ନୂଆଦିଲ୍ଲୀ,୧୯।୧:  ଲଦାଖର ଲେହରେ ଶକ୍ତିଶାଳୀ ଭୂକମ୍ପ ଝଟକା। ସୋମବାର ସକାଳ ୧୧:୫୧ ସମୟରେ ଭାରତର ଲେହ-ଲଦାଖ ଅଞ୍ଚଳରେ ଏହି ଭୂମିକମ୍ପ ଅନୁଭୂତ ହୋଇଥିଲା। ଭୂମିକମ୍ପର ତୀବ୍ରତା ୫.୭ ଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ରିପୋର୍ଟ କରିଛି ଯେ ଭୂମିକମ୍ପର କେନ୍ଦ୍ରସ୍ଥଳ ୩୬.୭୧° ଉତ୍ତର ଏବଂ ୭୪.୩୨° ପୂର୍ବରେ ଅବସ୍ଥିତ ଏବଂ ଏହାର ଗଭୀରତା ୧୭୧ କିଲୋମିଟର ଥିଲା। ଭୂମିକମ୍ପର ଏହି ଝଟକା ଖୁବ୍ ଶକ୍ତିଶାଳୀ ଥିଲା, ଯଦିଓ ପରବର୍ତ୍ତୀ ଝଟକା, ମୃତାହତ କିମ୍ବା ବଡ଼ କ୍ଷତିର କୌଣସି ତୁରନ୍ତ ରିପୋର୍ଟ ମିଳିନାହିଁ। ଏହା ପୂର୍ବରୁ, ଆଜି ସକାଳେ ଦିଲ୍ଲୀ-ଏନସିଆରରେ ମଧ୍ୟ ଭୂମିକମ୍ପ ଅନୁଭୂତ ହୋଇଥିଲା।

ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ସୋମବାର ସକାଳୁ ଦିଲ୍ଲୀରେ ଭୂକମ୍ପ ପରେ ଲେହ, ଲଦାଖରେ ଶକ୍ତିଶାଳୀ ଭୂକମ୍ପ ଆସିଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ଦିଲ୍ଲୀରେ ୨.୮ ତୀବ୍ରତାର ଏକ ଭୂମିକମ୍ପ ଆସିଥିଲା, ସେଭଳି ଲେହ, ଲଦାଖରେ ୫.୭ ତୀବ୍ରତାର ଭୂମିକମ୍ପ ହୋଇଥିଲା। ଏହାର ଗଭୀରତା ୫ କିଲୋମିଟର ରେକର୍ଡ କରାଯାଇଛି। ସେଭଳି ଉଭୟ ଭୂମିକମ୍ପରେ କୌଣସି ମୃତାହତଙ୍କ ରିପୋର୍ଟ ନାହିଁ।

ଯେତେବେଳେ ଲେହ ଲଦାଖରେ ଭୂମିକମ୍ପ ହୋଇଥିଲା, ସେତେବେଳେ ଲୋକମାନେ ସେମାନଙ୍କ କାମରେ ବ୍ୟସ୍ତ ଥିଲେ। ହଠାତ୍ ଆସିଥିଲା ଜୋରଦାର ଭୂମିକମ୍ପ ହୋଇଥିଲା। ଅନେକ ଲୋକ ତଳେ ପଡ଼ି ଯାଇଥିଲେ। ଲୋକମାନେ ଭୟଭୀତ ହୋଇଯାଇଥିଲେ। ଯେଉଁମାନେ ନିଜ ଘର କିମ୍ବା ବିଲ୍ଡିଂ ଭିତରେ ଥିଲେ ସେମାନେ ବାହାରକୁ ଆସିଯାଇଥିଲେ। ସବୁଠି ହଇଚଇ ସୃଷ୍ଟି ହୋଇଥିଲା। ଯଦିଓ କୌଣସି ଜୀବନ କିମ୍ବା ସମ୍ପତ୍ତି କ୍ଷୟକ୍ଷତିର ରିପୋର୍ଟ ମିଳିନାହିଁ। ତଥାପି, ପ୍ରଶାସନ ସ୍ଥିତି ଉପରେ ନଜର ରଖିଛି। ଲୋକମାନଙ୍କୁ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛି। ବୈଜ୍ଞାନିକ ଦୃଷ୍ଟିରୁ, ହିମାଳୟ ଅଞ୍ଚଳ ଭୂକମ୍ପୀୟ ଜୋନ୍ ୪ ଏବଂ ୫ ରେ ପଡ଼ିଥାଏ। ଏହାର ଅର୍ଥ ଏହା ବିଶ୍ୱର ସବୁଠାରୁ ଭୂମିକମ୍ପପ୍ରବଣ ଅଞ୍ଚଳ ମଧ୍ୟରୁ ଗୋଟିଏ। ଟେକ୍ଟୋନିକ୍ ପ୍ଲେଟ୍ ଗୁଡିକର ଗତି ଯୋଗୁଁ, ଲେହ-ଲଦାଖ ଏବଂ ଜମ୍ମୁ-କାଶ୍ମୀରରେ ପ୍ରାୟତଃ ଭୂମିକମ୍ପ ହୁଏ।

ଆହୁରି ପଢନ୍ତୁ :ଦୋଷୀ ପ୍ରମାଣିତ ନହେବା ଯାଏଁ ଅଭିଯୁକ୍ତଙ୍କୁ ଜାମିନ ପାଇବାର ଅଧିକାର ଅଛି, ଉମର ଖାଲିଦ ମାମଲାରେ ପୂର୍ବତନ ସିଜେଆଇଙ୍କ ବଡ଼ ବୟାନ