କୋଲକାତା,୧୭/୦୫; ପଶ୍ଚିମବଙ୍ଗରେ ବିଜେପି ସରକାର । ବୁଲିଲା ବୁଲଡୋଜର । ବଙ୍ଗର ମୁଖ୍ୟମନ୍ତ୍ରୀ ହେବା ପରଠାରୁ, ଶୁଭେନ୍ଦୁ ଅଧିକାରୀ ଆକ୍ସନ ମୋଡରେ ଅଛନ୍ତି । ବଙ୍ଗଳାରେ ଅରାଜକତା ବିରୁଦ୍ଧରେ ନିରନ୍ତର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ବେଆଇନ ନିର୍ମାଣ ଏବଂ ଜବରଦଖଲକୁ ଭାଙ୍ଗିବା ଆରମ୍ଭ କରିଛି ଶୁଭେନ୍ଦୁ ସରକାର । ହାୱାଡ଼ା ରେଳ ଷ୍ଟେସନ ବାହାରେ ଏକ ଜବରଦଖଲ ବିରୋଧୀ ଅଭିଯାନ ଆରମ୍ଭ କରାଯାଇଛି । ଯାହା ମଧ୍ୟରେ ଗଙ୍ଗା ଘାଟ ଏବଂ ବସ୍ ଷ୍ଟାଣ୍ଡ ନିକଟରେ ଥିବା ବେଆଇନ ଦୋକାନଗୁଡ଼ିକୁ ହଟାଯାଇଛି ।
ଅବୈଧ ଜବରଦଖଲକୁ ରୋକିବା ପାଇଁ ହାୱଡ଼ା ରେଳ ଷ୍ଟେସନ ବାହାରେ ଏକ ବଡ଼ଧରଣର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି ଅଭିଯାନ ସମୟରେ ଆଇଓଡବ୍ଲୁ ବିଭାଗ, ରେଳ ସୁରକ୍ଷା ବଳ (RPF) ଏବଂ ହାୱଡ଼ା ସିଟି ପୁଲିସର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ । ସୁରକ୍ଷା ପାଇଁ ବ୍ୟାପକ ପୁଲିସ ମୁତୟନ କରାଯାଇଥିଲା । ରିପୋର୍ଟ ଅନୁଯାୟୀ, ବହୁତ ଦିନ ଧରି ଲୋକମାନେ ରେଳ ଷ୍ଟେସନ ବାହାର ରାସ୍ତା ଏବଂ ଫୁଟପାଥରେ ଦୋକାନ ଦେଇଥିଲେ । ଅନେକ ଲୋକ ଅସ୍ଥାୟୀ ଦୋକାନ ସ୍ଥାପନ କରି ଜମି ଉପରେ ଜବରଦଖଲ ମଧ୍ୟ କରିଥିଲେ । ସମଗ୍ର ଅଞ୍ଚଳକୁ ପୋଲିସ ଛାଉଣୀ କରାଯାଇଥିଲା । ରେଳବାଇ ପୁଲିସ ଏବେ ଜବରଦଖଲ ଉଚ୍ଛେଦ କରିଛି ।
ଏହା ବି ପଢନ୍ତୁ...Delivery Agent Strike : ଆଜି ଡେଲିଭରି ଏଜେଣ୍ଟଙ୍କ ଦେଶବ୍ୟାପୀ ଧର୍ମଘଟ, ୫ ଘଣ୍ଟା ମିଳିବନି ସେବା
ବୁଲଡୋଜର କାର୍ଯ୍ୟାନୁଷ୍ଠାନ ପରେ, ସମଗ୍ର ଷ୍ଟେସନ ପରିସର ସଫା କରାଯାଇଛି । ଯାତ୍ରୀମାନଙ୍କୁ ଆଉ ଯାତାୟାତରେ କୌଣସି ଅସୁବିଧାର ସମ୍ମୁଖୀନ ହେବାକୁ ପଡ଼ିବ ନାହିଁ । ରେଳବାଇ ସୁରକ୍ଷା ବଳ (RPF) ର ସ୍ୱତନ୍ତ୍ର ତତ୍ତ୍ୱାବଧାନରେ କରାଯାଇଥିବା ଏହି ସମ୍ପୂର୍ଣ୍ଣ ଅଭିଯାନ ସମୟରେ, କୌଣସି ଅପ୍ରୀତିକର ଘଟଣା କିମ୍ବା ପ୍ରତିବାଦକୁ ରୋକିବା ପାଇଁ କଡ଼ା ବ୍ୟବସ୍ଥା କରାଯାଇଥିଲା । ଅଧିକାରୀମାନେ କହିଛନ୍ତି ଯେ, ହାୱଡା ରେଳ ଷ୍ଟେସନ ଭଳି ବ୍ୟସ୍ତବହୁଳ ଏବଂ ଗୁରୁତ୍ୱପୂର୍ଣ୍ଣ ସାର୍ବଜନୀନ ରାସ୍ତାଗୁଡ଼ିକୁ ଟ୍ରାଫିକ ଜାମ ଏବଂ ଜବରଦଖଲରୁ ସମ୍ପୂର୍ଣ୍ଣ ମୁକ୍ତ ରଖିବା ସେମାନଙ୍କର ପ୍ରାଥମିକତା । ଫୁଟପାଥରେ ବେଆଇନ ଜବରଦଖଲ ଯାତ୍ରୀମାନଙ୍କ ପାଇଁ ଟ୍ରାଫିକ ସମସ୍ୟା ସୃଷ୍ଟି କରୁଥିଲା । ପ୍ରଶାସନ ସ୍ପଷ୍ଟ ଚେତାବନୀ ଦେଇଛି ଯେ, ରେଳ ଏବଂ ସାର୍ବଜନୀନ ସମ୍ପତ୍ତିକୁ ପୁନଃ ଦଖଲ କରିବାକୁ ଚେଷ୍ଟା କଲେ ବରଦାସ୍ତ କରାଯିବ ନାହିଁ ।
