PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ: ଜୁଲାଇ ୫ରେ ପ୍ରକାଶ ପାଇବ ମାଟ୍ରିକ୍ ରେଜଲ୍ଟ !
  • ||
  • ପୁରୀ: ଶ୍ରୀମନ୍ଦିରରେ ପହଞ୍ଚିଲା ଏଏସ୍‌ଆଇ ଟିମ୍‌, ଗର୍ଭଗୃହ ଓ ନାଟମଣ୍ଡପ ଫାଟର ସ୍ଥିତି ଓ ଏହାର ସୁରକ୍ଷା ସମ୍ପର୍କରେ ଯାଞ୍ଚ କରିବ ଟିମ୍‌
  • ||
  • ଖୋର୍ଦ୍ଧା: ବାଘମାରୀ ନିକଟରେ ରାସ୍ତାକଡକୁ ଖସିଲା ଲିଙ୍ଗରାଜ ବସ୍, ୨୦ ଯାତ୍ରୀ ଆହତ
  • ||
  • ପୁରୀ: ଆଜି ମିଳିବ ଆଡ଼ପ ଅବଢ଼ା
  • ||
  • ମହିଳା ହକି ବିଶ୍ୱକପ୍‌: ଆଜି ଇଂଲଣ୍ଡକୁ ଭେଟିବ ଭାରତ
  • ||
  • ଭଦ୍ରକ: ଭଦ୍ରକରେ ଦୁଇ କିନ୍ନର ଗୋଷ୍ଠୀ ମୁହାଁମୁହିଁ: ୫ ଜଣ ଗୁରୁତର, ୪ ଅଟକ
  • ||
  • ଭୁବନେଶ୍ୱର : ପଥରଗାଡ଼ିଆରେ ଅଦ୍ଭୂତ ବାଛୁରୀ ଜନ୍ମ, ଦେଖିବାକୁ ଲୋକଙ୍କ ଲାଗିଲା ଭିଡ଼
  • ||
  • ଭୁବନେଶ୍ୱର : ରାଜ୍ୟରେ ବଢ଼ିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୩୪୬ ଜଣ କରୋନା ପଜିଟିଭ
  • ||

କଂଗ୍ରେସ ନେତା ବିକେ ହରିପ୍ରସାଦଙ୍କ ବିବାଦୀୟ ମନ୍ତବ୍ୟ: ପୁଲଓ୍ବାମା ଆକ୍ରମଣ ମୋଦି ଓ ଇମ୍ରାନଙ୍କ ମ୍ୟାଚ୍ ଫିକ୍ସିଂ ଫଳାଫଳ

ନୂଆଦିଲ୍ଲୀ,୭।୩: କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଯଦିଓ ପୁଲଓ୍ବାମା ଆକ୍ରମଣ ଘଟଣାକୁ ନେଇ ରାଜନୀତି ନ କରିବାକୁ କହୁଛନ୍ତି କିନ୍ତୁ ଦଳର ଜଣେ ବରିଷ୍ଠ ନେତା ଏହି ପ୍ରସଙ୍ଗରେ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାରେ। କଂଗ୍ରେସ ନେତା ବିକେ ହରିପ୍ରସାଦଙ୍କ କହିଛନ୍ତି ପୁଲଓ୍ବାମା ଆତଙ୍କବାଦୀ ଆକ୍ରମଣ ଘଟଣା ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କ ମଧ୍ୟରେ ମ୍ୟାଚ୍ ଫିକ୍ସିଂର ଫଳାଫଳ। ପୁଲଓ୍ବାମା ଆକ୍ରମଣ ଘଟଣା ଉପରେ ଯଦି ନଜର ପକାଇବେ ସେଥିରୁ ଏହା ଜଣାପଡୁଛି। କେନ୍ଦ୍ର ମନ୍ତ୍ରୀ ରବିଶଙ୍କର ପ୍ରସାଦଙ୍କୁ ସ୍ପଷ୍ଟ କରିବାକୁ ଚାହେଁ ଯେ ମୋଦି ଓ ଇମ୍ରାନଙ୍କ ମଧ୍ୟରେ ଏହା କି ପ୍ରକାର ମ୍ୟାଚ୍ ଫିକ୍ସିଂ ଥିଲା? ତାଙ୍କ ଅଜାଣତରେ ପୁଲଓ୍ବାମା ଆତଙ୍କବାଦୀ ଆକ୍ରମଣ ଘଟଣା ହୋଇପାରିବନି।

କଂଗ୍ରେସର ରାଜ୍ୟସଭା ସାଂସଦ ବିକେ ହରିପ୍ରସାଦଙ୍କ ଏହି ବୟାନ ଏବେ ପାର୍ଟି ପାଇଁ ବିପଦ ଆଣିପାରେ। ଏବେ ହରିପ୍ରସାଦ ଲଗାତାର ଭାବରେ ବିଜେପିକୁ ରାଫେଲ ଏବଂ ପୁଲଓ୍ବାମା ଘଟଣା ନେଇ ଘେରିବାରେ ଲାଗିଛନ୍ତି। ଏହା ପୂର୍ବରୁ କଂଗ୍ରେସର ବରିଷ୍ଠ ନେତା ଦିଗବିଜୟ ସିଂହ ସିଆରପିଏଫ୍ ଯବାନଙ୍କ ଉପରେ ଆତଙ୍କବାଦୀ ଆକ୍ରମଣକୁ ଦୁର୍ଘଟଣା ବୋଲି କହିଥିଲେ। ତାଙ୍କର ଏହି ବିବାଦୀୟ ମନ୍ତବ୍ୟ ପାଇଁ କଂଗ୍ରେସକୁ ସମାଲୋଚନାର ପାତ୍ର ହେବାକୁ ପଡିଥିଲା। ବିଶେଷ କରି ସୋସିଆଲ ମିଡିଆରେ ଦିଗବିଜୟଙ୍କୁ ଟାର୍ଗେଟ କରାଯିବା ପରେ ଦଳ ପକ୍ଷରୁ ମଧ୍ୟ କଡା ସମାଲୋଚନା କରାଯାଇଥିଲା।   

ସମ୍ବନ୍ଧିତ ଖବର