ଭୁବନେଶ୍ୱର,୨୭/୦୪: କୋଲକାତାରେ ତାଣ୍ଡବ ରଚିଲା କାଳବୈଶାଖୀ । ଭୁବନେଶ୍ୱରରେ ଓହ୍ଲାଇଲା କୋଲକାତା ବିମାନ । କୋଲକାତାରେ କାଳବୈଶାଖୀ ପାଇଁ ଭୁବନେଶ୍ୱର ବିମାନ ବନ୍ଦରରେ ଜରୁରୀ ଅବତରଣ କରିଛି କୋଲକାତା ଯାଉଥିବା ୮ ବିମାନ । ବିଜୁ ପଟ୍ଟନାୟକ ବିମାନ ବନ୍ଦରରେ ଗତକାଲି ରାତିରୁ ୮ଟି ପ୍ଲେନ ଜରୁରୀ ଏମରଜେନ୍ସିଂ ଲାଣ୍ଡ କରିଥିଲା । ବର୍ତ୍ତମାନ ୮ଟି ବିମାନ ମଧ୍ୟରୁ ୬ଟି ବିମାନ କୋଲକାତା ଫେରିଛି । ଆଉ ୨ଟି ଏବେ ବି ଭୁବନେଶ୍ୱରରେ ରହିଛି । ଏ ନେଇ ସୂଚନା ଦେଇଛନ୍ତି ବିମାନ ବନ୍ଦର କର୍ତ୍ତୃପକ୍ଷ । ବିମାର ଜରୁରୀ ଅବତରଣ ପାଇଁ ଯାତ୍ରୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି । ୧୦ରୁ ୧୨ ଜଣ ଯାତ୍ରୀ ଗେଟ୍ ସମ୍ମୁଖରେ ହୋ ହାଲ୍ଲା କରିଥିଲେ ।
କାଳବୈଶାଖୀ ପାଇଁ ଭୁବନେଶ୍ୱର ବିମାନବନ୍ଦରରେ ଅଟକି ରହିଛି କୋଲକାତା ଯାଉଥିବା ୨ଟି ବିମାନ । ଏହାକୁ ନେଇ ଯାତ୍ରୀଙ୍କ ମଧ୍ୟରେ ପ୍ରବଳ ଅସନ୍ତୋଷ ଦେଖିବାକୁ ମିଳିଛି । ମୋଟ ୮ଟି ବିମାନ ଜରୁରୀ ଅବତରଣ କରିଥିଲା । ବର୍ତ୍ତମାନ ହସ୍ତଗତ ହୋଇଥିବା ସୂଚନା ଅନୁସାରେ ୮ଟି ବିମାନରୁ ୬ଟି କୋଲକାତା ଫେରିଛି । ଏହାକୁ କିଛି କିଛି ଯାତ୍ରୀ ଗେଟ୍ ସମ୍ମୁଖରେ ହୋ ହାଲ୍ଲା କରିଛନ୍ତି । ଯାତ୍ରୀଙ୍କ ମଧ୍ୟରେ ପ୍ରାୟ ୨୦ ପିଲା ଥିବା କୁହାଯାଉଛି ।
ଜଣେ ଯାତ୍ରୀ କହିଛନ୍ତି, ''ଆମକୁ କାଲି ରାତିରୁ କୋଲକାତା ଯିବାର ଥିଲା । ମାତ୍ର ଭୁବନେଶ୍ୱରେ ଓହ୍ଲାଇ ଦେଇଛନ୍ତି । ୧୫ ମିନିଟ୍ ଲାଗିବ କହି କହି ୪ ଘଣ୍ଟା ହେଲାଣି । କୌଣସି ବ୍ୟବସ୍ଥା ହୋଇନାହିଁ । ପାଣି ଟିକେ ବି ମିଳିନାହିଁ । ଖାଇବାକୁ ଦେବୁ ବୋଲି କହିଥିଲେ ମାତ୍ର କିଛି ବ୍ୟବସ୍ଥା ହୋଇନାହିଁ ।''
