ମୁମ୍ବାଇ,୨୬ \୭ : ରଣବୀର କପୁର ଏବଂ ୟଶଙ୍କ ଅଭିନୀତ ଚଳଚ୍ଚିତ୍ର 'ରାମାୟଣ'ର ଟ୍ରେଲର ରିଲିଜ୍ ସ୍ଥଗିତ ରଖାଯାଇଛି । ଯାହା ପ୍ରଶଂସକଙ୍କୁ ନିରାଶ କରିଛି । ତଥାପି, ଆମେରିକାରେ ସାନ ଡିଏଗୋ କମିକ୍ କନ୍ ୨୦୬ ରେ ଉପସ୍ଥିତ ଲୋକଙ୍କ ପାଇଁ ଏହି କାର୍ଯ୍ୟକ୍ରମ କେଉଁ ଭିଜୁଆଲ୍ ଟ୍ରିଟରୁ କମ୍ ନଥିଲା । କାରଣ ୨୪ ଜୁଲାଇରେ, ଏହି ସ୍ୱତନ୍ତ୍ର କାର୍ଯ୍ୟକ୍ରମରେ ନିତେଶ ତିୱାରୀଙ୍କ 'ରାମାୟଣ'ର ଟ୍ରେଲର ପ୍ରଦର୍ଶିତ ହୋଇଥିଲା । ଯାହାକୁ ଦେଖି ଦର୍ଶକମାନେ ବହୁତ ଖୁସି ହୋଇଥିଲେ । ୪ ହଜାର କୋଟି ବଜେଟ୍ ରେ ନିର୍ମିତ ଏହି ଫିଲ୍ମକୁ ନିର୍ମାତା ଏକ ବିଶ୍ୱସ୍ତରୀୟ ବ୍ଲକବଷ୍ଟର ଭାବରେ ଉପସ୍ଥାପନ କରିବାକୁ ପ୍ରସ୍ତୁତ ହେଉଛନ୍ତି । ଏଥିପାଇଁ ଯେତେ ଖର୍ଚ୍ଚ ହେଉ ନା କାହିଁକି, ଏହାକୁ ମହାନ କରିବାରେ କୌଣସି କସରତ ଛାଡ଼ୁ ନାହାଁନ୍ତି । ସମ୍ପୂର୍ଣ୍ଣ ଟିମ୍ ଫିଲ୍ମର ପ୍ରମୋସନରେ ବ୍ୟସ୍ତ । ଏହାରି ଭିତରେ ଏକ ଭିଡ଼ିଓ ସୋସିଆଲ ମିଡ଼ିଆରେ ଖୁବ୍ ଭାଇରାଲ୍ ହେବାରେ ଲାଗିଛି । ଯେଉଁଥିରେ ଦାବି ହେଉଛି ଯେ ମେକର୍ସ ପ୍ରଶଂସକଙ୍କୁ ସୁନାରେ ତିଆରି ଶଙ୍ଖ ଗିଫ୍ଟ କରିଛନ୍ତି । 

 

 

ରଣବୀର କପୁରଙ୍କ 'ରାମାୟଣ' ରିଲିଜ୍ ହେବାକୁ ଆଉ ବେଶି ସମୟ ନାହିଁ । ମେକର୍ସ ଏହାର ପ୍ରମୋସନ ପାଇଁ କିଛି କମି କରୁ ନାହାଁନ୍ତି । ଏଥି ମଧ୍ୟରେ, ଏକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ଭିଡିଓଟି ଦାବି କରୁଛି ଯେ ସାନ ଡିଏଗୋରେ ପ୍ୟାନେଲ ଆଲୋଚନା ଏବଂ ଟ୍ରେଲର ପ୍ରିଭ୍ୟୁରେ ଅଂଶ ଗ୍ରହଣକାରୀମାନଙ୍କୁ "ରାମାୟଣ" ଟିମ୍ ପକ୍ଷରୁ ସ୍ୱତନ୍ତ୍ର ଉପହାର ଦିଆ ଯାଇଥିଲା । 

ମେକର୍ସ ବାଣ୍ଟିଲେ ସୁନାର ଶଙ୍ଖ?

ଭାଇରାଲ୍ ଭିଡିଓ ଅନୁଯାୟୀ, ମେକର୍ସ ଅତିଥିମାନଙ୍କୁ ସୁନା ଖୋଦିତ ଶଙ୍ଖ ଉପହାର ଦେଇଥିଲେ । X ରେ ପୋଷ୍ଟ ହୋଇଥିବା ଏକ ଭିଡିଓରେ ଦେଖାଯାଇଛି ଯେ ଉପହାର ବାକ୍ସ ଭିତରେ ରାମାୟଣ ଦଳର ଏକ ସ୍ୱତନ୍ତ୍ର ନୋଟ୍ ରଖାଯାଇଥିଲା । ଗୋଲାପୀ ବାକ୍ସଟି "ପ୍ରାଇମ୍ ଫୋକସ୍" ଲେବଲ୍ ର ଥିଲା । ବାକ୍ସ ଖୋଲିବା ପରେ, ଏଥିରେ ଏକ ନରମ କପଡାରେ ଗୁଡ଼ାଯାଇଥିବା ଏକ ସୁନ୍ଦର ଶଙ୍ଖ ଥିଲା, ଯେଉଁଥିରେ ରାମାୟଣ ସହିତ ଜଡିତ ଛବିକୁ ଡିଜାଇନ୍ ସହିତ ଏମ୍ବ୍ରୋଡେରୀ କରାଯାଇଥିଲା । କାର୍ଯ୍ୟକ୍ରମ ପରେ, ଭିଡିଓଟି ଇଣ୍ଟରନେଟରେ ଶିଘ୍ର ଭାଇରାଲ ହୋଇଗଲା । ଯାହା ଫଳରେ ଲୋକମାନେ ଅନୁମାନ କରିବାକୁ ଲାଗିଲେ ଯେ ଏହି ଶଙ୍ଖଗୁଡ଼ିକ ରାମାୟଣ ନିର୍ମାତାମାନଙ୍କ ଦ୍ୱାରା ସାନ ଡିଏଗୋ କମିକ୍ କନ୍ ରେ ଯୋଗ ଦେଇଥିବା ବିଶେଷ ଅତିଥିମାନଙ୍କୁ ଦିଆଯାଇଥିଲା । ତଥାପି, ଏହି ଭାଇରାଲ୍ କ୍ଲିପର କେତେ ସତ୍ୟତା ରହିଛି ତାହା ନିଶ୍ଚିତ ନାହିଁ, କିମ୍ବା ଫିଲ୍ମର ନିର୍ମାତା ଏହି ଭିଡିଓ ସମ୍ପର୍କରେ କୌଣସି ବିବୃତ୍ତି ଜାରି କରି ନାହାଁନ୍ତି । 

କହି ରଖୁଛୁ ଯେ, ରଣବୀର କପୁର, ୟଶ ଏବଂ ଫିଲ୍ମର ପ୍ରଯୋଜକ ନମିତ ମଲୋହୋତ୍ରା ସାନ ଡିଏଗୋ କମିକ୍ କନ୍ ରେ ଉପସ୍ଥିତ ଥିଲେ। ଟ୍ରେଲରଟି ୨୪ ଜୁଲାଇ ସକାଳ ୮ଟା (IST) ରେ ମୁକ୍ତିଲାଭ କରିବାର କାର୍ଯ୍ୟକ୍ରମ ଥିଲା, କିନ୍ତୁ ପରେ ଏହାକୁ ସ୍ଥଗିତ ରଖାଯାଇଥିଲା । ନମିତ ମଲୋହୋତ୍ରା ଏକ ବିବୃତ୍ତି ଜାରି କରି କହିଛନ୍ତି," ଆଜି 'ରାମାୟଣ' ପାଇଁ ଏକ ଅତ୍ୟନ୍ତ ସ୍ୱତନ୍ତ୍ର ଦିନ । ସୋନି ପିକଚର୍ସ ଏଣ୍ଟରଟେନମେଣ୍ଟ ସହିତ ସହଭାଗୀତା ମାଧ୍ୟମରେ 'ରାମାୟଣ' କୁ ବିଶ୍ୱସ୍ତରରେ ପହଞ୍ଚାଇବାର ମୋର ସ୍ୱପ୍ନ ଏବେ ସାକାର ହେଉଛି । ତେଣୁ, ପରବର୍ତ୍ତୀ ସମୟରେ ଆମେ ଟ୍ରେଲରଟିକୁ ବିଶ୍ୱବ୍ୟାପୀ ମୁକ୍ତିଲାଭ କରିବୁ । 

'ରାମାୟଣ'ର ଟ୍ରେଲର କେବେ ରିଲିଜ୍ ହେବ ?

ରିପୋର୍ଟରୁ ଜଣାପଡିଛି ଯେ, 'ରାମାୟଣ'ର ଟ୍ରେଲର ଜୁଲାଇ ୨୯ ରୁ ୩୧ ମଧ୍ୟରେ ରିଲିଜ୍ ହୋଇପାରେ । ୧୮ ଜୁଲାଇରେ ଦିଲ୍ଲୀରେ ଅନୁଷ୍ଠିତ "ପ୍ରଥମ ସଂକଳ୍ପ" କାର୍ଯ୍ୟକ୍ରମରେ 'ରାମାୟଣ'ର ଏକ ସ୍ୱତନ୍ତ୍ର ପ୍ରିଭ୍ୟୁ ଦେଖାଯାଇଥିଲା ।  କହି ରଖୁଛୁ ଯେ, ପୂର୍ବରୁ ଫିଲ୍ମର ଦୁଇଟି ଟ୍ରେଲର CBFC ରୁ ପ୍ରମାଣପତ୍ର ପାଇ ସାରିଛି ।