ବେଜିଂ : ଚୀନ୍ର ଏକ କମ୍ପାନୀ ନିଜର କର୍ମଚାରୀଙ୍କୁ ଟୟଲେଟ୍ରେ ଫଟୋ ଉଠାଇବାକୁ ନେଇ ବିବାଦ ଘେରରେ। ଲିକ୍ସୁନ୍ ଡାୟନନ୍ସେ ନାମର ଏହି କମ୍ପାନୀ ଶେନଜେନରେ ଅଛି। କମ୍ପାନୀ କର୍ମଚାରୀଙ୍କୁ ଟୟଲେଟରେ ଅଧିକ ସମୟ ବିତାଇବାକୁ ରୋକିବା ପାଇଁ ସିକ୍ରେଟ୍ କ୍ୟାମେରା ଲଗାଇ ଥିଲା ଏବଂ ସେହି ଲୋକଙ୍କ ଫଟୋ ଉଠାଇ ଥିଲା, ଯେଉଁମାନେ ଅଧିକ ସମୟ ୱାଶରୁମ୍ ବ୍ୟବହାର କରୁ ଥିଲେ। ଏହାପରେ କମ୍ପାନୀ ଏମିତି ଅନେକ କର୍ମଚାରୀଙ୍କ ଫଟୋ ସାର୍ବଜନିକ ମଧ୍ୟ କରି ଦେଇଛି, ଯେଉଁମାନେ ଟୟଲେଟ୍ରେ ସିଗାରେଟ୍ ପିଉ ଥିଲେ ଓ ମୋବାଇଲେରେ ଗେମ୍ ଖେଳରେ ମାତି ଥିଲେ। ଏହାକୁ ନେଇ କର୍ମଚାରୀମାନେ ଓ ଅନେକ ସଙ୍ଗଠନ କଡ଼ା ବିରୋଧ କରିଛନ୍ତି।
ଚାଇନା ମିଡ଼ିଆ ମୁତାବିକ, କର୍ମଚାରୀମାନେ ଜାଣିବାକୁ ପାଇଲେ କି, ଅଫିସର ଡୋର୍ରେ ଲାଗି ଥିବା ଏକ ବୋର୍ଡରେ କିଛି ଫଟୋ ଲାଗିଛି, ଯେଉଁଥିରେ ୱାଶରୁମ୍ ୟୁଜ୍ କରୁଥିବା ଲୋକ ଅଛନ୍ତି। ଏହାପରେ ଏହି ଫଟୋ କିଛି ଲୋକ ସୋସିଆଲ ମିଡ଼ିଆରେ ସେୟାର କରି କମ୍ପାନୀର ସମାଲୋଚନା କରିଛନ୍ତି, ଏହାପରେ ଏହା ଭାଇରାଲ ହୋଇ ଯାଇଛି। ଆଇନ୍ ବିଶେଷଜ୍ଞମାନେ କମ୍ପାନୀର ଏହି ପଦକ୍ଷେପକୁ ଗୋପନୀୟତାର ଉଲ୍ଲଙ୍ଘନ ହୋଇ ଥିବାର କହିଛନ୍ତି।
କମ୍ପାନୀ ଦେଲା ସଫେଇ –
କମ୍ପାନୀ ନିଜକୁ ସୁରକ୍ଷା ଦେଇ କହିଛି କି, ଫଟୋ କେବଳ କର୍ମଚାରୀଙ୍କୁ ଟୟଲେଟ୍ର ଦୁରୁପଯୋଗ କରିବାରୁ ରୋକିବା ପାଇଁ ନିଆଯାଇ ଥିଲା। କମ୍ପାନୀର କହିବାନୁସାରେ , ଟୟଲେଟ୍ରେ ଧୂମ୍ରପାନ କରିବାରୁ ରୋକିବା ସତ୍ତ୍ୱେ କର୍ମଚାରୀ ସେଠାରେ ସିଗାରେଟ୍ ପିଉ ଥିଲେ।ହେଲେ କମ୍ପାନୀର ସଫେଇ ପରେ ମଧ୍ୟ ସୋସିଆଲ ମିଡ଼ିଆରେ ବିରୋଧ ଜାରି ରହିବାରୁ ଫଟୋକୁ ହଟେଇ ନିଆଗଲା। ଓକିଲ ଝୁ ଜୁଏ ଚାଇନା ମିଡ଼ିଆ ଆଉଟଲେଟ୍ ଜିମୁ ନ୍ୟୁଜ୍କୁ କହିଛନ୍ତି କି, କମ୍ପାନୀକୁ କର୍ମଚାରୀଙ୍କ ଆଳସ୍ୟ ବା ଖରାପ ଆଚରଣକୁ ବେଆଇନ ଉପାୟରେ ରେକର୍ଡ କରିବା ଉଚିତ ନୁହେଁ। ଏହା କମ୍ପାନୀକୁ କର୍ମଚାରୀଙ୍କ ଗୋପନୀୟତାର ଉଲ୍ଲଙ୍ଘନ।
ସୋସିଆଲ ମିଡ଼ିଆରେ ମଧ୍ୟ ଲୋକେ କମ୍ପାନୀର ନୈତିକତା ଓ ଆଇନର ସଚେତନତା ଉପରେ ପ୍ରଶ୍ନ ଉଠାଇଛନ୍ତି। ଜଣେ ଅନଲାଇନ୍ ୟୁଜର ଟିପ୍ପଣୀ ଦେଇ କହିଛନ୍ତି ଯେ, କମ୍ପାନୀକୁ ଉଚିତ୍ ଆଇନଗତ ଜ୍ଞାନ ନାହିଁ। ଆଉ ଜଣେ ୟୁଜର ପଚାରିଛନ୍ତି କି କମ୍ପାନୀ କଣ ନିଜ କର୍ମଚାରୀଙ୍କୁ କିଣା ଚାକର ଭାବୁଛି। ନିରୀକ୍ଷଣ ପାଇଁ ଏମିତି ତରିକା ଯେକୌଣସି ମଣିଷ ପାଇଁ ନିରାଶଜନକ କାର୍ଯ୍ୟ।
