବୃତିରେ ସୂଚନା ଦେଇଛନ୍ତି ଏସ୍ପି ସରଚଣା ବିବେକ ଏମ୍ । ବ୍ରହ୍ମପୁର ସହର ଓ ସହରତଳି ଅଞ୍ଚଳରେ ବ୍ରାଉନ ସୁଗାର ମାଫିଆ ସକ୍ରିୟ ହାଇ ଉଠିଛନ୍ତି । ସୋମବାର ଅପରାହ୍ନରେ ଖଲିକୋଟ କଲେଜ ଖେଳା ପଡ଼ିଆରେ ଚଢ଼ାଉ କରିଥିଲା । ସେଠାରେ ଥିବା ଏକ ଅଦ୍ଧନିର୍ମିତ ଗୃହରେ ଏହି ବ୍ରାଉନସୁଗାର କାରବାର ଚାଲିଥିଲା । ପୁଲିସୁକ ଦେଖି ସେଠାରେ ବ୍ରାଉନ ସୁଗାର କିଣିବା ପାଇଁ ଆସିଥିବା ଯୁବକ ମାନେ ଦୌଡ଼ି ପଳାଇଥିଲେ । ହେଲେ ପୁଲିସ ଏହି କାରବାର କରୁଥିବା ରଞ୍ଜନ ଓ ଚିକୁକୁ ଗିରଫ କରିଥିଲା ।
ପୋଲିସ ଅଭିଯୁକ୍ତଙ୍କ ନିକଟରୁ ଏକ ପ୍ଲାଷ୍ଟିକ ଡବାରେ ଗ୍ରାମ ବ୍ରାଉନ ସୁଗାର ଜବତ କରିଛି । ଏଥିସହ ବ୍ରାଉନସୁଗାର ବିକ୍ରି କରି ପାଖରେ ରଖି ଥିବା ୪୨୭୦ ଟଙ୍କା ଓ ଗୋଟିଏ ମୋବାଇଲ, ୧୦ ଗୋଟି ହଳଦିଆ ପେପର ଖଣ୍ଡ, ଚାମଚ ପ୍ରଭୃତି ପୋଲିସ ଜବତ କରିଛି । ଅଭିଯୁକ୍ତ ମାନେ ଖୋର୍ଦ୍ଧାରୁ ବ୍ରାଉନସୁଗାର ଆଣି ବ୍ରହ୍ମପୁର ଓ ଆଖପାଖ ଅଞ୍ଚଳର ଯୁବକଙ୍କୁ ବିକ୍ରି କରୁଥିବା ପୋଲିସ ଜେରା ସମୟରେ ଜାଣିବାକୁ ପାଇଛି । କେସ୍ ନମ୍ବର ୧୯୭/୨୩ରେ ଅଭିଯୁକ୍ତଙ୍କୁ ମଙ୍ଗଳବାର କୋର୍ଟ ଚାଲାଣ କରିଛି ପୋଲିସ । ପୂର୍ବରୁ ଟାଉନ ଥାନା ପୋଲିସ ଉକ୍ତ ଖେଳ ପଡ଼ିଆ ଭିତରୁ ଅନେକ ଯୁବକଙ୍କୁ ଧରିବା ସହ ସେମାନଙ୍କ ଠାରୁ ବ୍ରାଉନସୁଗାର ଜବତ କରିଥିବାର ନଜର ରହିଛି।
