PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଲାୟମ ସିଂହ ଯାଦବ ICUରେ ଭର୍ତ୍ତି ,ଅଖିଳେଶ ଓ ଅପର୍ଣ୍ଣା ଯାଦବଙ୍କ ତୁରନ୍ତ ଦିଲ୍ଲୀ ଯାତ୍ରା
  • ||
  • ଭୁବନେଶ୍ଵର : ରାଜ୍ୟରେ ଉପରତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୩୧ ପଜିଟିଭ୍ ଚିହ୍ନଟ
  • ||
  • କଟକ : ହାଇକୋର୍ଟଙ୍କ ଦ୍ୱାରସ୍ଥ ହେଲେ ବିଧାୟକ ମହମ୍ମଦ ମୋକିମ୍, ବିଧାୟକ ପଦ ରଦ୍ଦ ହେବାର ଆଶଙ୍କା
  • ||
  • କେନ୍ଦୁଝର : ସାମାନ୍ୟ ବଚସାରୁ ତୁମୁଳ କାଣ୍ଡ, ଯୁବକଙ୍କୁ ବିଭତ୍ସ ଭାବେ ହତ୍ୟା
  • ||
  • କୋରାପୁଟ : ବିଜୁଳି ଘଡ଼ଘଡ଼ିରେ ଭୁଶୁଡ଼ିଲା କୋରାପୁଟର ଜେଇଏଲ୍ ଚର୍ଚ୍ଚ
  • ||
  • ବ୍ରହ୍ମପୁର : କାର୍‌ରୁ ୩ କେ.ଜି ସୁନା ଏବଂ ୧୭ କେ.ଜି ରୂପା ଜବତ, ୩ ଅଟକ
  • ||

POKରୁ ମିଳିଥିବା ମେଡିକାଲ ଡିଗ୍ରୀକୁ ମିଳିବନି ସ୍ୱୀକୃତି, ଭାରତରେ ପାଇବେନି ନିଯୁକ୍ତି

ନୂଆଦିଲ୍ଲୀ,୧୪/୦୮: ଭାରତ ସରକାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇ ପାକ୍‌ ଅଧିକୃତ କାଶ୍ମୀରରୁ ମେଡିକାଲ ଡିଗ୍ରୀ ହାସଲ କରିଥିବା ପିଲାମାନଙ୍କୁ ଭାରତରେ ଡାକ୍ତର ଭାବେ କାମ କରିବା ପାଇଁ ଅନୁମତି ଦିଆଯିବ ନାହିଁ ବୋଲି ଘୋଷଣା କରିଛନ୍ତି । ମେଡିକାଲ କାଉନସିଲ ଅଫ ଇଣ୍ଡିଆ (ଏମସିଆଇ) ଏହି ଘୋଷଣା କରିଛି । ଏହାଯୋଗୁ ପିଓକେରେ ଥିବା ମେଡିକାଲ କଲେଜଗୁଡିକରେ ଯେଉଁମାନେ ଡାକ୍ତରୀ ଶିକ୍ଷା ଲାଭ କରିଥିବେ ସେମାନେ ଭାରତରେ ଡାକ୍ତର ଭାବେ ନିଯୁକ୍ତି ପାଇପାରିବେ ନାହିଁ ।

ଜମ୍ମୁ-କାଶ୍ମୀର ହାଇକୋର୍ଟ ୨୦୧୯ରେ ଏ ସମ୍ପର୍କରେ ନିଜର ଆଭିମୁଖ୍ୟ ଜଣାଇବା ପାଇଁ କେନ୍ଦ୍ର ବିଦେଶ ମନ୍ତ୍ରଣାଳୟ ଏବଂ ଏମସିଆଇକୁ ନିର୍ଦ୍ଦେଶ ଦେଇଥିଲେ । ସେତେବେଳେ ଜମ୍ମୁ-କାଶ୍ମୀରର ଜଣେ ମହିଳା ହାଇକୋର୍ଟରେ ଏକ ଆବେଦନ ଦାଖଲ କରିଥିଲେ । ସେ ପିଓକେରେ ଡାକ୍ତରୀ ଶିକ୍ଷା ଲାଭ କରିଥିଲେ । କିନ୍ତୁ ବିଦେଶରୁ ଡାକ୍ତରୀ ଶିକ୍ଷା ହାସଲ କରି ଆସିଥିବା ପିଲାମାନଙ୍କୁ ଭାରତରେ କାର୍ଯ୍ୟ ଆରମ୍ଭ କରିବା ପୂର୍ବରୁ ଏକ ପ୍ରବେଶିକା ପରୀକ୍ଷା ଦେବାକୁ ପଡିଥାଏ । ଉକ୍ତ ମହିଳାଙ୍କୁ ସେଇ ପରୀକ୍ଷା ଦେବା ପାଇଁ ଅନୁମତି ଦିଆଯାଇନଥିଲା । ପିଓକେକୁ ଭାରତ ନିଜର ଅଂଶ ବୋଲି ମାନୁଥିବାରୁ ସେଠାରୁ ମିଳିଥିବା ମେଡିକାଲ ଡିଗ୍ରୀକୁ ବିଦେଶୀ ଡିଗ୍ରୀ ଭାବେ ଗ୍ରହଣ କରାଯାଇ ପାରିବ ନାହିଁ ବୋଲି ସରକାର ଦର୍ଶାଇଥିଲେ । ଏହି ପରିପ୍ରେକ୍ଷୀରେ ସରକାର ଏବେ ଏଭଳି ପଦକ୍ଷେପ ନେଇଛନ୍ତି ।