ରାମଚନ୍ଦ୍ରପୁର ୨୨/୦୪: କେନାଲ ନିକଟରେ ଠାବ ହେଲା ଯୁବକଙ୍କ ରକ୍ତାକ୍ତ ମୃତ ଦେହ । ହତ୍ୟା କରାଯାଇଥିବା ସନ୍ଦେହରେ ପୋଲିସର ଛାନଭିନ। ଘଟଣାଟି ଘଟିଛି ପାଟପୁର ଥାନା ରାମଚନ୍ଦ୍ରପୁର କାଳିଆଘାଇ କେନାଲ ରାସ୍ତାରେ।
ସୂଚନା ଅନୁଯାୟୀ, ପାଟପୁର ଥାନା ସାମନ୍ତରାପୁର ଗାଁର ହୀନ ପାତ୍ର ଗତକାଲି ଠାରୁ ବ୍ରହ୍ମପୁର ଯାଇ ଆଉ ଘରକୁ ଫେରି ନଥିଲେ। ଆଜି ସକାଳୁ ସକାଳୁ ତାଙ୍କ ମୃତ ଦେହ କେନାଲ ନିକଟରେ ପଡ଼ିଥିବା ଦେଖି ସ୍ଥାନୀୟ ଲୋକ ପରିବାରକୁ ଖବର ଦେଇଥିଲେ। ଖବର ପାଇ ତାଙ୍କ ପରିବାର ଲୋକ ଏବଂ ପୋଲିସ ସେଠାରେ ପହଞ୍ଚିଥିଲେ। ତେବେ ତାଙ୍କ ବାଇକଟି କେନାଲ ରାସ୍ତାରେ ଥିବା ବେଳେ କିଭଳି ତାଙ୍କର ମୃତ୍ୟୁ ହେଲା ତାକୁ ନେଇ ସନ୍ଦେହ ସୃଷ୍ଟି ହେଉଛି। ଶବ ବ୍ୟବଚ୍ଛେଦ ରିପୋର୍ଟ ଆସିଲା ପରେ ମୃତୁ କାରଣ ସ୍ୱଷ୍ଟ ହେବ ବୋଲି ପୋଲିସ କହିଛି।
