କାଶୀପୁର - କାଶୀପୁର ବ୍ଲକ ଟିକିରି ସ୍ଥିତ ହାଟପଦା ଠାରେ ଆଜି ( ମଙ୍ଗଳବାର) ପ୍ରସ୍ତାବିତ ଏକଲବ୍ୟ ଆଦର୍ଶ ବିଦ୍ୟାଳୟ ଏବଂ ଟିକିରି ଠାରେ ନୂତନ ବ୍ଲକ ପୁନର୍ଗଠନ ନେଇ ଆଲୋଚନା ବୈଠକ ଅନୁଷ୍ଠିତ ହୋଇ ଯାଇଛି। ଏକଲବ୍ୟ ବିଦ୍ୟାଳୟ ସ୍ଥାପନ ନେଇ ପ୍ରଶାସନ ପକ୍ଷରୁ କାଶୀପୁର ବ୍ଲକ ସଦର ଏବଂ ଶଙ୍କରଡ଼ା ପଞ୍ଚାୟତ ସଦର ଠାରେ ଥିବା ସରକାରୀ ଜମିକୁ ଚିହ୍ନଟ କରାଯାଇଛି।
କିନ୍ତୁ ବିଦ୍ୟାଳୟ ପ୍ରତିଷ୍ଠା ନେଇ ପ୍ରଶାସନ ଦୁଇଟି ସ୍ଥାନକୁ ଚିହ୍ନଟ କରି ଥିବା ବେଳେ କେଉଁ ନିର୍ଦ୍ଦିଷ୍ଟ ସ୍ଥାନରେ ବିଦ୍ୟାଳୟ ସ୍ଥାପନ ହେବ ଏହାର ସ୍ପଷ୍ଟ କରାଯାଇ ନ ଥିବାରୁ ବିବାଦ ମୁଣ୍ଡ ଟେକିବାରେ ଲାଗିଛି। ଶଙ୍କରଡା ଗ୍ରାମ ନିକଟରେ ୧୬ ଏକରରୁ ଅଧିକ ସରକାରୀ ଜମି ଥିବା ବେଳେ ଗମନାଗମନ ଏବଂ ଆନୁସଙ୍ଗିକ ସୁବିଧା ଦୃଷ୍ଟିରୁ ଏଠାରେ ବିଦ୍ୟାଳୟ ସ୍ଥାପନ ହେଲେ କାଶୀପୁର ବ୍ଲକ ସହିତ ନିକଟସ୍ଥ ରାୟଗଡ଼ା ଏବଂ ଲକ୍ଷ୍ମୀପୁର ବ୍ଲକର ଆଦିବାସୀ ଛାତ୍ରଛାତ୍ରୀମାନେ ଉପକୃତ ହୋଇ ପାରିବେ ବୋଲି ଆଜିର ବୈଠକରେ ଆଲୋଚନା କରାଯାଇଥିଲା।
{"id":525686,"sizeSlug":"full","linkDestination":"none"}ସେହିପରି ଏକଲବ୍ୟ ବିଦ୍ୟାଳୟ ଏବଂ ବ୍ଲକ ସ୍ଥାପନ ନେଇ ପ୍ରଶାସନକୁ ଅବଗତ କରିବା ସହ ଦାବି ପୂରଣ ନେଇ ଶାନ୍ତି ପୂର୍ଣ୍ଣ ଆନ୍ଦୋଳନ କରିବାକୁ ନିଷ୍ପତ୍ତି ନିଆଯାଇ ଥିଲା। ଆଜିର ଏହି ବୈଠକରେ ବିଭିନ୍ନ ପଞ୍ଚାୟତର ସରପଞ୍ଚଙ୍କ ସହିତ ପୂର୍ବତନ ସରପଞ୍ଚ ସାନ୍ଦୁମାଝୀ, ଅମିନ ମାଝୀଙ୍କ ସହିତ ଶିବ ରାମ ମାଝୀ , ଗୋବିନ୍ଦ ମାଝୀ, ରାଜେନ୍ଦ୍ର ଦୁରିଆ , ସୁବାସ ନାଏକଙ୍କ ସହିତ ସ୍ଥାନୀୟ ଅଞ୍ଚଳର ଶତାଧିକ ଲୋକ ଯୋଗ ଦେଇଥିଲେ।