ଆଠଗଡ଼,୦୨/୦୩: ଆଠଗଡ଼ ବନଖଣ୍ଡ ଆଠଗଡ଼ ରେଞ୍ଜର କନ୍ଦରପୁର କେନ୍ଦୁଟୋକୋଲି ନିକଟସ୍ଥ ପରିତ୍ୟକ୍ତ କୂଅରୁ ଏକ ହାତୀର ଗଳିତ ମୃତଦେହ ଉଦ୍ଧାର ହୋଇଛି । କୂଅରୁ ପାଣି ଶୁଖିବା ପରେ ହାତୀର ଗାଳିତ ମୃତ ଦେହ ଦେଖିବକୁ ମିଳିଛି । ଘଟଣା ସ୍ଥଳରେ ଆଠଗଡ଼ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ମୁତାବକ, କନ୍ଦରପୁର କେନ୍ଦୁଟୋକୋଲି ବାଟ ଦେଇ ଖାଦ୍ୟ ଅନ୍ୱଷଣରେ ଚନ୍ଦକା ଜଙ୍ଗଲରୁ ଆଠଗଡ଼ ବନଖଣ୍ଡ ଆସିଥାନ୍ତି ହାତୀ । ସେହି ବାଟ ଦେଇ ଆସୁଥିବା ବେଳେ ରାସ୍ତାରେ ଏକ ପରିତ୍ୟକ୍ତ କୂଅରେ ପଡ଼ି ହାତୀ ଟି ମୃତ୍ୟୁ ବରଣ କରିଥିଲା । ଦୀର୍ଘ ଦିନ ପରେ ଉକ୍ତ କୂଅରୁ ପାଣି ଶୁଖିବା ପରେ ହାତୀର ଗଳିତ ମୃତଦେହ ଦେଖିବାକୁ ମିଳିଛି । ଏହା ଦେଖି ସ୍ଥାନୀୟଲୋକେ ବନ ବିଭାଗର ଅଧିକାରୀଙ୍କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଆଠଗଡ଼ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛି ।
