ବର୍ଷାରେ କାନ୍ଥ ପଡ଼ି ଶିଶୁକନ୍ୟାର ମୃତ୍ୟୁ
ମାଲକାନଗିରି/କାଲିମେଳା,୧୮।୩ :ମାଲକାନଗିରି ଜିଲ୍ଲା ପଡିଆ ବ୍ଲକ ମେଟାଗୁଡା ଗ୍ରାମରେ କାନ୍ଥ ପଡ଼ି ଚାରିମାସର ଶିଶୁ କନ୍ୟାର ମୃତ୍ୟୁ ଘଟିବା ସହିତ ବାପା ଓ ମା ଆହତ ହୋଇଛନ୍ତି l
ପଡିଆ ବ୍ଲକ ମାଟେରୁ ପଞ୍ଚାୟତ ଅନ୍ତର୍ଗତ ମେଟାଗୁଡା ଗ୍ରାମର ଆଇତା ମାଡକାମୀ ଏବଂ ତାଙ୍କ ପତ୍ନୀ ସହ ଚାରି ମାସର ଶିଶୁକନ୍ୟା ସ୍ଵାତି ଘରେ ଶୋଇଥିବା ବେଳେ ଘରର କାନ୍ଥ ହଠାତ ପଡ଼ି ଯାଇଥିଲା । ଏଥିରେ ପିତା ମାତା ଆହତ ହୋଇଥିଲା ବେଳେ ଚାରିମାସର ଶିଶୁ କନ୍ୟାଟି ମୃତ୍ୟୁ ଘଟିଥିଲା। ଖବର ପାଇ ପଡିଆ ଗୋଷ୍ଠୀଉନ୍ନୟନ ଅଧିକାରୀ ଘଟଣା ସ୍ଥଳେ ପହଞ୍ଚି ସମବେଦନା ଜଣାଇବା ଆର୍ଥିକ ସହାୟତାର ବ୍ୟବସ୍ଥା କରିଥିଲେ। ଏଥି ସହ ଆବାସ ଯୋଜନା ପାଇଁ ବ୍ୟବସ୍ଥା କରିବା ପାଇଁ ପିଇଓ ଙ୍କୁ କହିଥିଲେ l ପଡିଆ ପୁଲିସ ଘଟଣା ସ୍ଥଳରେ ପହଞ୍ଚି ମୃତ ଶରୀର ଜବତ କରି ବ୍ୟବଛେଦ ନିମନ୍ତେ ପଠାଇ ତଦନ୍ତ କରିଛନ୍ତି।
