ଭଦ୍ରକ ୧୩/୦୫: ଭଦ୍ରକ ଚରମ୍ପା ବଜ଼ାର ପ୍ରବେଶ ପଥ ତଥା ସର୍ଭିସ ରୋଡ଼ରୁ ଆଜି ଜବର ଦଖଲ ଉଛେଦ ଆରମ୍ଭ ହୋଇଛି। ଡାହାଣୀଗଡ଼ିଆ ଛକରୁ ପଥର ଆଡି ପର୍ଯ୍ୟନ୍ତ NH-16 ସର୍ଭିସ ରୋଡ଼ ପାର୍ଶ୍ୱ ସରକାରି ରାସ୍ତା ଓ ଡ୍ରେନକୁ ଆଜି ପ୍ରଥମ ଦିନରେ ଜିଲ୍ଲା ପ୍ରଶାସନ ପକ୍ଷରୁ ଜବରଦଖଲ ଅବରୋଧ ମୁକ୍ତ କରାଯାଉଛି । ଦୀର୍ଘ ଦିନରେ ଏହି ମୁଖ୍ୟ ଡ୍ରେନଟିକୁ ଜବରଦଖଲକାରୀମାନେ ନିଜ କବଜାକୁ ନେଇଥିଲେ । ଏପରିକି ଆବଶ୍ୟକ ଅନୁଯାଇ ଅନେକ ସ୍ଥାନରେ ଡ୍ରେନଟି ପୋତି ପାକାଇଥିଲେ । ଫଳରେ ବିଷମ ସମସ୍ୟାର ସମ୍ମୁଖୀନ ହେଉଥିଲେ ଚରମ୍ପାବାସୀ। ବିଶେଷ କରି ବର୍ଷା ଦିନେ ଜଳ ନିଷ୍କାସନ ନେଇ ଜଟିଳ ସମସ୍ୟା ଉପୁଜିଥାଏ । 

ପଥର ଆଡି ଛକ ପ୍ରୁଫ ରୋଡ଼ରେ ସବୁବେଳେ ଜଳ ଜମି ରହୁଥିଲା, ଅଦିନ କୃତିମ ଅଳିଆ ପାଣିରେ ବାଟୋଇ ଯାତାୟାତ କରୁଥିଲେ, ବିଗତ ଦିନରେ ଏ ନେଇ ବହୁବାର ଅଭିଯୋଗ କରାଯାଇଥିଲେ ମଧ୍ୟ ସମସ୍ୟାର ସମାଧାନ ହୋଇପାରି ନଥିଲେ। ପରେ ଡ୍ରେନ ଅବରୋଧ ମୁକ୍ତ ପାଇଁ ଜିଲ୍ଲା ପ୍ରଶାସନ ଓ ସ୍ଥାନୀୟ ବିଧାୟକଙ୍କୁ ବାରମ୍ବାର ଅବଗତ କରାଯାଇଥିଲା । ବିଧାୟକ ସୀତାଂଶୁ ମହାପାତ୍ର ଏହି ସମସ୍ୟାକୁ ଗୁରୁତର ସହ ନେଇ ତୁରନ୍ତ ସମାଧାନ ପାଇଁ ଅଣ୍ଟା ଭିଡିଥିଲେ। ଜଲ୍ଲାପ୍ରଶାସନ ସହ ସମନ୍ବୟ ରଖି ଏ ଦିଗରେ କାର୍ଯ୍ୟ କରିଥିଲେ ବିଧାୟକ । ଫଳରେ ଦୀର୍ଘ ବର୍ଷ ଧରି ଜବରଦଖଲକାରୀଙ୍କ କବଜାରେ ଥିବା ଡ୍ରେନଟି ଆଜି ପ୍ରଥମ ଦିନରେ ଅବରୋଧ ମୁକ୍ତ କରାଯାଉଛି।  ଯାହାକୁ ନେଇ ସ୍ଥାନୀୟବାସୀ ଖୁସିଥିବା ବେଳେ ଦୀର୍ଘ ଦିନର ଏହି ସମସ୍ୟାରୁ ମୁକ୍ତି ମିଳିବ ବୋଲି ଆଶା କରିଛନ୍ତି । ଏହି ଡ୍ରେନ ପରେ ସ୍କୁଲ ରୋଡ଼ ରାସ୍ତାରୁ ଜବର ଦଖଲ ହଟିବ, ପରେ ଷ୍ଟେସନ ରୋଡ଼ ଉଛେଦ ନେଇ ପ୍ରଶାସନ ଯୋଜନା ରଖୁଥିବା ଜଣାପଡିଛି।