ନୂଆଦିଲ୍ଲୀ,୧୮/୦୮: ଋଷ-ୟୁକ୍ରେନ ଯୁଦ୍ଧବିରତି ପ୍ରସଙ୍ଗ ଉପରେ ଆଜି (ସୋମବାର) ହ୍ୱାଇଟ୍ ହାଉସ୍ରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିବେ ୟୁକ୍ରେନ ରାଷ୍ଟ୍ରପତି ଭୋଲୋଡମିର ଜେଲେନ୍ସ୍କି । ଉଭୟ ନେତାଙ୍କ ମଧ୍ୟରେ ହେବାକୁ ଥିବା ଏହି ବୈଠକରେ ୟୁରୋପୀୟ ନେତାମାନେ ସାମିଲ ହେବେ । ଶାନ୍ତି ଚୁକ୍ତି ପାଇଁ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ସହ କଥାବାର୍ତ୍ତା ଟ୍ରମ୍ପ । ପୂର୍ବରୁ ଆଲାସ୍କାରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ଙ୍କ ସହ ଆଲୋଚନା କରିଥିଲେ ଟ୍ରମ୍ପ । ତେବେ ଜେଲେନ୍ସ୍କି ଓ ଟ୍ରମ୍ପଙ୍କ ବୈଠକ ପୂର୍ବରୁ ବାର୍ତ୍ତା ଦେଇଛନ୍ତି ଦୁଇନେତା ।
ଟ୍ରମ୍ପଙ୍କ ସହ ସାକ୍ଷାତ ପୂର୍ବରୁ ଜେଲେନ୍ସ୍କି କହିଛନ୍ତି, ''ଏହା ଏକ ଐତିହାସିକ ନିର୍ଣ୍ଣୟ ଯେ, ସଂଯୁକ୍ତ ରାଷ୍ଟ୍ର ଆମେରିକା ୟୁକ୍ରେନ୍ର ସୁରକ୍ଷା ଗ୍ୟାରେଣ୍ଟିରେ ଭାଗ ନେବାକୁ ପ୍ରସ୍ତୁତ ଅଛନ୍ତି । ଏହି ଗ୍ୟାରେଣ୍ଟି ଆମର ସଂଯୁକ୍ତ ପ୍ରୟାସର ପରିମାଣ ହେବା ଦରକାର । ସ୍ଥଳ, ଜଳ ଓ ଆକାଶ ମାର୍ଗର ସୁରକ୍ଷାରେ ସାମିଲ ହେଉ । ୟୁରୋପ ଭାଗିଦାରୀ ସହ ବିକଶିତ କରାଯାଉ । ଋଷ ସହିତ ଆଲୋଚନା ବର୍ତ୍ତମାନର ଆଗ ଧାଡିରୁ ଆରମ୍ଭ ହେବା ଉଚିତ। ''
କ'ଣ କହିଲେ ଟ୍ରମ୍ପ ? ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୋଷ୍ଟ କରି କହିଛନ୍ତି, "ଯଦି ୟୁକ୍ରେନର ରାଷ୍ଟ୍ରପତି ଜେଲେନ୍ସ୍କି ଚାହାଁନ୍ତି, ସେ ଋଷ ସହିତ ଯୁଦ୍ଧ ତୁରନ୍ତ ସମାପ୍ତ କରିପାରିବେ, ନହେଲେ ସେ ଯୁଦ୍ଧ ଜାରି ରଖିବେ । କିମ୍ବା ସେ ଯୁଦ୍ଧ ଜାରି ରଖିପାରିବେ। ଏହା କିପରି ଆରମ୍ଭ ହୋଇଥିଲା ଥରେ ମନେ ପକାନ୍ତୁ । ଓବାମାଙ୍କ ଦ୍ୱାରା ଦିଆଯାଇଥିବା କ୍ରିମିଆକୁ ଫେରାଇ ଦିଆଯିବ ନାହିଁ ଏବଂ ୟୁକ୍ରେନ ନାଟୋରେ ପ୍ରବେଶ କରିବ ନାହିଁ । କିଛି ଜିନିଷ କେବେ ପରିବର୍ତ୍ତନ ହୁଏ ନାହିଁ ।''
US President Donald Trump posts, "President Zelenskyy of Ukraine can end the war with Russia almost immediately, if he wants to, or he can continue to fight. Remember how it started. No getting back Obama given Crimea (12 years ago, without a shot being fired!), and NO GOING INTO… pic.twitter.com/78YpjX8vRZ
— ANI (@ANI) August 18, 2025
ଋଷ ଚାହୁଁଛି ସୁରକ୍ଷା ଗ୍ୟାରେଣ୍ଟି- ଏହାରି ଭିତରେ ବିୟନାରେ ଅନ୍ତର୍ଜାତୀୟ ସଂଗଠନରେ ଋଷ ଦୂତ ମିଖାଇଲ ଉଲ୍ଲାନେବ କହିଛନ୍ତି, ''ମସ୍କୋ ଏହି କଥାରେ ସହମତ ଯେ, କୌଣସି ଶାନ୍ତି ବୁଝାମଣାରେ ୟୁକ୍ରେନ୍ ପାଇଁ ବିଶ୍ୱସନୀୟ ଗ୍ୟାରେଣ୍ଟି ସାମିଲ ହେବା ଦରକାର । ଋଷକୁ ବି ସୁରକ୍ଷା ଗ୍ୟାରେଣ୍ଟି ଦରକାର । ବିଶ୍ୱାସନୀୟ ଆଶ୍ୱସନା ମିଳିବା ଦରକାର ।''
ୟୁକ୍ରେନ୍କୁ ୟୁରୋପୀୟ ଦେଶର ସମର୍ଥନ- ଜେଲେନ୍ସ୍କି ୟୁରୋପୀୟ ଦେଶଗୁଡ଼ିକୁ ଧନ୍ୟବାଦ ଜଣାଇ କହିଛନ୍ତି ଯେ, ''ସେମାନେ ଆମର ସ୍ଥିତିକୁ ସୁଦୃଢ଼ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ବିୟାନ ଦେଇଛନ୍ତି । ୟୁରୋପୀୟ ନେତାମାନେ ମଧ୍ୟ ଏହି ପଦକ୍ଷେପକୁ ସମର୍ଥନ କରିଛନ୍ତି । ବ୍ରିଟେନ୍ ପ୍ରଧାନମନ୍ତ୍ରୀ କିଏର ଷ୍ଟାର୍ମର ଏବଂ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ଯୁଦ୍ଧ ରୋକିବାକୁ ଏକ ଆଶ୍ୱସନା ବଳର ସମର୍ଥନ ଦେବାକୁ ପ୍ରତିବଦ୍ଧତା ଦେଖାଇଛନ୍ତି । ସେହପରି ଜର୍ମାନୀ ଏବଂ ୟୁରୋପୀୟ ଆୟୋଗ ଜେଲେନ୍ସ୍କିଙ୍କ ସହିତ ମିଶି ପୃଷ୍ଟି କରିଛନ୍ତ କି ସୀମା ବଳରେ ସ୍ଥିତିରେ ପରିବର୍ତ୍ତନ ହେବ ନାହିଁ ।''
