PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଇଡା ବ୍ଲକର ଫଟାଟାଙ୍ଗର ଆଶ୍ରମ ଛାତ୍ରୀ ନିବାସରେ ଖାଦ୍ୟ ଖାଇ ୧୦୦ରୁ ଊର୍ଦ୍ଧ୍ବ ଛାତ୍ରୀ ଅସୁସ୍ଥ
  • ||
  • ୫ମ ଟେଷ୍ଟ: ଜୋ ରୁଟ୍‌ ଏବଂ ଜନି ବୈୟାରିଷ୍ଟୋଙ୍କ ଶତକୀୟ ଇନିଂସ, ଭାରତକୁ ୭ ଓ୍ବିକେଟରେ ହରାଇ ସିରିଜ ବରାବର୍‌ କଲା ଇଂଲଣ୍ଡ
  • ||
  • ପୁଣି ରାଜଧାନୀରେ ଛାତ୍ରୀଙ୍କ ଆତ୍ମହତ୍ୟା, ଭୁବନେଶ୍ବର ସ୍ଥିତ ଆଚାର୍ଯ୍ୟବିହାର ନିକଟ ଏକ ଭଡାଘରୁ ଛାତ୍ରୀଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର
  • ||
  • ଭୁବନେଶ୍ଵର : ରାଜ୍ୟରେ ଉତ୍କଟ ବେକାରୀ ସମସ୍ୟା, ମୁଲତବୀ ପ୍ରସ୍ତାବ ଆଲୋଚନା ବେଳେ ସରକାରଙ୍କୁ ଘେରିଲେ ବିରୋଧୀ
  • ||
  • ପଟ୍ଟାମୁଣ୍ଡାଇ : ମୋବାଇଲ୍ ଗେମ୍ ହେଲା କାଳ, ଅନଲାଇନ୍ ଗେମ୍ ଖେଳି ୧୦ ହଜାର ଟଙ୍କା ହାରିଯିବାରୁ ଆତ୍ମହତ୍ୟା କଲେ ଯୁବକ
  • ||
  • ସମ୍ଵଲପୁର : ବାଇକ୍‌କୁ ଧକ୍କା ଦେଲା ଅଜଣା ଟ୍ରକ୍, ୨ ମୃତ ଜଣେ ଗୁରୁତର
  • ||
  • ଭୁବନେଶ୍ଵର : ରାଜ୍ୟରେ ନିର୍ମାଣ ହେବ ୫୫ଟି ନୂତନ ବାତ୍ୟା ଓ ବନ୍ୟା ଆଶ୍ରୟସ୍ଥଳୀ, ଦ୍ଵିତୀୟ ପର୍ଯ୍ୟାୟରେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୨୯ କୋଟି ୩୬ ଲକ୍ଷ ମଞ୍ଜୁର
  • ||
  • କୋରାପୁଟ : ପୋଲିସ ପଞ୍ଝାରେ ଦୁଇ ନକଲି ମାଓବାଦୀ, ବ୍ୟବସାୟୀଙ୍କୁ ହତ୍ୟା ଧମକ ଦେଇ ମାଗୁଥିଲେ ୫ ଲକ୍ଷ
  • ||
  • ଝାରସୁଗୁଡା : ଜଙ୍ଗଲ ଭିତରୁ ବାପା ଓ ଝିଅ-ପୁଅଙ୍କ ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
  • ||
  • ଲମତାପୁଟ: କମାଣ୍ଡର ଜିପ୍‌ରୁ ୩୦ ଲକ୍ଷ ଟଙ୍କାର ଗଞ୍ଜେଇ ଜବତ, ଡ୍ରାଇଭର ଫେରାର
  • ||
  • ପୁରୀ: ଆଜି ହେରାପଞ୍ଚମୀ, ନନ୍ଦିଘୋଷ ରଥ ଭାଙ୍ଗି ରାଗ ଶୁଝାଇବେ ଅଭିମାନିନୀ ମା’ ଲକ୍ଷ୍ମୀ ସାଆନ୍ତାଣୀ
  • ||
  • ଭୁବନେଶ୍ୱର: ଉତ୍ତର ଓଡ଼ିଶାରେ ଲଘୁଚାପ ବଳୟ ସୃଷ୍ଟି, ୪ ଦିନ ପ୍ରବଳ ବର୍ଷା: ୧୧ ଜିଲ୍ଲାରେ ପ୍ରବଳ ଛେଚିବ
  • ||

ମାସୁଦକୁ ପୁଣି ରକ୍ଷାକଲା ଚୀନ

ନୂଆଦିଲ୍ଲୀ,୧୩ ।୩(ଏଜେନ୍ସି): ପାକିସ୍ତାନୀ ଆତଙ୍କବାଦୀ ସଙ୍ଗଠନ ଜୈସ୍‌-ଇ-ମହମ୍ମଦ ମୁଖ୍ୟ ତଥା ପୁଲୱାମା ଆତ୍ମଘାତୀ ଆକ୍ରମଣର ମାଷ୍ଟରମାଇଣ୍ଡ ମାସୁଦ ଆଝାରକୁ ବିଶ୍ୱ ଆତଙ୍କୀ ତାଲିକାରେ ସାମିଲ କରିବା ପ୍ରସ୍ତାବ ଉପରେ ଚୀନ୍‌ ଚତୁର୍ଥଥର ପାଇଁର୍ ବାଧା ଦେଇଛି । ଆଜି ଅନୁଷ୍ଠିତ ଜାତିସଂଘ ସୁରକ୍ଷା ପରିଷଦ (ୟୁଏନ୍‌ଏସ୍‌ସି)ର ୧୨୬୭ ବାସନ୍ଦ କମିଟି ବୈଠକରେ ଅଧିକାଂଶ ସଦସ୍ୟ ରାଷ୍ଟ୍ର ମାସୁଦକୁ ତାଲିକାରେ ସାମିଲ କରିବାକୁ ପ୍ରସ୍ତାବ ଦେଇଥିଲା ବେଳେ ଚୀନ୍‌ ତାହା ଉପରେ ଭିଟୋ ପ୍ରୟୋଗ କରିଛି । ଫଳରେ ଏହି ପ୍ରସ୍ତାବ ରଦ୍ଦ ହୋଇଯାଇଛି । ଆଜିର ଏହି ଘଟଣାରେ ଭାରତକୁ ନିରାଶ ହେବାକୁ ପଡିଛି ।
ବୈଠକରେ ଚୀନ୍‌ ଯୁକ୍ତି ବାଢ଼ିଥିଲା ଯେ ଜୈସ୍‌ ସହିତ ମାସୁଦର କୌଣସି ଲିଙ୍କ୍‌ ନାହିଁ । ତା’ଛଡା ମାସୁଦ ବିରୋଧରେ ପୂର୍ବରୁ ମଧ୍ୟ କୌଣସି ପ୍ରମାଣ ନାହିଁ । ଯଦି ଆତଙ୍କବାଦୀ କାର୍ଯ୍ୟକଳାପ ସହ ମାସୁଦର କୌଣସି ସମ୍ପର୍କ ରହିଛି ତେବେ ତାହାର ପ୍ରମାଣ କାହିଁ ବୋଲି ଚୀନ୍‌ ଦାବି କରିଥିଲା । ଏଥିସହିତ ଭାରତ ଯେଉଁ ଦାବି କରୁଛି ତାହା କେତେଦୂର ସତ ତାହାର ଅନୁଧ୍ୟାନ ପ୍ରଥମେ କରାଯିବା ଉଚିତ ବୋଲି କହିଥିଲା । ଭାରତ ପକ୍ଷରୁ ଜୈସ୍‌ ସହିତ ମାସୁଦର ସମ୍ପର୍କ ନେଇ ଜାତିସଂଘକୁ ଡୋସିୟର ପ୍ରଦାନ କରାଯାଇଥିଲା । ଏଥିସହିତ ଆମେରିକା ଓ ଫ୍ରାନ୍ସକୁ ପୁଲୱାମା ଆକ୍ରମଣରେ ମାସୁଦର ସମ୍ପୃକ୍ତି ନେଇ କେତେକ ପ୍ରମାଣଯୋଗ୍ୟ ତଥ୍ୟ ପ୍ରଦାନ କରିଥିଲା । ଭାରତ ବିଶ୍ୱାସ କରିଥିଲା କି ଏହି ପ୍ରମାଣ ମଧ୍ୟ ମାସୁଦ ବିରୋଧରେ ଯଥେଷ୍ଟ ହେବ ଏବଂ ଆମେରିକା ଓ ଫ୍ରାନ୍ସ ଚାପ ପକାଇବେ । ଉଭୟ ଦେଶ ମଧ୍ୟ ଭାରତକୁ ପୂର୍ଣ୍ଣ ସମର୍ଥନ କରିଥିଲେ । ଯେଉଁ ମାସୁଦକୁ ନେଇ ଜାତିସଂଘରେ ବିତର୍କ ଲାଗି ରହିଛି ତାହାରି ନେତୃତ୍ୱାଧୀନ ଜୈସ୍‌କୁ ୧୫ ସଦସ୍ୟ ବିଶିଷ୍ଟ ସୁରକ୍ଷା ପରିଷଦ ପକ୍ଷରୁ ଆତଙ୍କୀ ସଙ୍ଗଠନ ଘୋଷଣା କରାଯାଇସାରିଛି । ତଥାପି ଚୀନ୍‌ କାହିଁକି ମାସୁଦକୁ ସୁରକ୍ଷା ଦେବାକୁ ଚାହୁଁଛି ତାକୁ ନେଇ ଏବେ ପ୍ରଶ୍ନ ଉଠିଛି ।
ସଂସଦ ଭବନଠାରୁ ଆରମ୍ଭ କରି ପଠାନକୋଟ ଏବଂ ଉରିଠାରୁ ଆରମ୍ଭ କରି ପୁଲୱାମା ପର୍ଯ୍ୟନ୍ତ ସବୁ ଆକ୍ରମଣର ମାଷ୍ଟରମାଇଣ୍ଡ ମାସୁଦକୁ ଭାରତୀୟ ଆଇନ ଦୀର୍ଘ ୧୮ ବର୍ଷ ଧରି ଖୋଜୁଥିଲା ବେଳେ ଭାରତର ଯୋଜନାକୁ ଚୀନ୍‌ ବାରମ୍ବାର ବିଫଳ କରିଛି । ମାସୁଦକୁ ବିଶ୍ୱ ଆତଙ୍କୀ ତାଲିକାରେ ସାମିଲ କରାଯାଇ ନପାରିବା ଘଟଣାରେ ଭାରତ ନିରାଶ ହୋଇଛି । ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି କି ଭାରତର ପ୍ରସ୍ତାବକୁ ୧୦ରୁ ଅଧିକ ରାଷ୍ଟ୍ର ସମର୍ଥନ କରିଥିଲେ । ମାତ୍ର ଜଣେ ସଦସ୍ୟ ସ୍ଥଗିତ ପ୍ରସ୍ତାବ ଦେବା ଫଳରେ ମାସୁଦକୁ ୧୨୬୭ ବାସନ୍ଦ ତାଲିକାରେ ସାମିଲ କରାଯାଇପାରିଲା ନାହିଁ । ତଥାପି ଭାରତର ପ୍ରସ୍ତାବକୁ ସଦସ୍ୟ ରାଷ୍ଟ୍ରମାନେ ସମର୍ଥନ କରିଥିବାରୁ ଆମେ ସେମାନଙ୍କୁ କୃତଜ୍ଞତା ଜଣାଉଛୁ । ଜଘନ୍ୟ ଆକ୍ରମଣ ଘଟଣାରେ ସମ୍ପୃକ୍ତ ଆତଙ୍କୀ ନେତାମାନଙ୍କୁ ଆଇନ ପରିସରକୁ ଆଣିବା ଓ ସେମାନଙ୍କୁ ଦଣ୍ଡିତ କରିବା ପାଇଁ ଭାରତ ପ୍ରୟାସ ଜାରି ରଖିବ ବୋଲି ମନ୍ତ୍ରଣାଳୟ କହିଛି ।

ସମ୍ବନ୍ଧିତ ଖବର