ନୂଆଦିଲ୍ଲୀ,୨୬।୧: ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପଙ୍କ ଦୁନିଆର ବହୁ ଦେଶ ସହ ଟାରିଫ୍ ପ୍ରସଙ୍ଗ ନେଇ ବିବାଦ ଚାଲିଛି। ଚୀନ୍ ଏହି ସୁଯୋଗକୁ ହାତଛଡ଼ା କରିବାକୁ ଚାହୁଁନି। ଆମେରିକାର ଘନିଷ୍ଠ ସହଯୋଗୀ କାନାଡା ଏବଂ ଅନ୍ୟାନ୍ୟ ୟୁରୋପୀୟ ରାଷ୍ଟ୍ରଗୁଡ଼ିକ ସହିତ ସମ୍ପର୍କକୁ ମଜବୁତ କରି, ଚୀନ୍ ଏବେ ବିଶ୍ୱର ମୁସଲିମ ଦେଶଗୁଡ଼ିକ ଉପରେ ନିଜର ପ୍ରଭାବକୁ ଆହୁରି ମଜବୁତ କରୁଛି। ଏହି ପରିପ୍ରେକ୍ଷୀରେ, ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ ୟି ୫୭ ଟି ମୁସଲିମ ଦେଶର ସଂଗଠନ, ଇସଲାମିକ ସହଯୋଗ ସଂଗଠନ (OIC) ର ମହାସଚିବ ହୁସେନ ଇବ୍ରାହିମ ତାହାଙ୍କ ସହିତ ଆଲୋଚନା କରିଛନ୍ତି।
ସୋମବାର ଆଲୋଚନା ସମୟରେ ୱାଙ୍ଗ ୟି କହିଥିଲେ, ଓଆଇସି ହେଉଛି ଇସଲାମିକ ଦୁନିଆର ସବୁଠାରୁ ବଡ଼ ଆଭ୍ୟନ୍ତରୀଣ ସରକାରୀ ସଂଗଠନ। ସେ କହିଛନ୍ତି ଯେ ଚୀନ୍ ସର୍ବଦା ଇସଲାମିକ ଦେଶ ଏବଂ ଓଆଇସି ସହିତ ସମ୍ପର୍କକୁ ରଣନୈତିକ ଗୁରୁତ୍ୱ ଦେଇଆସିଛି। ସେ ଜିନଜିଆଙ୍ଗ ଏବଂ ତାଇୱାନ ସମ୍ବନ୍ଧୀୟ ପ୍ରସଙ୍ଗରେ ଚୀନ୍ ପ୍ରତି ଓଆଇସିର ସମର୍ଥନକୁ ପ୍ରଶଂସା କରିଛନ୍ତି। ତାଙ୍କ ସହିତ ଆଲୋଚନାରେ, ଚୀନ୍ ର ବୈଦେଶିକ ମନ୍ତ୍ରୀ ଆମେରିକା ରାଷ୍ଟ୍ରପତି ଟ୍ରମ୍ପ ନୀତିକୁ ସମାଲୋଚନା କରି କହିଛନ୍ତି ,ଏହି କଠିନ ସମୟରେ, ଚୀନ୍ ବିଶ୍ୱର ବିକାଶଶୀଳ ଦେଶମାନଙ୍କ ମଧ୍ୟରୁ ଗୋଟିଏ, ଯିଏକି ଆଇନଗତ ଅଧିକାର ସହିତ ଠିଆ ହୋଇଛି।
ୱାଙ୍ଗ ୟିଙ୍କ ଅନୁସାରେ, ଟ୍ରମ୍ପଙ୍କ ନୀତି ବିଶ୍ୱକୁ ‘ଜଙ୍ଗଲି ଆଇନ’ ଆଡ଼କୁ ନେଇଯାଉଛି, ଯେଉଁଠାରେ ସେ ଯେତେବେଳେ ଚାହିଁବେ, ଯାହା ଉପରେ ଟାରିଫ୍ ଲଗାଇପାରିବେ ଏବଂ ଯେକୌଣସି ଦେଶ ଉପରେ କଟକଣା ଲଗାଇପାରିବେ ଏବଂ ଅନ୍ୟ ରାଷ୍ଟ୍ର ସହିତ ବାଣିଜ୍ୟ କରିବାରୁ ଦେଶଗୁଡ଼ିକୁ ବାଧା ଦେଇପାରିବେ। ଚୀନ୍ ଇସଲାମିକ୍ ଦେଶଙ୍କ ସହ ମିଶି ବିକାଶଶୀଳ ଦେଶ ସହ ଆଇନଗତ ଅଧିକାର ଓ ହିତର ରକ୍ଷା ପାଇଁ ପ୍ରସ୍ତୁତ ରହିଛି। ଚୀନ୍ ଦୁନିଆକୁ ‘ଜଙ୍ଗଲି ଆଇନ୍’ ଆଡକୁ ନେବାକୁ ଚାହୁଁଛି। ଆମେରିକାର ଏହି ସୁପରପାଓ୍ବାର ପ୍ରଭାବକୁ ବିରୋଧ କରାଯିବା ଦରକାର।’
ଆହୁରି ପଢନ୍ତୁ : ପୂର୍ବତନ ବିସିସିଆଇ ଅଧ୍ୟକ୍ଷ ଆଇଏସ୍ ବିନ୍ଦ୍ରାଙ୍କ ପରଲୋକ,ମୋହାଲି ଷ୍ଟାଡିୟମରୁ ନେଇ ବିଶ୍ୱକପ୍ ଆୟୋଜନ ଯାଏଁ ଥିଲା ଗୁରୁତ୍ୱପୂର୍ଣ୍ଣ ଭୂମିକା
