ରୁଷ-ୟୁକ୍ରେନ ଯୁଦ୍ଧକୁ ନେଇ ଟ୍ରମ୍ପ କ୍ଷୁବ୍ଧ..
ପୁଟିନଙ୍କୁ ଶୁଣାଇଲେ ଶକ୍ତ ଚେତାବନୀ…
କଥା ନୁହେଁ କାମରେ ଦେଖାଅ କହିଲେ ଟ୍ରମ୍ପ…
ନୂଆଦିଲ୍ଲୀ: ରୁଷ-ୟୁକ୍ରେନ ଯୁଦ୍ଧକୁ ନେଇ କମ୍ପିଲେ ଟ୍ରମ୍ପ। ରୁଷ୍ ରାଷ୍ଟ୍ରପତି ପୁଟିନଙ୍କୁ ଶୁଣାଇଲେ ଚେତାବନୀ । କହିଲେ ଯଦି ଏଭଳି ଯୁଦ୍ଧ ଜାରି ରହେ ଏହା ତୃତୀୟ ବିଶ୍ବଯୁଦ୍ଧରେ ପରିଣତ ହୋଇପାରେ। ହ୍ୱାଇଟ୍ ହାଉସରେ ସାମ୍ବାଦିକ ସମ୍ମିଳନୀ ସମୟରେ ଆମେରିକା ରାଷ୍ଟ୍ରପତି କହିଛନ୍ତି ଯେ, ଗତ ମାସରେ କେବଳ ଯୁଦ୍ଧରେ ୨୫ ହଜାର ଲୋକଙ୍କ ମୃତ୍ୟୁ ହୋଇଛି, ଯେଉଁ ମାନଙ୍କ ମଧ୍ୟରୁ ଅଧିକାଂଶ ସୈନିକ ଥିଲେ। ସେ ରୁଷ-ୟୁକ୍ରେନ ଯୁଦ୍ଧରେ ମୃତ୍ୟୁବରଣ କରିଥିବା ଲୋକଙ୍କ ପାଇଁ ଦୁଃଖ ପ୍ରକାଶ କରିଛନ୍ତି।
"ରୁଷ-ୟୁକ୍ରେନ ଯୁଦ୍ଧ ତୃତୀୟ ବିଶ୍ୱଯୁଦ୍ଧରେ ପରିଣତ ହୋଇପାରେ।"
ରୁଷ-ୟୁକ୍ରେନ ଯୁଦ୍ଧକୁ ତୁରନ୍ତ ବନ୍ଦ କରିବାକୁ ଆହ୍ୱାନ କରି ଟ୍ରମ୍ପ କହିଛନ୍ତି, "ମୁଁ ଏଠାରେ ଏହି ନରସଂହାରକୁ ବନ୍ଦ କରିବାକୁ ଚାହୁଁଛି। ଗତ ମାସରେ ପ୍ରାୟ ୨୫ ହଜାର ସୈନିକ ପ୍ରାଣ ହରାଇଥିଲେ। ଆମେ ଏହାକୁ ବନ୍ଦ କରିବା ପାଇଁ କଠିନ ପରିଶ୍ରମ କରୁଛୁ। ମତେ ଅନୁଭବ ହେଉଛି କି, ଏହିପରି ଘଟଣା ଶେଷରେ ତୃତୀୟ ବିଶ୍ୱଯୁଦ୍ଧକୁ ମୁହାଁଇପାରେ । ମୁଁ କହିଥିଲି ଯେ, ଯେପର୍ଯ୍ୟନ୍ତ ସମସ୍ତେ ଏହିପରି ଖେଳ ଖେଳିବେ, ଆମେ ଶେଷରେ ତୃତୀୟ ବିଶ୍ୱଯୁଦ୍ଧକୁ ଟାଣି ହୋଇଯିବୁ, ଏବଂ ଆମେ ତାହା ଦେଖିବାକୁ ଚାହୁଁନାହୁଁ।"
ହ୍ୱାଇଟ୍ ହାଉସ୍ ପ୍ରେସ୍ ସଚିବ କ'ଣ କହିଥିଲେ ?
ସାରା ବିଶ୍ୱରେ ଯୁଦ୍ଧବିରତିର ଗର୍ବ କରୁଥିବା ଟ୍ରମ୍ପ୍ ରୁଷ-ୟୁକ୍ରେନ ଯୁଦ୍ଧକୁ ଅଟକାଇବା ପାଇଁ ଚେଷ୍ଟା ଚଳାଇଚନ୍ତି, କାରଣ ଏବେର ପରିସ୍ଥିତିରେ କୌଣସି ଦେଶ ପଛକୁ ହଟିବାକୁ ଇଚ୍ଛୁକ ନୁହଁନ୍ତି। ପୂର୍ବରୁ, ହ୍ୱାଇଟ୍ ହାଉସ୍ ପ୍ରେସ୍ ସଚିବ କାରୋଲିନ୍ ଲେଭିଟ୍ କହିଥିଲେ ଯେ ଟ୍ରମ୍ପ୍ ରୁଷ ଏବଂ ୟୁକ୍ରେନ ପ୍ରତି ଗଭୀର ନିରାଶ, କାରଣ ଉଭୟ ଦେଶ ଯୁଦ୍ଧବିରତି ପାଇଁ ଇଚ୍ଛୁକ ନୁହଁନ୍ତି।
"ଟ୍ରମ୍ପ୍ କେବଳ କଥା ନୁହେଁ, କାର୍ଯ୍ୟାନୁଷ୍ଠାନ ଚାହାଁନ୍ତି"
ରୁଷ-ୟୁକ୍ରେନ ଯୁଦ୍ଧକୁ ଉଲ୍ଲେଖ କରି କାରୋଲିନ୍ ଲେଭିଟ୍ କହିଛନ୍ତି, "ରାଷ୍ଟ୍ରପତି ଏହି ଯୁଦ୍ଧର ଉଭୟ ପକ୍ଷ ପ୍ରତି ଗଭୀର ନିରାଶ। ସେ ଆନୁଷ୍ଠାନିକ ବୈଠକରୁ ବିରକ୍ତ। ସେ କେବଳ କଥା ଚାହାଁନ୍ତି ନାହିଁ। ସେ କାର୍ଯ୍ୟାନୁଷ୍ଠାନ ଚାହାଁନ୍ତି। ସେ ଚାହାଁନ୍ତି ଯେ ଏହି ଯୁଦ୍ଧ ଶେଷ ହେଉ। ଟ୍ରମ୍ପ୍ ପ୍ରଶାସନ ଶାନ୍ତି ପ୍ରୟାସରେ ସକ୍ରିୟ ଭାବରେ ସାମିଲ ଅଛି।" ଟ୍ରମ୍ପ୍ ନିକଟରେ ୟୁରୋପୀୟ ନେତାମାନଙ୍କ ସହିତ ଆଲୋଚନା କରିଥିଲେ । ଡୋନାଲ୍ଡ ଟ୍ରମ୍ପ୍ ଏହା ମଧ୍ୟ କହିଛନ୍ତି ଯେ, ଆମେରିକା ରୁଷ ସହିତ ଯୁଦ୍ଧ ସମାପ୍ତ କରିବା ପାଇଁ ଏକ ସୁରକ୍ଷା ଚୁକ୍ତିର ଅଂଶ ଭାବରେ ୟୁକ୍ରେନକୁ ସହାୟତା ପ୍ରଦାନ କରିବାକୁ ଇଚ୍ଛୁକ ହେବ।
ଏହା ସହ ପଢନ୍ତୁ : ୟୁପିକୁ ମିଳିପାରେ ନୂଆ ଉପମୁଖ୍ୟମନ୍ତ୍ରୀ, ମନ୍ତ୍ରୀମଣ୍ଡଳରେ ସାମିଲ ହେବେ ରାଜନାଥ ସିଂଙ୍କ ପୁଅ ପଙ୍କଜ ସିଂ !
