ନୂଆଦିଲ୍ଲୀ,୧୬/୦୫: ଆତଙ୍କବାଦ ବିରୋଧରେ ଅପରେସନ୍ 'ସିନ୍ଦୂର' ଏବେ ବି ଜାରି ଥିବା ଭାରତ ସରକାରଙ୍କ ପକ୍ଷରୁ ସୂଚନା ମିଳିଛି । ଦରକାର ପଡିଲେ ଏହି ଅପରେସନ୍ ଜରିଆରେ ଆତଙ୍କୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଅପରେସନ୍ ସିନ୍ଦୂରର ସଫଳତା ପରେ ଆହୁରି ଶକ୍ତିଶାଳୀ ହେବ ଭାରତୀୟ ସେନା । କାରଣ ପ୍ରତିରକ୍ଷା ବଜେଟ୍ ୫୦ ହଜାର କୋଟି ବୃଦ୍ଧି କରାଯିବା ନେଇ ବିଶେଷ ସୁତ୍ରରୁ ସୂଚନା ମିଳିଛି । ଜାତୀୟ ଗଣମାଧ୍ୟମରେ ଏ ନେଇ ଖବର ପ୍ରକାଶ ପାଇଛି । ପୂର୍ବ ବଜେଟରେ ୬ ଲକ୍ଷ ୮୧ ହଜାର କୋଟି ବ୍ୟୟବରାଦ ଥିଲା । ସ୍ୱତନ୍ତ୍ର ସହାୟତା ମିଶିଲେ ପ୍ରତିରକ୍ଷା ବଜେଟ୍ ୭ ଲକ୍ଷ ଟପିବ ।
ଅପରେସନ୍ ସନ୍ଦୂର ପାଇଁ ସରକାର ପ୍ରତିରକ୍ଷା ବଜେଟ୍କୁ ଆହୁରି ବଢାଇବାକୁ ବିଚାର କରୁଛନ୍ତି । କୁହାଯାଉଛି କି ଖୁବଶୀଘ୍ର ପ୍ରତିରକ୍ଷା ବଜେଟ୍ରେ ଅତିରିକ୍ତ ବ୍ୟୟବରାଦ କରାଯିବ । ଏହି ଅତିରିକ୍ତ ଆବଣ୍ଟନ ସେନାଙ୍କ ଆବଶ୍ୟକତା, ଜରୁରୀ ସାମଗ୍ରୀ କିଣିବା ଏବଂ ରିସର୍ଚ ଉନ୍ନତୀକରଣ ପାଇଁ କରାଯାଇପାରେ । ଅତିରିକ୍ତ ଆବଣ୍ଟନକୁ ନୂଆ ଅସ୍ତ୍ରଶସ୍ତ୍ର ଏବଂ ଗୋଳାବାରୁଦ କିଣିବାରେ ଖର୍ଚ୍ଚ କରାଯିବ ।
ମିଳିଥିବା ସୁତ୍ର ଅନୁସାରେ ପ୍ରତିରକ୍ଷା ବଜେଟ ୫୦ ହଜାର କୋଟି ଅତିରିକ୍ତ ପ୍ରାବଧାନ ନେଇ ପ୍ରସ୍ତାବ ଦିଆଯାଇଛି । ଶୀତକାଳୀନ ଅଧିବେଶନରେ ଅତିରିକ୍ତ ବ୍ୟୟବରାଦକୁ ମଞ୍ଜୁରୀ ମିଳିପାରେ । ଚଳିତ ବର୍ଷ ପ୍ରତିରକ୍ଷା ବଜେଟ ରେକର୍ଡ ୬.୮୧ ଲକ୍ଷ କୋଟି ଥିଲା । ଯାହା ଗତ ୧୦ ବର୍ଷରେ ରେକର୍ଡ ବଜେଟ ଥିଲା । ଯାହା ମୋଟ୍ ବଜେଟର ୧୩.୪୫ ପ୍ରତିଶତ ଥିଲା । ସବୁ ମନ୍ତ୍ରଣାଳୟ ତୁଳନାରେ ଏହା ସର୍ବାଧିକ ଥିଲା ।
କେବେ କେତେ ଥିଲା ପ୍ରତିରକ୍ଷା ବଜେଟ୍
ବର୍ଷ ବଜେଟ୍
୨୦୧୪-୧୫ ୨,୨୯,୦୦୦ ଟଙ୍କା
୨୦୧୫-୧୬ ୨,୪୬,୭୨୭ଟଙ୍କା
୨୦୧୬-୧୭ ୩,୪୦,୯୨୧ ଟଙ୍କା
୨୦୧୭-୧୮ ୩, ୫୯, ୮୫୪ ଟଙ୍କା
୨୦୧୮-୧୯ ୪, ୦୪, ୩୬୫ ଟଙ୍କା
୨୦୧୯-୨୦ ୪, ୩୧,୦୧୧ ଟଙ୍କା
୨୦୨୦-୨୧ ୪,୭୧,୩୭୮ ଟଙ୍କା
୨୦୨୧-୨୨ ୪,୭୮,୧୯୬ ଟଙ୍କା
୨୦୨୨-୨୩ ୫,୨୫,୧୬୬ ଟଙ୍କା
୨୦୨୩-୨୪ ୫,୯୩,୫୩୮ ଟଙ୍କା
୨୦୨୪-୨୫ ୬,୨୧,୯୪୧ ଟଙ୍କା
୨୦୨୫-୨୬ ୬,୮୧,୨୧୦ ଟଙ୍କା
