ବାପାଙ୍କୁ ଆଇ ଲଭ୍ ୟୁ ମେସେଜ୍ ଦେଇ ହଷ୍ଟେଲ ଛାତରୁ ଡେଇଁ ଆତ୍ମହତ୍ୟା କଲେ ଡାକ୍ତରୀ ଛାତ୍ର, ମୃତ୍ୟୁର କାରଣ ଅସ୍ପଷ୍ଟ
ବାଲେଶ୍ୱର ୩୧/୦୩: ହଷ୍ଟେଲ ଛାତ ଉପରୁ ଡେଇଁ ପଡିଲେ ଡାକ୍ତରୀ ଛାତ୍ର । ଶୁକ୍ରବାର ବିଳମ୍ବିତ ରାତିରେ ଛାତରୁ ଡେଇଁ ଆତ୍ମହତ୍ୟା କରିଛନ୍ତି । ତେବେ ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି । ବାଲେଶ୍ୱର ଜିଲ୍ଲା ଫକୀର ମୋହନ ମେଡିକାଲ କଲେଜରେ ଏଭଳି ଅଘଟଣ ଘଟିଛି। ତେବେ ଛାତ୍ର ଜଣଙ୍କ ହେଉଛନ୍ତି ଡାକ୍ତରୀ ତୃତୀୟ ବର୍ଷର ଛାତ୍ର ହିତେଷ୍ଣୁ ଦାସ ।
ସୂଚନା ମୁତାବକ, ଶୁକ୍ରବାର ନାଇଟ-ସୋ ସିନେମା ଦେଖି ସାଙ୍ଗଙ୍କ ସହିତ ହଷ୍ଟେଲ ଫେରିଥିଲେ ହିତେଷ୍ଣୁ। ବାପାଙ୍କୁ ଆଇ ଲଭ୍ ୟୁ ମେସେଜ୍ ଦେବା ପରେ ଛାତରୁ ଡେଇଁ ପଡିଥିବା ସୂଚନ। ତେବେ ପ୍ରକୃତ ଘଟଣା କଣ ରହିଛି ତାହା ଜଣାପଡିନାହିଁ। ଶବ ବ୍ୟବଚ୍ଛେଦ ସରିଥିବା ବେଳେ ଘଟଣାର ପୋଲିସ ତଦନ୍ତ ଜାରି ରହିଛି ।
