ନରଣପୁର,୧୯/୬: କେନ୍ଦୁଝରର ସୋମଗିରି ନିକଟରେ ଥିବା ପିଛୁଳାବେଡା ଗାଁରେ ହାତୀପଲ ବ୍ୟାପକ କ୍ଷୟକ୍ଷତି କରିଛନ୍ତି । ୩ଜଣଙ୍କ ଘର ଭାଙ୍ଗିବା ସହିତ ଚାଷଜମିକୁ ଦଳି ଚକଟି ନଷ୍ଟ କରି ଦେଇଛନ୍ତି । ବୁଧବାର ରାତିରେ ହାତୀପଲ ପିଛୁଳାବେଡା ଗାଁରେ ପଶି ପୁରୁଷୋତ୍ତମ ମହାକୁଡ, କୁଳମଣି ପରିଡ଼ାଙ୍କର ୩ଟି ଘର ଭାଙ୍ଗିଦେବା ସହିତ ଘରେ ଥିବା ଧାନ ବିହନ ଖାଇ ଦେଇଛନ୍ତି । ଏହା ସହିତ ବାଡ଼ିରେ ହୋଇଥିବା ଧାନ, ମକା, ହଳଦୀ ଓ ପନିପରିବା ଚାଷ ଜମିକୁ ସମ୍ପୂର୍ଣ୍ଣ ଦଳି ଚକଟି ନଷ୍ଟ କରି ଦେଇଛନ୍ତି। ଏହା ସହିତ ଘରେ ଥିବା ଏକ ବାଇକ୍କୁ ଭାଙ୍ଗି ପକାଇଛନ୍ତି । ଗ୍ରାମବାସୀ ଟାୟାର ଜାଳି, ନିଆଁ ହୁଳା ଦେଖାଇ ହାତୀଙ୍କୁ ଜଙ୍ଗଲ ଆଡ଼କୁ ଘଉଡାଇ ଦେଇଥିବା ବେଳେ ବନବିଭାଗ ତରଫରୁ କ୍ଷୟକ୍ଷତି ଭରଣା କରିବାକୁ ଦାବି କରିଛନ୍ତି ।
