ନୂଆଦିଲ୍ଲୀ, ୧୮/୦୧: ଆସନ୍ତା ୨୦ ତାରିଖକୁ ଆମେରିକା ଉପରେ ସମସ୍ତଙ୍କ ନଜର । ଏହି ଦିନ ଆମେରିକାର ନୂଆ ରାଷ୍ଟ୍ରପତି ଡ଼ୋନାଲ୍ଡ ଟ୍ରମ୍ପ ଶପଥ ନେବାକୁ ଯାଉଛନ୍ତି । ହେଲେ ପାଣିପାଗ ବିଭାଗର ଥଣ୍ଡାକୁ ନେଇ ଜାରି କରାଯାଇଥିବା ଆଲର୍ଟ ଯୋଗୁଁ ଟ୍ରମ୍ପଙ୍କ ଶପଥ ଗ୍ରହଣ ସମାରୋହର ସ୍ଥାନ ମଧ୍ୟ ବଦଳିଥିବା ସୂଚନା ମିଳିଛି।
ଆମେରିକାର ନୂଆ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶପଥ ଗ୍ରହଣ ସମାରୋହ ପ୍ରବଳ ଥଣ୍ଡା ଯୋଗୁଁ ବାହାରେ ନୁହେଁ ବରଂ ସୋମବାର (ଜାନୁୟାରୀ ୨୧) ଆମେରିକାର କ୍ୟାପିଟାଲ ଭିତରେ ହେବ। ୪୦ ବର୍ଷ ମଧ୍ୟରେ ଏହା ପ୍ରଥମ ଥର ହେବ ଯେଉଁଥିରେ ଆମେରିକାର ରାଷ୍ଟ୍ରପତିଙ୍କ ଶପଥ ଗ୍ରହଣ ସମାରୋହ କ୍ୟାପିଟାଲ ଭିତରେ ଅନୁଷ୍ଠିତ ହେବ।ଡୋନାଲ୍ଡ ଟ୍ରମ୍ପ ଶୁକ୍ରବାର ଦିନ ସୋସିଆଲ ପ୍ଲାଟଫର୍ମରେ ଏନେଇ କହିଛନ୍ତି, "ଦେଶରେ ଏକ ଆର୍କଟିକ୍ ଝଡ ଚାଲିଛି। ମୁଁ ଚାହେଁ ନାହିଁ ଯେ ଲୋକମାନେ କୌଣସି ପ୍ରକାରେ ଆଘାତ ପ୍ରାପ୍ତ ହୁଅନ୍ତୁ କିମ୍ବା ଆହତ ହୁଅନ୍ତୁ । ତେଣୁ ମୁଁ ପ୍ରାର୍ଥନା ଏବଂ ଅନ୍ୟାନ୍ୟ ଭାଷଣ ବ୍ୟତୀତ ଉଦଘାଟଣା ଭାଷଣ ଆମେରିକାର କ୍ୟାପିଟାଲ ରୋଟୁଣ୍ଡାରେ ଦେବା ନେଇ ଆଦେଶ ଦେଇଛି । "
ଏହା ମଧ୍ୟ ପଢନ୍ତୁ-ଚର୍ଚ୍ଚାରେ ଡୋନାଲ୍ଡ ଟ୍ରମ୍ପଙ୍କ ନୂଆ ହେୟାର ଷ୍ଟାଇଲ, ଭିଡିଓ ହେଲା ଭାଇରାଲ...!
ତେବେ ଏହାପୂର୍ବରୁ ଆମେରିକାର ପୂର୍ବତନ ରାଷ୍ଟ୍ରପତି ରୋନାଲ୍ଡ ରିଗାନ ମଧ୍ୟ ଶୀତ ହେତୁ ଶପଥ ଗ୍ରହଣ ସମାରୋହର ସ୍ଥାନ ପରିବର୍ତ୍ତନ କରିଥିଲେ। ୧୯୮୫ ରେ, ଆମେରିକାର ପୂର୍ବତନ ରାଷ୍ଟ୍ରପତି ରୋନାଲ୍ଡ ରିଗାନ ମଧ୍ୟ ଥଣ୍ଡା ହେତୁ ରୋଟୁଣ୍ଡାରେ ଭାଷଣ ଦେଇଥିଲେ। ସୂଚନାଯୋଗ୍ୟ ଯେ, ଏହା ପୂର୍ବରୁ ଆମେରିକାର କ୍ୟାପିଟାଲ ବାହାରେ ଥିବା ନ୍ୟାସନାଲ ମଲରେ ଏହି ସମାରୋହ ଅନୁଷ୍ଠିତ ହେବାର ଥିଲା। ସୋମବାର ୱାଶିଂଟନରେ ଟ୍ରମ୍ପଙ୍କ ଶପଥ ଗ୍ରହଣ ସମୟରେ ତାପମାତ୍ରା ମାଇନସ୍ ଡିଗ୍ରୀ ସେଲସିୟସ ହେବ ବୋଲି ଆଶା କରାଯାଉଛି। ଏହି ଅବଧିରେ, ଥଣ୍ଡା ଯୋଗୁଁ ଲୋକ ଅସୁବିଧାର ସମ୍ମୁଖୀନ ହୋଇପାରନ୍ତି । ଏଥିସହ ଟ୍ରମ୍ପ କହିଛନ୍ତି ଯେ, ସମର୍ଥକମାନେ ଏହି ଉତ୍ସବକୁ କ୍ୟାପିଟାଲ ୱାନ ଆରେନା ଭିତରେ ପରଦାରେ ଦେଖିପାରିବେ। କ୍ୟାପିଟାଲ୍ ୱାନ୍ ଆରେନା ୱାଶିଂଟନ୍ ସିଟିରେ ଅବସ୍ଥିତ ଏକ ପେସାଦାର ବାସ୍କେଟବଲ୍ ଏବଂ ହକି ମୈଦାନ, ଯେଉଁଥିରେ ୨୦,୦୦-୦ ଲୋକ ବସିପାରିବେ |
