ଭୁବନେଶ୍ଵର, ୨୩/୦୧ : ବାସ୍ତୁ ଶାସ୍ତ୍ରରେ ଉର୍ଜାର ରହିଛି ବିଶେଷ ମହତ୍ତ୍ଵ। ଘରର ବାସ୍ତୁ ଅନୁସାରେ ଆମ ଚାରିପଟେ ଏକ ଉର୍ଜା ଘୂରିବୁଲେ। ସ୍ଵଭାବ ଏବଂ ବିଚାରକୁ ପ୍ରଭାବିତ କରେ। ଏଥିପାଇଁ ଆମ ଚାରିପଟେ ସକାରତ୍ମକ ଉର୍ଜା ରହିବା ଜରୁରୀ। ଏହାଦ୍ଵାରା ଆମର ଉନ୍ନତି ହେବା ସହ ସଫଳତାର ରାସ୍ତା ଖୋଲେ। ଜୀବନ ହସଖୁସିରେ ଭରିଯାଏ। ସେହିପରି ଆଉ କିଛି ଜିନିଷ ରଖିବା ଦ୍ଵାରା ସଦୈବ ମାତା ଲକ୍ଷ୍ମୀ ପ୍ରସନ୍ନ ହୁଅନ୍ତି। ଘରେ ଧନଧାନ୍ୟରେ ପରିପୂର୍ଣ୍ଣ ହୁଏ।
ଘରେ ରଖନ୍ତୁ ଶ୍ରୀମଦ୍ ଭାଗବତ ଗୀତା-
ବାସ୍ତୁ ଶାସ୍ତ୍ର ଅନୁସାରେ ଘରେ ଶ୍ରୀମଦ୍ ଭାଗବତ ଗୀତା ରଖିବା ଏବଂ ପଢିବା ଦ୍ଵାରା ବ୍ୟକ୍ତିତ୍ଵ ବିକଶିତ ହୁଏ। ଆତ୍ମବଳ ବଢେ। ଯେକୌଣସି ସମସ୍ୟା ହେଉନା କାହିଁକି ଏଥିରୁ ସମାଧାନର ବାଟ ମିଳେ।
ଆଲମିରାରେ ରଖନ୍ତୁ ରୂପା କଏନ-
ରୂପା କଏନ ଶୁଭ ହୋଇଥାଏ। ରୂପାର ସମ୍ଵନ୍ଧ ଚନ୍ଦ୍ରଦେବଙ୍କ ସହ ମଧ୍ୟ ରହିଛି। ଏହାର ଅର୍ଥ ଯଦି ଆପଣଙ୍କର ମନ ଶାନ୍ତ ରହିବ, ତେବେ ଆପଣ ଉପଯୁକ୍ତ ନିଷ୍ପତ୍ତି ନେଇପାରିବେ। ଘରେ ସକାରାତ୍ମକ ଉର୍ଜା ରହିବ। ତେଣୁ ଆଲମିରା କିମ୍ଵା ଯେଉଁଠାରେ ଟଙ୍କା ରଖୁଛନ୍ତି ସେଠାରେ ରୂପା କଏନରେ ସିନ୍ଦୂର ଲଗାଇ ରଖନ୍ତୁ।
ମାତା ଲକ୍ଷ୍ମୀଙ୍କ ପାଖରେ କଉଡ଼ି ରଖନ୍ତୁ-
ଜ୍ୟୋତିଷ ଶାସ୍ତ୍ର ଅନୁସାରେ କଉଡ଼ି ସହ ମାତା ଲକ୍ଷ୍ମୀଙ୍କ ସମ୍ଵନ୍ଧ ରହିଛି। କଉଡ଼ି ସମୁଦ୍ରରୁ ଉତ୍ପନ ହୋଇଥାଏ। ତେଣୁ ପୂଜା ଘରେ ମାତା ଲକ୍ଷ୍ମୀଙ୍କ ନିକଟରେ ୫ଟି କଉଡ଼ି ହଳଦୀ ଲଗାଇ ରଖିବା ଦ୍ଵାରା ଧନପ୍ରାପ୍ତି ହୁଏ।
ଆଲମିରାରେ ହଳଦୀ ଗଣ୍ଠି ରଖନ୍ତୁ-
ଭଗବାନ ବିଷ୍ଣୁଙ୍କ ସହ ହଲଦୀର ସମ୍ବନ୍ଧ ରହିଛି। ପୌରାଣିକ ମାନ୍ୟତା ଅନୁଯାୟୀ, ଯେଉଁଠାରେ ଭଗବାନ ବିଷ୍ଣୁ ବିରାଜମାନ କରନ୍ତି ସେଠାରେ ମାତା ଲକ୍ଷ୍ମୀ ବି ବାସ କରନ୍ତି। ତେଣୁ ଲକ୍ଷ୍ମୀଙ୍କୁ ପ୍ରସନ୍ନ କରିବାକୁ ଆଲମିରାରେ ଗଣ୍ଠି ହଳଦୀ ରଖନ୍ତୁ।
ଘରେ ଗୋଲାପ ଗଛ ଲଗାନ୍ତୁ-
ମାତା ଲକ୍ଷ୍ମୀଙ୍କୁ ପଦ୍ମ ସହ ଗୋଲାପ ଫୁଲ ପସନ୍ଦ। ଯଦି ଘରେ ଗୋଲାପ ଗଛ ଲଗାଇବେ ତାହେଲେ ମାତା ଲକ୍ଷ୍ମୀ ପ୍ରସନ୍ନ ହୁଅନ୍ତି। ତେବେ ଏହାକୁ ବେଡରୁମ୍ରେ ରଖନ୍ତୁ ନାହିଁ। କାରଣ ଏହି ଗଛରେ କଣ୍ଟା ରହିଛି। ଛାତ ଉପରେ, ଅଗଣାରେ କିମ୍ଵା ବାଲକୋନୀରେ ଲଗାନ୍ତୁ।