ମାଫିଆ ଅତିକ ଅହମ୍ମଦର ଓକିଲ ବିଜୟ ମିଶ୍ରାଙ୍କ ନାମରେ ମାମଲା ରୁଜୁ, ବ୍ୟବସାୟୀଙ୍କୁ ୩କୋଟି ଟଙ୍କା ମାଗିଥିବା ଅଭିଯୋଗ…
ନୂଆଦିଲ୍ଲୀ: ମାଫିଆ ଅତିକ୍ ଅହମ୍ମଦର ଓକିଲ ବିଜୟ ମିଶ୍ରାଙ୍କ ବିରୋଧରେ ଏକ ମାମଲା ରୁଜୁ ହୋଇଛି । ଅତିକ୍ର ମୋକଦ୍ଧମାକୁ ଅଦାଲତରେ ଉପସ୍ଥାପନ କରୁଥିବା ବିଜୟ ମିଶ୍ରାଙ୍କ ବିରୋଧରେ ଅତରସୁଇଆ ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି । କୁହାଯାଉଛି କି, ମାଫିଆ ଅତିକ ଅହମ୍ମଦ ନାମରେ ତିନି କୋଟି ଟଙ୍କା ମାଗିବା ଦାବିରେ ଓକିଲଙ୍କ ବିରୋଧରେ ଏହି ମାମଲା ରୁଜୁ ହୋଇଛି ।
ପ୍ଲାଇଉଡ ବ୍ୟବସାୟୀ ମହମ୍ମଦ ସୟିଦ ଏହି ମାମଲା ଦାୟର କରିଛନ୍ତି । ଏହି ବ୍ୟବସାୟୀ ଅଭିଯୋଗ କରିଛନ୍ତି ଯେ, ଓକିଲ ମିଶ୍ରା ତାଙ୍କୁ ଡାକିଥିଲେ ଏବଂ ଅତିକ ଏବଂ ତାଙ୍କ ଗୁଣ୍ଡାଙ୍କ ନାମରେ ଟଙ୍କା ମାଗିଥିଲେ । ସୟିଦ ଅହମ୍ମଦ ଆହୁରି ମଧ୍ୟ କହିଛନ୍ତି ଯେ, ବିଜୟ ମିଶ୍ରା ତାଙ୍କଠାରୁ ୧.୨୦ ଲକ୍ଷ ଟଙ୍କା ମୂଲ୍ୟର ସାମଗ୍ରୀ କିଣିଛନ୍ତି, କିନ୍ତୁ ଦେୟ ଦେଇନାହାଁନ୍ତି । ବ୍ୟବସାୟୀ ଅଭିଯୋଗ କରିଛନ୍ତି ଯେ, ଟଙ୍କା ମାଗିବାରୁ ଏପ୍ରିଲ ୨୦ ରେ ମିଶ୍ରା ତାଙ୍କୁ ଫୋନ ଯୋଗେ ଡାକିଥିଲେ ଏବଂ ଅତିକ ଅହମ୍ମଦ ଏବଂ ତାଙ୍କ ଗୁଣ୍ଡା ନାମରେ ତିନି କୋଟି ଟଙ୍କା ମାଗିଥିଲେ ।
ଅନ୍ୟପକ୍ଷରେ ପୋଲିସ କହିଛି ଯେ ବିଜୟ ମିଶ୍ରାଙ୍କ ବିରୋଧରେ ଏକ ମାମଲା ରୁଜୁ ହୋଇଛି । ଅନୁସନ୍ଧାନ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଆଇପିସିର ଧାରା୩୮୬, ୫୦୪ ଏବଂ ୫୦୭ ଅନୁଯାୟୀ ଓକିଲ ବିଜୟ ମିଶ୍ରାଙ୍କ ବିରୋଧରେ ମାମଲା ରୁଜୁ ହୋଇଛି ।
,
