ଧର୍ମଘଟ କରୁଥିବା ୬୫୦ ଜଣ ବିଦ୍ୟୁତ କର୍ମଚାରୀଙ୍କୁ ଚାକିରିରୁ ବିଦା କଲେ ୟୁପି ସରକାର, ହାଇକୋର୍ଟଙ୍କ ନିର୍ଦ୍ଦେଶକୁ କରିଥିଲେ ଅବମାନନା…
ନୂଆଦିଲ୍ଲୀ : ଉତ୍ତରପ୍ରଦେଶରେ ବିଦ୍ୟୁତ କର୍ମଚାରୀଙ୍କ ଧର୍ମଘଟକୁ ନେଇ ହାଇକୋର୍ଟ କଠୋର ହେବା ପରେ ଏବେ ୟୁପି ସରକାର ମଧ୍ୟ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ସରକାର ୬୫୦ ଆଉଟସୋର୍ସିଂ ଚୁକ୍ତିଭିତ୍ତିକ କର୍ମଚାରୀଙ୍କୁ ଚାକିରିରୁ ବିଦା କରିଛନ୍ତି । ଏହା ସହିତ କର୍ମଚାରୀମାନଙ୍କର ଉପସ୍ଥାନ ପଞ୍ଜିକରଣ ନକରିବାରୁ ୭ ଟି ଏଜେନ୍ସି ବିରୋଧରେ ମାମଲା ରୁଜୁ ହୋଇଛି । ଅନ୍ୟପକ୍ଷରେ, ଯେଉଁମାନେ କାମ କରୁନାହାଁନ୍ତି ସେମାନଙ୍କ ବିରୋଧରେ ତୁରନ୍ତ ମାମଲା (FIR) ପଞ୍ଜିକରଣ କରିବାକୁ ନିର୍ଦ୍ଦେଶ ଦିଆଯାଇଛି । ଯେଉଁ ଏଜେନ୍ସିଗୁଡ଼ିକ ଉପରେ ମାମଲା ରୁଜୁ କରାଯାଇଛି, ସେମାନଙ୍କ ଉପରେ ପ୍ରତିବନ୍ଧକ ଲଗାଯାଇଛି । ବର୍ତ୍ତମାନ ଏହି ଏଜେନ୍ସିଗୁଡ଼ିକ ଭବିଷ୍ୟତରେ ନିଗମରେ କାମ କରିପାରିବେ ନାହିଁ ।
ଏହା ପୂର୍ବରୁ ଆହ୍ଲାବାଦ ହାଇକୋର୍ଟ ବିଦ୍ୟୁତ ଯୋଗାଣରେ ବାଧା ନଦେବାକୁ ପୂର୍ବରୁ ନିର୍ଦ୍ଦେଶ ଦେବା ସତ୍ତ୍ବେ ରାଜ୍ୟ ବିଦ୍ୟୁତ ବିଭାଗର କର୍ମଚାରୀମାନେ ଧର୍ମଘଟ କରିଥିଲେ । ଏନେଇ ନେଇ ଆହ୍ଲାବାଦ ହାଇକୋର୍ଟ ଶୁକ୍ରବାର ଦିନ ବିଭାଗର କର୍ମଚାରୀ ସଂଘର ନେତାଙ୍କ ବିରୋଧରେ ଅବମାନନା ପ୍ରକ୍ରିୟା ଆରମ୍ଭ କରିଛନ୍ତି । ଏହି ନେତାମାନଙ୍କୁ କୋର୍ଟ ଜାମିନ ବିହୀନ ଓ୍ବାରେଣ୍ଟ ପ୍ରଦାନ କରିଛନ୍ତି ଏବଂ ସେମାନଙ୍କୁ ୨୦ ମାର୍ଚ୍ଚ ୨୦୨୩ ରେ କୋର୍ଟରେ ହାଜର ହେବାକୁ କହିଛନ୍ତି । ଏହି ସମୟରେ ଉତ୍ତରପ୍ରଦେଶ ପାୱାର କର୍ପୋରେସନ୍ ଲିମିଟେଡ୍ (ୟୁପିପିସିଏଲ୍) ହାଇକୋର୍ଟଙ୍କ ନିର୍ଦ୍ଦେଶର ଅବମାନନାକୁ ଦର୍ଶାଇ ବିଦ୍ୟୁତ କର୍ମଚାରୀ ସଂଯୁକ୍ତ ସଂଘର୍ଷ ସମିତିର ସଂଯୋଜକ ଶୈଳେନ୍ଦ୍ର ଦୁବେଙ୍କ ସମେତ ବିଭିନ୍ନ ସଂଗଠନର ମୋଟ ୧୮ ଜଣ ପଦଧିକାରୀଙ୍କୁ ନୋଟିସ୍ ଜାରି କରି ତୁରନ୍ତ ଧର୍ମଘଟ ପ୍ରତ୍ୟାହାର କରିବାକୁ ନିର୍ଦ୍ଦେଶ ମିଳିଛି ।
ମାର୍ଚ୍ଚ ୨୦ ରେ ଏହି ମାମଲାର ପରବର୍ତ୍ତୀ ଶୁଣାଣି ସ୍ଥିର କରି କୋର୍ଟ ସେ ପର୍ଯ୍ୟନ୍ତ କାର୍ଯ୍ୟାନୁଷ୍ଠାନ ସମ୍ପର୍କରେ ସୂଚନା ଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । କୋର୍ଟ କହିଛନ୍ତି ଯେ ସଂପୃକ୍ତ ବିଭାଗର ଅତିରିକ୍ତ ମୁଖ୍ୟ ସଚିବ ସେପର୍ଯ୍ୟନ୍ତ ଏକ ଆଫିଡେଭିଟ୍ ଦାଖଲ କରିବେ । ଉକ୍ତ ନିର୍ଦ୍ଦେଶକୁ ଅତିକ୍ରମ କରି କୋର୍ଟ କହିଛନ୍ତି, “ଆମ ସମ୍ମୁଖରେ ଯାହା ଦାଖଲ ହୋଇଛି, ଏଥିରୁ ଜଣାପଡୁଛି ଯେ ଏକ ଗୁରୁତର ପରିସ୍ଥିତି ଉପୁଜିଛି ଯାହା ତୁରନ୍ତ ଧ୍ୟାନ ଦେବା ଆବଶ୍ୟକ । ଯଦିଓ ଏହି କର୍ମଚାରୀଙ୍କ ଚାହିଦା ଅନୁଯାୟୀ ଯୋଗ୍ୟତା ଅଛି, ତଥାପି ସମଗ୍ର ରାଜ୍ୟକୁ ବନ୍ଦ କରିହେବ ନାହିଁ । କୋର୍ଟ କହିଛନ୍ତି, “କର୍ମଚାରୀଙ୍କ ଏପରି କାର୍ଯ୍ୟ ବିଦ୍ୟୁତ ଯୋଗାଣରେ ବାଧା ନଦେବା ଏହି କୋର୍ଟର ନିର୍ଦ୍ଦେଶର ଉଲ୍ଲଂଘନ କରୁଛି । ରାଜ୍ୟର ବିଭିନ୍ନ ବିଦ୍ୟୁତ୍ ଉତ୍ପାଦନ ୟୁନିଟ୍ ଗୁଡିକରେ ବିଦ୍ୟୁତ୍ ଉତ୍ପାଦନ ହ୍ରାସ ହେତୁ ଜାତୀୟ ସ୍ୱାର୍ଥ କ୍ଷୁର୍ଣ୍ଣ ହେଉଛି ।
