ମୋଦିଙ୍କୁ ପ୍ରଶଂସା କଲେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍, କହିଲେ ବିଶ୍ବରେ ଶାନ୍ତି ଫେରାଇବାକୁ ସମସ୍ତ ଦେଶକୁ ଏକାଠି କରିବେ ମୋର ବନ୍ଧୁ ନରେନ୍ଦ୍ର ମୋଦି…
ନୂଆଦିଲ୍ଲୀ: ଭାରତକୁ ଜି -20 ର ଅଧ୍ୟକ୍ଷତା ମିଳିବା ପରେ ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଶନିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ନିଜର ଏକ ପଟୋ ଟ୍ୱିଟ୍ କରିଛନ୍ତି। ସେ ନିଜର ଏହି ଟ୍ୱିଟରେ ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଶଂସା ମଧ୍ୟ କରିଛନ୍ତି । ମାକ୍ରୋନ୍ ଲେଖିଛନ୍ତି ଯେ, “ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ” । ମୁଁ ମୋର ବନ୍ଧୁ ନରେନ୍ଦ୍ର ମୋଦୀଙ୍କୁ ବିଶ୍ବାସ କରୁଛି ଯେ, ଆମକୁ ଶାନ୍ତି ଏବଂ ଏକ ସ୍ଥାୟୀ ବିଶ୍ୱ ଗଠନ ପାଇଁ ଏକାଠି କରାଯିବ । ଏହା ପୂର୍ବରୁ ବିଭିନ୍ନ ଦେଶ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତରେ ଅନୁଷ୍ଠିତ ହେବାକୁ ଥିବା ଜି -20 ଶିଖର ସମ୍ମିଳନୀ ନିର୍ଣ୍ଣାୟକ ହେବ ବୋଲି ଆଶା ପ୍ରକଟ କରିଛନ୍ତି ।
ସୂଚନାଥାଉକି, ଯେ ଡିସେମ୍ବର ୧, ୨୦୨୨ ରୁ ଭାରତ ଜି -20 ର ଦାୟିତ୍ବ ଗ୍ରହଣ କରିଛି, ଯାହା ଦେଶ ପାଇଁ ଏକ ବଡ଼ ସୁଯୋଗ ବୋଲି କୁହାଯାଉଛି । ଏହି ସପ୍ତାହରେ ଏକ ବ୍ଲଗରେ ପିଏମ ମୋଦୀ କହିଛନ୍ତି ଯେ ଭାରତର ଜି -20 ଏଜେଣ୍ଡା ସମାବେଶ ଉଚ୍ଚାଭିଳାଷୀ, କାର୍ଯ୍ୟ-ଆଧାରିତ ଏବଂ ନିର୍ଣ୍ଣାୟକ ହେବ ।
ଭାରତ ଏହାର ସଂସ୍କୃତି, ସାଂସ୍କୃତିକ ଐତିହ୍ୟ, ବିବିଧତା ଏବଂ ଏହାର ସଫଳତା ଏବଂ ଜି -20 ରେ ୭୫ ବର୍ଷର ପ୍ରଗତି ମଧ୍ୟ ଉପସ୍ଥାପନ କରିବ । ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ଜାରି ବିବୃତ୍ତି ଅନୁଯାୟୀ ଭାରତ ଏହାର ଅଧ୍ୟକ୍ଷତାରେ ଆସନ୍ତା ବର୍ଷ ସେପ୍ଟେମ୍ବର ୯ ଏବଂ ୧୦ ରେ ଜି -20 ନେତାଙ୍କ ସମ୍ମିଳନୀ ଆୟୋଜନ କରିବ । ପ୍ରଥମ ପ୍ରସ୍ତୁତି ବୈଠକ ଡିସେମ୍ବର୪-୭ ରୁ ଉଦୟପୁରରେ ଅନୁଷ୍ଠିତ ହେବ । ମନ୍ତ୍ରଣାଳୟ ଅନୁଯାୟୀ ଏହି କାର୍ଯ୍ୟକ୍ରମ ଚୂଡାନ୍ତ ପ୍ରକ୍ରିୟା ଚାଲିଛି । ଦେଶର ୭୫ ବିଶ୍ୱବିଦ୍ୟାଳୟର ଯୁବକମାନଙ୍କୁ ଏହି ସମ୍ମିଳନୀର ଏକ ଅଂଶ କରିବା ପାଇଁ ଯୋଜନା ରହିଛି ।
