ଆପଣଙ୍କୁ ରାତି ଅଧାରେ ଶୋଷ ଲାଗୁଛି କି ? ଜାଣନ୍ତୁ କ’ଣ ରହିଛି କାରଣ

ନୂଆଦିଲ୍ଲୀ ୦୩/୦୨: ଅନେକ ଥର ରାତିରେ ଆପଣ ଗଭୀର ନିଦରେ ଶୋଇଥିବେ ଏବଂ ହଠାତ୍ ବହୁତ ଶୋଷିଲା ଅନୁଭବ କରିବେ। ଏହା ଦ୍ୱାରା ନିଦ ଖରାପ ହୋଇଯାଏ। ଝାଳ ବାହାରିବା ଆରମ୍ଭ କରେ ଏବଂ ଗଳା ଶୁଖିଯାଏ। ଆଜିକାଲି ଏହି ସମସ୍ୟା ସମସ୍ତଙ୍କଠାରେ ଦେଖାଯାଉଛି। ଏହି ସମସ୍ୟାକୁ ହାଲୁକା ଭାବରେ ନେଇ ଅଣଦେଖା କରିବା ବିପଜ୍ଜନକ ହୋଇପାରେ। ତେଣୁ ଏପରି ସମସ୍ୟା ଆସିଲେ, ସତର୍କ ହୋଇଯାଅନ୍ତୁ। ଆସନ୍ତୁ ଜାଣିବା ଏହି ସମସ୍ୟାର କାରଣ ଏବଂ ଏହାକୁ ଏଡାଇବା ପାଇଁ ଉପାୟ।

ରାତି ଅଧରେ କାହିଁକି ଶୋଷ ଲାଗେ ?

ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଜଣେ ସୁସ୍ଥ ବ୍ୟକ୍ତି ଦିନକୁ ଅତି କମରେ ୮ ରୁ ୧୦ ଗ୍ଲାସ୍ ପାଣି ଆବଶ୍ୟକ କରନ୍ତି। ଯଦି ଆପଣ ଏହାଠାରୁ କମ୍ ପାଣି ପିଅନ୍ତି, ତେବେ ରାତିରେ ଆପଣଙ୍କ ଶରୀର ସଙ୍କେତ ଦେଇଥାଏ ଯେ ଜଳର ଅଭାବ ଅଛି । ସେଥିପାଇଁ ସମୟ ସମୟରେ ପାଣି ପିଅନ୍ତୁ।

ଚା’-କଫି ପିଇବା :

ଆମ ଦେଶରେ ଚା’-କଫି ପିଇବା ଲୋକଙ୍କର କୌଣସି ଅଭାବ ନାହିଁ। କିଛି ଲୋକ ଅଛନ୍ତି ଯେଉଁମାନେ କି ଚା’-କଫି ବିନା ବଞ୍ଚିପାରିବେ ନାହିଁ। କିନ୍ତୁ ଏହା ଆପଣଙ୍କ ସ୍ୱାସ୍ଥ୍ୟକୁ ମଧ୍ୟ ଖରାପ କରିଥାଏ। ଏଥିରେ ଅତ୍ୟଧିକ ପରିମାଣର ଥିବା କଫିନ୍ ଆପଣଙ୍କ ପାଇଁ ସମସ୍ୟା ହୋଇପାରେ। କଫିନ୍ କାରଣରୁ ଶରୀରରେ ଜଳର ଅଭାବ ରହିଥାଏ ଏବଂ ଆପଣ ରାତିରେ ଶୋଷିଲା ଅନୁଭବ କରନ୍ତି। କଫିନ୍ ହେତୁ ପରିସ୍ରା ମଧ୍ୟ ବାରମ୍ବାର ଆସେ, ଯେଉଁ କାରଣରୁ ଶରୀରରେ ଜଳ ଅଭାବ ଦେଖାଦିଏ।

ଅଧିକ ନମକିନ୍ ଖାଇବା :

ଯଦି ଆପଣ ସୁସ୍ଥ ରହିବାକୁ ଚାହାଁନ୍ତି ତେବେ ଆପଣ ଦିନରେ ୫ ଗ୍ରାମରୁ ଅଧିକ ଲୁଣ ଖାଇବା ଉଚିତ୍ ନୁହେଁ। ଏହାଠାରୁ ଅଧିକ ଲୁଣ ଖାଇବା ଦ୍ୱାରା ଶରୀର ଉପରେ ନକାରାତ୍ମକ ପ୍ରଭାବ ପଡିଥାଏ। ଲୁଣରେ ସୋଡିୟମ୍ ମିଳିଥାଏ, ଯାହା ଡିହାଇଡ୍ରେସନ୍ ସୃଷ୍ଟି କରିଥାଏ। ଏହି କାରଣରୁ ରାତିରେ ମଧ୍ୟ ଗଳା ଶୁଖିଯାଏ।

ଗଳା ଶୁଖିବାରୁ ରକ୍ଷା ପାଇବା ପାଇଁ କରନ୍ତୁ ଏହି ଉପାୟ :

ଦିନସାରା ସମୟ ସମୟରେ ପାଣି ପିଅନ୍ତୁ।

କମ୍ ନମକିନ୍ ଖାଆନ୍ତୁ। ଫ୍ରେଞ୍ଚ୍ ଫ୍ରାଇଜ୍ ଏବଂ ଚିପ୍ସରୁ ଦୂରେଇ ରୁହନ୍ତୁ।

ମସଲାଯୁକ୍ତ ଖାଦ୍ୟ କମ୍ କରିବାକୁ ଚେଷ୍ଟା କରନ୍ତୁ ।

ଚା ଏବଂ କଫିର ମାତ୍ରା କମ୍ କରନ୍ତୁ, କିମ୍ବା ସେଗୁଡିକଠାରୁ ଦୂରେଇ ରୁହନ୍ତୁ।

ସୋଡା ପାନୀୟରେ କଫିନ୍ ଥାଏ, ଏହାକୁ ମଧ୍ୟ ପିଅନ୍ତୁ ନି।

ଆପଣଙ୍କ ଖାଦ୍ୟରେ ଲେମ୍ବୁ ପାଣି, ବଟରମିଲ୍କ, ଫଳ ରସ ପରି ତରଳ ଅନ୍ତର୍ଭୂକ୍ତ କରନ୍ତୁ।