ଢେଙ୍କାନାଳ, ୨୦/୧୧ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଅନ୍ତର୍ଗତ ଭଙ୍ଗାମାଳ ଗ୍ରାମରେ ଗୋଷ୍ଠୀ ସଙ୍ଘର୍ଷ । ଗାଁ ରାସ୍ତାକୁ କେନ୍ଦ୍ରକରି ଗଷ୍ଠୀ ସଂଘର୍ଷ ହୋଇଛି। ଏହି ମାରପିଟ୍ରେ ୩ ଜଣ ଗୁରୁତର ହୋଇ ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି ।
ସୂଚନା ମୁତାବକ, ଭଙ୍ଗାମାଳ ଗ୍ରାମରେ ଏକ ରାସ୍ତାକାମ କରାଯାଉଛି। ସେହି ରାସ୍ତାରେ ଗ୍ରାମର କିଛି ଲୋକଙ୍କର ନିଜସ୍ଵ ଜମି ଯାଉଥିବାରୁ ସେମାନେ ପୂର୍ବରୁ ବିରୋଧ କରିଆସୁଥିଲେ। ଆଜି ରାସ୍ତାକାମ ଚାଲିଥିବାବେଳେ ବିରୋଧ ହେବାରୁ ଉତ୍ତ୍ୟକ୍ତ ଗ୍ରାମବାସୀମାନଙ୍କ ସହିତ ଜମି ହରାଇଥିବା ଲୋକଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ହୋଇଥିଲା। ଯେଉଁଥିରେ ଜମି ହରାଇଥିବା ୩ ଜଣ ଗୁରୁତର ହୋଇଛନ୍ତି। ଗୁରୁତରମାନେ ହେଲେ ଭଙ୍ଗାମାଳ ଗ୍ରାମର ୨ ଭାଇ ପ୍ରତାପ ରାଉତ, ପ୍ରଶାନ୍ତ ରାଉତ ଏବଂ ତାଙ୍କ ଜ୍ଵାଇଁ କମିନିଙ୍ଗ ଗ୍ରାମର ଶେଷଦେବ ରାଉତ ଗୁରୁତର ହୋଇଛନ୍ତି । ସମସ୍ତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ଘଟଣାସ୍ଥଳରେ ପୁଲିସ ପହଞ୍ଚି ସ୍ଥିତିକୁ ଆୟତ୍ତ କରିଛି ।
