ପ୍ରମୁଖ ଖବର
  • ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ରାଜ୍ୟର ଲ' ଅଫିସ୍‌ର ମାନଙ୍କର ଡେଲି ଓ ରିଟେଲ୍‌ ଫି ରେ ୫୦ ପ୍ରତିଶତ ବୃଦ୍ଧି
  • ||
  • ରାଜ୍ୟର ଗଣଶିକ୍ଷକଙ୍କ ପାଇଁ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ଉପକୃତ ହେବେ ୧୨ ହଜାରରୁ ଅଧିକ ଗଣଶିକ୍ଷକ
  • ||
  • ଚାଟାର୍ଡ ଆକାଉଣ୍ଟାଣ୍ଟଙ୍କ ଘରେ EDର ଚଢ଼ାଉ, ଏକାକାଳୀନ ୫ଟି ସ୍ଥାନରେ ଚାଲିଛି ରେଡ୍
  • ||
  • ଅଜଣା ଗାଡି ଧକ୍କା ବାଇକ ଚାଳକଙ୍କ ଚଲିଗଲା ଜୀବନ, ଅଞ୍ଚଳବାସୀଙ୍କ ରାସ୍ତାରୋକ୍
  • ||
  • ଶୁକ୍ରବାର ସନ୍ଧ୍ୟା ୭ଟାରୁ ସୂର୍ଯ୍ୟମନ୍ଦିର ପରିଦର୍ଶନ ବନ୍ଦ, ଅକ୍ଟୋବର ୩୧ ପର୍ଯ୍ୟନ୍ତ ଭ୍ରମଣ ସମୟ ପରିବର୍ତ୍ତନ
  • ||
  • ଲୋକସଭା ପ୍ରାର୍ଥୀ ଚୟନ ନେଇ ବିଜେପିର ଗୁରୁତ୍ୱପୂର୍ଣ୍ଣ ବୈଠକ, ସମ୍ଭାବ୍ୟ ପ୍ରଥମ ପ୍ରାର୍ଥୀ ତାଲିକାରେ ଏହି ନେତାଙ୍କ ନାଁ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ରୋମାଞ୍ଚକର ବିଜୟ, ରୟାଲ୍‌ ଚ୍ୟାଲେଞ୍ଜର୍ସକୁ ୨୫ ରନ୍‌ରେ ହରାଇଲା
  • ||
  • ଭଞ୍ଜବିହାର ଗସ୍ତ କରିବେ ରାଷ୍ଟ୍ରପତି ଦୌପଦୀ ମୁର୍ମୁ, ସମାବର୍ତ୍ତନ ଉତ୍ସବରେ ଦେବେ ଉଦ୍‌ବୋଧନ
  • ||
  • ଏନ୍‌ଟିସିଏରେ କଲରାପତରିଆ ବାଘର ତଥ୍ୟ ଚିନ୍ତାଜନକ, ଓଡ଼ିଶାରୁ ୧୯୨ କଲରାପତରିଆ ଉଭାନ୍
  • ||
  • ଶୁକ୍ରବାର ବରମୁଣ୍ଡା ବସ୍‌ ଟର୍ମିନାଲ ଲୋକାର୍ପଣ କରିବେ ମୁଖ୍ୟମନ୍ତ୍ରୀ: ଏୟାରପୋର୍ଟ ଭଳି ଅତ୍ୟାଧୁନିକ ସୁବିଧା ପାଇବେ ଯାତ୍ରୀ
  • ||
  • ରାଜ୍ୟରେ ପୁଣି ବଢ଼ିଲା ତାତି, ମାଲକାନଗିରିରେ ସର୍ବାଧିକ ୩୭ଡିଗ୍ରୀ: ଆସନ୍ତା ୩ରୁ ବିଭିନ୍ନ ସ୍ଥାନରେ ବର୍ଷା ସମ୍ଭାବନା
  • ||

ପ୍ରାକୃତିକ ସୌନ୍ଦର୍ଯ୍ୟରେ ଭରପୂର ଡଗରା ବେଳାଭୂମି: ମୁଖ୍ୟ ଆକର୍ଷଣ ଲାଲ କଙ୍କଡ଼ା, ଅଲିଭ୍‌ ରିଡ୍‌ଲେ କଇଁଚ୍ଛ

ଲଙ୍ଗଳେଶ୍ୱର ୨୭/୧୧(କୃପାସିନ୍ଧୁ ପଣ୍ଡା):ବାଲେଶ୍ୱର ଜିଲ୍ଲାରେ ଯେଉଁ କେତଟି ବେଳାଭୂମି ଅଛି, ସେଥିମଧ୍ୟମରୁ ବାଲିଆପାଳ ବ୍ଲକ ଅନ୍ତର୍ଗତ ଡଗରା ବେଳାଭୂମି ଅନ୍ୟତମ । ଏହି ବେଳାଭୂମିରେ ପ୍ରାକୃତିକ ସୌନ୍ଦର୍ଯ୍ୟ, ଲାଲ କଙ୍କଡ଼ା, ଅଲିଭ୍‌ ରିଡ୍‌ଲେ କଇଁଛ ପର୍ଯ୍ୟଟକଙ୍କ ମୁଖ୍ୟ ଆକର୍ଷଣ ପାଲଟେ । ଯେଉଁଥି ପାଇଁ ପ୍ରତିବର୍ଷ ଏଠାରେ ପର୍ଯ୍ୟଟକଙ୍କ ସଂଖ୍ୟା କ୍ରମଶଃ ବଢ଼ିବାରେ ଲାଗିଛି ।

ବଙ୍ଗୋପସାଗର କୂଳରେ ଅଗଭୀର ସମତଳ ଡଗରା ବେଳା ଭୂମି ଅବସ୍ଥିତ । ବେଳାଭୂମିରୁ ଦୂରକୁ ଚାହିଁଲେ ସମୁଦ୍ରର ନୀଳ ଜଳ ରାଶି ଆକାଶକୁ ଛୁଇଁଲା ଭଳି ପ୍ରତୀୟମାନ ହୁଏ । ବେଳାଭୂମିରେ ସୂର୍ଯ୍ୟୋଦୟ, ସୂର୍ଯ୍ୟାସ୍ତ ଦୃଶ୍ୟ ଅତୀବ ମନୋରମ । ସବୁଠାରୁ ଅଧିକ ମନୋରମ ଲାଗେ ଏଠାକାର ନାଲି କଙ୍କଡ଼ା । ଆଖି ପାଉ ନ ଥିବା ଧଳା ବାଲୁକା ଶଯ୍ୟା । ତା’ ଉପରେ ନାଲି କଙ୍କଡ଼ା ଚଲାବୁଲା କରନ୍ତି । ଦୂରରୁ ଲାଗେ ସତେ ଯେମିତି ଧଳା ବାଲୁକା ରାଶି ଉପରେ କିଏ ଗୋଟିଏ ନାଲି ରଙ୍ଗର ଚଦର ବିଛେଇ ଦେଇଛି । ଏହି ଦୃଶ୍ୟକୁ ସ୍ୱଚକ୍ଷୁରେ ନ ଦେଖିଲେ କେହି ବିଶ୍ୱାସ କରିପାରିବନି ।

ଏହି ବେଳାଭୂମିରେ ଅଲିଭ ରିଡ୍‌ଲେ କଇଁଛ ଦେଖିବାକୁ ମିଳେ । ଏହା ମଧ୍ୟ ପର୍ଯ୍ୟଟକଙ୍କୁ ଆକୃଷ୍ଟ କରେ । ସେମାନଙ୍କ କୁନି କୁନି ଶାବକଙ୍କ କୌତୁକୀୟ ଚାଲିର ଦୃଶ୍ୟ ପର୍ଯ୍ୟଟକଙ୍କୁ କିଛି ସମୟ ପାଇଁ ମନ୍ତ୍ରମୁଗ୍ଧ କରେ । ବେଳା ଭୂମିରେ ଘଞ୍ଚ ଝାଉଁ ବଣ ଅଛି । ଏହା ବିସ୍ତୀର୍ଣ୍ଣ ବେଳା ଭୂମିର ଶୋଭା ମଣ୍ଡନ କରୁଛି । ଏହା ସହ ନାନା ଜାତିର ବିଦେଶୀ ପକ୍ଷୀଙ୍କ କୋକିଳ ମନମୁଗ୍ଧକର ପରିବେଶ ସୃଷ୍ଟି କରେ । ଏହି ସବୁ କାରଣ ପାଇଁ ଜିଲ୍ଲା ତଥା ଜିଲ୍ଲା ବାହାରର ପର୍ଯ୍ୟଟକଙ୍କ ଭିଡ଼ ଏଠାରେ ଜମେ । ତେବେ ବଙ୍ଗୀୟ ପର୍ଯ୍ୟଟକଙ୍କର ଏହି ବେଳାଭୂମି ପ୍ରଥମ ପସନ୍ଦ । ପ୍ରତିବର୍ଷ ଏଠାରେ ତିନିଥର ସାମୁହିକ ମେଳା ଅନୁଷ୍ଠିତ ହୁଏ । ମକର ସଂକ୍ରାନ୍ତିରେ ମକର ମେଳା, ବାରୁଣୀ ସ୍ନାନ, ବେଳାଭୂମି ମହୋତ୍ସବ ବେଳେ ଏହି ବେଳାଭୂମି ଲୋକାରଣ୍ୟ ହୋଇଯାଏ । ପ୍ରକୃତିର ତାଳେ ତାଳେ ଖୋଲା ଆକାଶ ତଳେ ପାରମ୍ପରିକ ଢଙ୍ଗରେ ସଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିବା ପାଇଁ ହଜାର ହଜାର ପର୍ଯ୍ୟଟକଙ୍କ ଭିଡ଼ ଜମେ ।

ଏସବୁ ସତ୍ତେ୍ୱ ରାଜ୍ୟର ଅନ୍ୟ ବେଳାଭୂମି ପରି ଏହାର ବିକାଶ ହୋଇପାରନି । ଏହାର ଉନ୍ନତିକରଣ ପାଇଁ ସରକାରୀ ସ୍ତରରେ ସେମିତି କିଛି ଆଖି ଦୃଶିଆ ପଦକ୍ଷେପ ନିଆଯାଇନି । ବେଳାଭୂମିକୁ ଆସିବା ପାଇଁ ରାସ୍ତାର ସଂପ୍ରସାରଣ, ବେଳା ଭୂମିରେ ଆଲୋକିକରଣ, ପର୍ଯ୍ୟଟକଙ୍କ ସୁରକ୍ଷା ପାଇଁ ଲାଇଫ ଗାର୍ଡ, ବୋଟିଂ ପାଇଁ ବୋଟ୍‌, ରାତ୍ରି ରହଣି ପାଇଁ ପାନ୍ଥଶାଳାର ଆବଶ୍ୟକ ଅଛି । ପର୍ଯ୍ୟଟନ ବିଭାଗ ଏଥି ପ୍ରତି ଦୃଷ୍ଟି ଦେଲେ ଏହି ବେଳାଭୂମି ଆହୁରି ଅଧିକ ପର୍ଯ୍ୟଟକଙ୍କୁ ଆକୃଷ୍ଟ କରିପାରନ୍ତା ବୋଲି ବୁଦ୍ଧିଜୀବୀ ଦାବି କରିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.