ଜ୍ୟୋତିଷ ଶାସ୍ତ୍ର ଅନୁସାରେ ୩୦ ଅଗଷ୍ଟ ୨୦୨୫ ସନ୍ଧ୍ୟାରେ ବୁଧ ଗ୍ରହ ସିଂହ ରାଶିରେ ପ୍ରବେଶ କରିବେ । ସୂର୍ଯ୍ୟ ଏଠାରେ ପୂର୍ବରୁ ହିଁ ରହିଛନ୍ତି । ଏହି ୨ଟି ଗ୍ରହ ଏକାଠି ହେବା ଦ୍ୱାରା ବୁଦ୍ଧାଦିତ୍ୟ ଯୋଗ ସୃଷ୍ଟି ହୋଇଥାଏ । ଏହି ଯୋଗ ଅତ୍ୟନ୍ତ ଶୁଭ ଯୋଗ ବୋଲି କୁହାଯାଏ । ଏହି ଯୋଗ ଫଳରେ ମାନସିକ ଶାନ୍ତି, ବ୍ୟବସାୟ, ବାଣୀ,ନେତୃତ୍ୱ ଧନ ବୃଦ୍ଧି ହୋଇଥାଏ । ସୂର୍ଯ୍ୟଦେବ ଆତ୍ମବିଶ୍ୱାସ ବୃଦ୍ଧି କାରକ ହେଉଥିବା ବେଳେ ବୁଧ ବୁଦ୍ଧି, ଚିନ୍ତାଧାରା ଓ ବ୍ୟବସାୟର ପ୍ରତୀକ । ଏହି ଯୋଗ ଫଳରେ କିଛି ରାଶି ବ୍ୟକ୍ତି ବିଶେଷଙ୍କ ଜୀବନରେ ବଡ ପରିବର୍ତ୍ତନ ହେବାକୁ ଯାଉଛି । ଚାକିରି, ବ୍ୟବସାୟ ଓ ଦାମ୍ପତ୍ୟ ଜୀବନରେ ସୁଖ ଓ ଧନ ସମ୍ପତ୍ତି ପ୍ରାପ୍ତି ହେବ ।
ମେଷ- ମେଷ ରାଶି ବ୍ୟକ୍ତି ବିଶେଷଙ୍କୁ ବିଭିନ୍ନ କ୍ଷେତ୍ରରେ ସଫଳତା ମିଳିବ । କଳା, କ୍ରିଏଟିଭ୍ ଆଦି କ୍ଷେତ୍ରରେ ଲାଭବାନ୍ ହେବେ । ଖୁବ୍ ପ୍ରଶଂସା ସହ ହଠାତ୍ ଧନ ପ୍ରାପ୍ତି ହେବ । ଟଙ୍କା ନିବେଶ କରି ଲାଭବାନ୍ ହେବେ । ବ୍ୟବସାୟୀଙ୍କୁ ନୂଆ ସୁଯୋଗ ମିଳିବ । ସମ୍ପର୍କ ମଜଭୁତ ହେବ । ଧୈର୍ଯ୍ୟର ସହ କାମ କଲେ ଗୋଟିଏ ପରେ ଗୋଟିଏ ସଫଳତା ମିଳିବ । ଅଧିକ ଶୁଭଫଳ ପାଇଁ ଗାଈଙ୍କୁ ଖାଇବାକୁ ଦେବା ସହ ଗଣେଶ ଭଗବାନଙ୍କୁ ପୂଜା କରନ୍ତୁ।
ମିଥୁନ- ବାଣୀରେ ମଧୁରତା ରହିବ । ସାହସର ସହ କାର୍ଯ୍ୟ କରିବେ । ଯାତ୍ରାର ଯୋଗ ରହିଛି । ବ୍ୟବସାୟରେ ଜବରଦସ୍ତ ଲାଭ ମିଳିବ । ଆର୍ଥିକ ସ୍ଥିତି ମଜଭୁତ ହେବ । ବନ୍ଧୁ ଓ ଭାଇ-ଭଉଣୀ ସହଯୋଗ କରିବେ । ଅଟକି ଥିବା କାମ ପୂରଣ ହେବ। ଅଧିକ ଶୁଭଫଳ ପାଇଁ ସବୁଜ ପୋଷାକ ପିନ୍ଧିବା ସହ ପକ୍ଷୀଙ୍କୁ ଦାନା ଖାଇବାକୁ ଦିଅନ୍ତୁ।
କର୍କଟ- ଧନ ମିଳିବା ସହ ପରିବାରରେ ହସଖୁସିର ବାତାବରଣ ରହିବ । ହଠାତ୍ ଧନ ମିଳିବା ପୁରୁଣା ନିବେଶରୁ ଲାଭବାନ୍ ହେବେ । ଦାମୀ ଜିନିଷ କିଣିବେ । ପରିବାରରେ ଧାର୍ମିକ କାର୍ଯ୍ୟର ଯୋଗ ରହିଛି । ହସଖୁସିରେ ଦିନ କଟିବ । ଅଧିକ ଶୁଭଫଳ ପାଇଁ ବୁଧବାର ତୁଳସୀଙ୍କୁ ଜଳ ଅର୍ପଣ କରନ୍ତୁ । ସବୁଜ ମୁଗ ଦାନ କରନ୍ତୁ ।
ସିଂହ- ଏହି ରାଶିଙ୍କୁ ଭାଗ୍ୟର ସାଥ୍ ମିଳିବ । କର୍ମକ୍ଷେତ୍ରରେ ନୂଆ ସୁଯୋଗ ମିଳିବ । ଆତ୍ମବିଶ୍ୱାସ ବୃଦ୍ଧି ପାଇବ । ସ୍ୱାସ୍ଥ୍ୟ ଉତ୍ତମ ରହିବ । ନୂଆ ଦାୟିତ୍ୱ ମିଳିବ । ଲକ୍ଷ୍ୟ ହାସଲ କରିବେ । ଧନ ପ୍ରାପ୍ତି ସହ ଗୋଟିଏ ପରେ ଗୋଟିଏ ସଫଳତା ମିଳିବ । ଅଧିକ ଶୁଭଫଳ ପାଇଁ ବହି ଓ ଫଳ ଦାନ କରନ୍ତୁ ।
ତୁଳା- ବନ୍ଧୁଙ୍କ ସହଯୋଗ ମିଳିବ । ଧନ ଲାଭ ସହ ଅଟକି ଥିବା କାମରେ ସଫଳତା ମିଳିବ । ଦାମ୍ପତ୍ୟ ଜୀବନ ସୁଖମୟ ହେବ । ଚାକିରିରେ ଶୁଭଫଳ ସହ ପ୍ରଶଂସା ମିଳିବ । ଅଧିକ ଶୁଭଫଳ ପାଇଁ ବୁଧବାର ସବୁଜ ଜିନିଷ ଦାନ କରିବା ସହ ପ୍ରଭୁ ଗଣେଶଙ୍କ ମନ୍ତ୍ର ଜପ କରନ୍ତୁ ।
