PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେସିଙ୍ଗା : କେସିଙ୍ଗାରେ ବୃଦ୍ଧି ପାଇବାରେ ଲାଗିଛି ସଟ୍ଟା ଖେଳ ସହିତ ବେଆଇନ ମଦ ବିକ୍ରି, ୩ ଗିରଫ
  • ||
  • କଣ୍ଟାବାଞ୍ଜି : ରାଜ୍ୟ ବାହାରେ ଓଡ଼ିଆ ପରିବାରକୁ ନିର୍ମମ ହତ୍ୟା, ସ୍ଵାମୀ-ସ୍ତ୍ରୀ ସମେତ ଦୁଇ ଛୁଆ ମୃତ
  • ||
  • କଟକ : ବଢିବ ହାଇସିକ୍ୟୁରିଟି ନମ୍ଵର ପ୍ଲେଟ ଅବଧି, ମାସେ ସମୟସୀମା ବୃଦ୍ଧିକଲେ ସରକାର
  • ||

ପ୍ରାର୍ଥୀପତ୍ର ଦାଖଲ ନିମନ୍ତେ ଲୋକସଭା ପ୍ରାର୍ଥୀ ଆଣିଲେ ୫ଟଙ୍କିଆ କଏନ ଭରା ପାତ୍ର

ରାୟପୁର: ୩।୪: ଆଗାମୀ ଲୋକସଭା ନିର୍ବାଚନରେ ଦୁର୍ଗ ନିର୍ବାଚନ ମଣ୍ଡଳୀରୁ ପ୍ରତିଦ୍ବନ୍ଦ୍ବିତା କରିବା ପାଇଁ ପ୍ରାର୍ଥୀପତ୍ର ଦାଖଲ କରିବାକୁ ଆସିଥିବା ଛତିଶଗଡ଼ର ଆଜାଦ ଜନତା ପାର୍ଟିର ଜଣେ ପ୍ରାର୍ଥୀ ନିର୍ବାଚନ ଅଧିକାରୀମାନଙ୍କ ହତବାକ୍ କରିପକାଇଛନ୍ତି।

ଡୋଣ୍ଡି ଲୋହରା ବ୍ଲକର ସ୍ବତନ୍ତ୍ର ତିଓ୍ବାରି ନାମକ ସେ ପ୍ରାର୍ଥୀ ତାଙ୍କ ପ୍ରାର୍ଥୀପତ୍ର ଦାଖଲ କରିବାକୁ ଛତିଶଗଡ଼ କଲେକ୍ଟୋରେଟରେ ପହଞ୍ଚିଥିଲେ। ଏଥିଲାଗି ସିକ୍ୟୁରିଟି ହିପୋଜିଟ୍ ବାବଦରେ ଆବଶ୍ୟକ ଅର୍ଥ ସେ କେବଳ ୫ଟଙ୍କିଆ କଏନ୍ ଭରା ପାତ୍ରରେ ଆଣିଥିବାରୁ ନିର୍ବାଚନ କର୍ମଚାରୀମାନେ ବଡ଼ ଜଞ୍ଜାଳରେ ପଡ଼ିଯାଇଥିଲେ।

ପଚାରିଯିବାରୁ ତିଓ୍ବାରି କହିଲେ ଯେ ତାଙ୍କୁ ନିର୍ବାଚନ ଳଢ଼ିବା ଲାଗି ଉସକାଇଥିବା ଗ୍ରାମବାସୀମାନଙ୍କୁ ହିଁ ସିକ୍ୟୁରିଟି ଡିପୋଜିଟ୍ ବାବଦ ଅର୍ଥ ଆଦାୟ କରିଥିଲେ। ପ୍ରତି ଗ୍ରାମବାସୀ ୫ଟଙ୍କିଆ କରି ଅର୍ଥ ଦେଇଥିଲେ।

ଲୋକସଭା ଆସନ ଲାଗି ଲଢ଼ୁଥିବା ପ୍ରାର୍ଥୀଙ୍କୁ ୨୫ ହଜାର ଟଙ୍କା ସିକ୍ୟୁରିଟି ଡିପୋଜିଟ୍ ଦେବାକୁ ପଡ଼େ। ଅନୁସୂଚିତ ଜାତି ଓ ଜନଜାତିଙ୍କ ଲାଗି ଏ ବାବଦରେ ୧୨,୫୦୦ଟଙ୍କା ପୈଠ କରିବାକୁ ପଡ଼େ। ଛତିଶଗଡ଼ରେ ଏପ୍ରିଲ ୨୩ ତାରିଖ ତୃତୀୟ ପର୍ଯ୍ୟାୟରେ ନିର୍ବାଚନ ହେବ।