ସଇଁତଳା,୧୦।୭ (ଆପ୍ର) : ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ୩ୟ ଦିନରେ ଆନ୍ଦୋଳନ ଜାରି ରହିଛି। ସଇଁତଳା ଜାତୀୟ ରାଜପଥ ୨୬ ଲାଚୁଟ ଛକରେ ମଧ୍ଯ ଡ୍ରାଇଭର ମହାସଂଘ ତରଫରୁ ଆନ୍ଦୋଳନ ଜାରି ରହିଥିଲା। ତେବେ ୪ ଟି ପେଟ୍ରୋଲ ଓ ଡିଜେଲ ବୋଝେଇ ଟ୍ରକ ଝାରସୁଗୁଡା ରୁ ବାହାରି ବଲାଙ୍ଗୀର ଦେଇ ଚିତ୍ରକୁଣ୍ଡା, ଜୟପୁର ଓ କୋରାପୁଟକୁ ଯାଉଥିଲା। ଜାତୀୟ ରାଜପଥ ୨୬ ଲାଚୁଟ ଛକ ରେ ୪ ଟି ପେଟ୍ରୋଲ ବୋଝେଇ ଟ୍ରକ କୁ ଅଟକାଇ ଥିଲେ ଡ୍ରାଇଭର ସଂଘ।
ପରେ ଡ୍ରାଇଭର ସଂଘ ଓ ପୋଲିସ ମଧ୍ୟରେ ଉତ୍ତେଜନା ଦେଖା ଦେଇଥିଲା। ଘଟଣା ସ୍ଥଳରେ ସଇଁତଳା ଥାନା ଅଧକାରୀ, ଦେଓଗାଁ ଥାନା ଅଧିକାରୀ ଓ ବଲାଙ୍ଗୀର ସଦର ଏସଡିପିଓ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିଥିଲେ।ପରେ ଆନ୍ଦୋଳନକାରୀମାନଙ୍କ ସହ ବୁଝାସୁଝା କରିବା ପରେ ଗାଡ଼ି ଚଳାଚଳ ସ୍ଵାଭାବିକ ହୋଇଥିଲା।
