ଦିଗପହଣ୍ଡି ,୨୪। ଶାଳୀକୁ ପ୍ରେମ କରିବା ଭିଣୋଇ ପାଇଁ ହେଲା କାଳ। ଶାଳୀର ପ୍ରେମିକ ଆଉ ତା ସାଙ୍ଗ ମିଶି ହତ୍ୟା କଲେ। ପାଟପୁର ଥାନା ରାମଚନ୍ଦ୍ରପୁର କାଳିଆଘାଇ ଯିବା ରାସ୍ତା କେନାଲରୁ ମୃତଦେହ ମିଳିବା ଘଟଣାର ପୋଲିସ ପର୍ଦ୍ଦାଫାଶ କରିଛି। ଏହି ଘଟଣାରେ ପୋଲିସ ୨ ଜଣଙ୍କୁ ଗିରଫ କରିଛି। ଗିରଫ ୨ ଅଭିଯୁକ୍ତ ହେଲେ ଶେରଗଡ଼ ଥାନା ସୁନାନ୍ତରା ଗ୍ରାମର ଦୀପକ ଗୌଡ ଏବଂ ଥୁରୁବୁରେଇ ଗ୍ରାମର ପିଙ୍କୁ ସେଠୀ।
ପାଟପୁର ଥାନା ରାମଚନ୍ଦ୍ରପୁର କାଳିଆଘାଇ ଯିବା ରାସ୍ତା କେନାଲରୁ ସାନଖେମୁଣ୍ଡି ବ୍ଳକ ରାମଚନ୍ଦ୍ରପୁର ପଞ୍ଚାୟତ ଅନ୍ତର୍ଗତ ପି.ସାମନ୍ତରାପୁର ଗ୍ରାମର ପି.ହୀନ ପାତ୍ରଙ୍କ ମୃତଦେହ ମଙ୍ଗଳବାର ସକାଳେ ପୋଲିସ ଉଦ୍ଧାର କରିଥିଲା। ଏହି ଘଟଣାର ତଦନ୍ତ କରି ବିଭିନ୍ନ ସ୍ଥାନରେ ଚଢାଉ କରି ଥାନା ଅଧିକାରୀ ଦୀପ୍ତି ରଞ୍ଜନ ବେହେରା ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।
