ନୂଆଦିଲ୍ଲୀ,୨୪/୦୭: ଭାରତୀୟ ରେଲୱେ ପକ୍ଷରୁ ଏମର୍ଜେନ୍ସି କୋଟା (ଇକ୍ୟୁ) ଟିକଟ ବୁକିଂ ନିୟମରେ ପରିବର୍ତ୍ତନ କରାଯାଇଛି । ଏବେ ଯାତ୍ରୀଙ୍କୁ ଜରୁରି ଟିକଟ ଲାଗି ଗୋଟିଏ ଦିନ ଆଗରୁ ଆବେଦନ କରିବାକୁ ପଡ଼ିବ । ଯାତ୍ରା ଦିନ କରାଯାଇଥିବା ଆବେଦନକୁ ଗ୍ରହଣ କରାଯିବନି ।
ବୁଧବାର ଠାରୁ ଲାଗୁ ହୋଇଛି ନୂଆ ନିୟମ । ଯାତ୍ରୀଙ୍କ ଚାର୍ଟ ପ୍ରସ୍ତୁତି ପ୍ରକ୍ରିୟାକୁ ସହଜ କରିବା ଏବଂ ଟିକଟ କଳାବଜାରୀକୁ ରୋକିବାରେ ନୂଆ ନିୟମ ସହାୟକ ହେବ ବୋଲି ରେଳ ବୋର୍ଡ ପକ୍ଷରୁ କୁହାଯାଇଛି । ଯେଉଁ ଟ୍ରେନର ଯାତ୍ରା ପୂର୍ବାହ୍ନ ୧୨ଟାରୁ ଅପରାହ୍ନ ୨ଟା ମଧ୍ୟରେ ରହିଛି, ସେ କ୍ଷେତ୍ରରେ ଏମର୍ଜେନ୍ସି କୋଟା ଆବେଦନ ଯାତ୍ରାର ଗୋଟିଏ ଦିନ ପୂର୍ବରୁ ପୂର୍ବାହ୍ନ ୧୨ଟା ସୁଦ୍ଧା କରିବାକୁ ହେବ ।
