ଶ୍ରୀନଗର,୦୬/୧୧: ଆସନ୍ତୁ ଆସନ୍ତୁ ନେଇ ଯାଆନ୍ତୁ ଶସ୍ତା ହେଲା । ୨୦୦ ଟଙ୍କାରୁ ସିଧା ଖସିଛି ଦର । କେଜି ମାତ୍ର ୫୦ ଟଙ୍କା । ଆଜି ଜମ୍ମୁକାଶ୍ମୀର ପୁଞ୍ଚ ବଜାରରେ କିଛି ଏମିତି କହୁଛନ୍ତି ସେଓ ବ୍ୟବସାୟୀ । ଜମ୍ମୁକାଶ୍ମୀର ପୁଞ୍ଚରେ ଶାଗ ମାଛ ଦରରେ ବିକ୍ରି ହେଉଛି ଆପଲ୍ । ସେଓ କେଜି ମାତ୍ର ୪୦ରୁ ୫୦ ଟଙ୍କାରେ ବିକ୍ରି ହେଉଥିବାରୁ ଫଳ ଦୋକାନରେ ଗ୍ରାହକଙ୍କ ଭିଡ ଦେଖିବାକୁ ମିଳିଛି । ବ୍ୟାଗ ଭରି କରି ସେଓ ନେଉଛନ୍ତି ଗ୍ରାହକ ।
ତେବେ ଜମ୍ମୁକାଶ୍ମୀରର ପୁଞ୍ଚ ଏବଂ କାଶ୍ମୀରର ମୁଗଲ ରୋଡରେ ପରିବା ଓ ଫଳ ଗାଡି ଯାତାୟତ ହୋଇଥାଏ । ବିଶେଷ କରି ଏହି ରାସ୍ତା ବ୍ୟବସୀୟ ଜନିତ ସାମଗ୍ରୀ ଭରା ଗାଡି ଯାଆଆସ କରେ । ଏଠାରେ ସେଓ କେଜି ମାତ୍ର ୪୦ରୁ ୫୦ ଟଙ୍କାରେ ବିକ୍ରି ହେଉଛି । ଫଳରେ ଦୋକାନରେ ଲୋକଙ୍କ ଭିଡ ଲାଗିଛି । ଯିଏ ଯେତେ ପାରୁଛନ୍ତି ସେଓ କିଣି ନେଉଛନ୍ତି । ବ୍ୟାଗ ଭରି ନେଇଯାଉଛନ୍ତି ।
ଏଠାକାର ଜଣେ ବାସିନ୍ଦା କହିଛନ୍ତି, ୧୫ରୁ ୨୦ ବର୍ଷ ତଳେ ଆମେ ୧୫୦ ରୁ ୨୦୦ ଟଙ୍କାରେ ସେଓ କିଣୁଥିଲୁ । ଆଜି ତାହାକୁ ୪୦ରୁ ୫୦ ଟଙ୍କାରେ କିଣୁଛୁ । ଭଲ ଦରରେ ମିଳୁଛି । ଏହା ସରକାରଙ୍କ ପାଇଁ ସମ୍ଭବ ହୋଇଛି । ମୁଗଲ ରୋଡ ପାଇଁ ଏହା ସମ୍ଭବ ହୋଇଛି । ୧୦୦ ଟଙ୍କାରେ ୩ କିଲୋ ସେଓ ମିଳୁଛି । ମୁଁ ୫ କେଜି ନେଉଛି । ବର୍ଷକ ୧୨ ମାସ ଏହି ରାସ୍ତା ଖୋଲିଲେ ଆମ ପାଇଁ ସୁବିଧା ହେବ । ସବୁ କିଛି ଶସ୍ତାରେ ମିଳିବ ।
