ଉମରକୋଟ,୪।୩ : ନବରଙ୍ଗପୁରରେ ଚାଞ୍ଚଲ୍ୟ । ନିଜ ଘରୁ ସନ୍ଦେହ ଜନକ ଭାବେ ଦମ୍ପତିଙ୍କ ମୃତଦେହ ଉଦ୍ଧାର । ନବରଙ୍ଗପୁର ଜିଲ୍ଲା କୁନ୍ଦେଇ ଥାନା ଅନ୍ତର୍ଗତ ଆମାପାରା ଗ୍ରାମରେ ଦେଖା ଦେଇଛି ଏଭଳି ଅଭାବନୀୟ ଘଟଣା । ନିଜ ଘରରୁ ଦମ୍ପତିଙ୍କ ଗଳିତ ମୃତଦେହ ଉଦ୍ଧାର କରିଛି ପୋଲିସ। ଏହି ଦମ୍ପତି ହେଲେ ପତି ଦୁର୍ଜନ ଗଣ୍ଡ ଓ ପତ୍ନୀ ବିଜବାଇ। ଏହି ଦମ୍ପତି ଗତ ଶନିବାର ଠାରୁ ନିଖୋଜ ଥିଲେ ବୋଲି ମୃତ ଦୁର୍ଜନ ଗଣ୍ଡଙ୍କ ମା’ ସୋମବାର କୁନ୍ଦେଇ ଥାନାରେ ଏତଲା ଦେଇଥିଲେ।
ଶନିବାର ମୃତ ଦୁର୍ଜନଙ୍କ ମା’ ଛତିଶଗଡ଼କୁ ଯାଇଥିଲେ । ତେବେ ସୋମବାର ଘରକୁ ଫେରି ଦେଖିବା ବେଳକୁ ତାଙ୍କ ଘର ଭିତର ପଟୁ ବନ୍ଦ ଥିବା ଦେଖି ପୁଅ ବୋହୂ ଙ୍କ ନିଖୋଜ ନେଇ କୁନ୍ଦେଇ ଥାନାରେ ଏକ ମାମଲା ଦାଏର କରିଥିଲେ। ମଙ୍ଗଳବାର ସକାଳୁ ସେଇ ଘର ଭିତରରୁ ହିଁ ଦୁର୍ଗନ୍ଧ ହେବା ଯୋଗୁଁ ଗ୍ରାମବାସୀ କୁନ୍ଦେଇ ପୋଲିସକୁ ଖବର ଦେଇଥିଲେ। ଘଟଣା ସ୍ଥଳରେ ପୋଲିସ ପହଂଚି ଶବ ଜବତ କରି ଅଧିକ ତଦନ୍ତ କରୁଛନ୍ତି। ମୃତ୍ୟୁର କାରଣ ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଦୁଇଟି ଶବ ବେକରେ ଗାମୁଛା ରହିଥିବା ସହ ଶରୀର ରୁ ପ୍ରଚୁର ରକ୍ତତ୍ସାବ ହୋଇଛି । ତେବେ ମୃତ୍ୟ କାରଣ ଅସ୍ପଷ୍ଟ ଥିବା ବେଳେ ହତ୍ୟା ନା ଆତ୍ମହତ୍ୟା ଜଣା ପଡି ନାହିଁ।
