ବୁଗୁଡ଼ା, ୧୦/୭ : ବୁଗୁଡ଼ା ଥାନା ଅନ୍ତର୍ଗତ ବେତାରସିଂ ଗ୍ରାମରେ ବିଦ୍ୟୁତ ଆଘାତରେ ଜଣେ କଲେଜ ଛାତ୍ରଙ୍କ ମୃତ୍ୟୁ ଘଟିଛି l ମୃତକ ବେତାରସିଂ ନୁଆଁ ସାହିର ବାବୁଲି ଜେନାଙ୍କ ବଡ଼ ପୁଅ ଆଶୀର୍ବାଦ (୧୯) l 

ସୂଚନା ଅନୁସାରେ, ଆଶୀର୍ବାଦ ଆଜି ସନ୍ଧ୍ୟା ସମୟରେ ନିଜ ନିର୍ମାଣଧିନ ଘରେ ଲାଗିଥିବା ପାଣି ମୋଟର ଖୋଲୁ ଥିବା ସମୟରେ ଅସାବଧାନତା ବଶତଃ ବିଦ୍ୟୁତ୍ ସଂସ୍ପର୍ଶରେ ଆସି ଯାଇଥିଲେ l ତାଙ୍କୁ ତୁରନ୍ତ ଉଦ୍ଧାର କରାଯାଇ ବୁଗୁଡ଼ା ମେଡ଼ିକାଲକୁ ଅଣାଯାଇଥିଲା । ସେଠାରେ ଡାକ୍ତର ମୃତ ଘୋଷଣା କରିଥିଲେ l ଖବରପାଇ ପୋଲିସ ମେଡିକାଲରେ ପହଞ୍ଚି ଶବକୁ ଜବତ କରିଛି l ଆଶୀର୍ବାଦ ବୁଗୁଡ଼ା ପିପୁଲ୍ସ କଲେଜରେ ଯୁକ୍ତ ତିନି ଦ୍ଵିତୀୟ ବର୍ଷର ଛାତ୍ର ଥିଲେ l ତାଙ୍କ ମୃତ୍ୟୁରେ ଅଞ୍ଚଳରେ ଶୋକର ଛାୟା ଖେଳି ଯାଇଛି l