ଭୁବନେଶ୍ୱର,୦୪/୦୪: ହୋଲ୍ଡିଂ ଟିକସ ବକେୟା ରଖିଥିଲେ ଏଣିକି ବାଜିବ ବିଏମ୍ସି ଛାଟ । ପ୍ରତି ୩ ମାସରେ ସୋସିଆଲ ମିଡିଆରେ ଖିଲାପୀଙ୍କ ତାଲିକା ଛଡ଼ାଯିବ । ଏପରି କଡା ଆଭିମୁଖ୍ୟ ଗ୍ରହଣ କରିଛି ବିଏମ୍ସି ।
ବର୍ଷ ବର୍ଷ ଧରି ବିଏମ୍ସି ଏକାଧିକ ଅନୁଷ୍ଠାନ ବିଭିନ୍ନ ପ୍ରକାର ଟିକସ ପୈଠ କରୁନଥିଲେ । ଏପରି କି କିଛି ବଡ ଅନୁଷ୍ଠାନ ହୋଲ୍ଡିଂ ଟ୍ୟାକ୍ସ ବାକି ରଖିଥିଲେ । ବକେୟା ଗଡ଼ିବା ଫଳରେ ବିଏମ୍ସି ଉନ୍ନୟନ କାର୍ଯ୍ୟ ଆଗେଇ ପାରୁନାହିଁ । ଖାଲି ହୋଲ୍ଡିଂ ଟ୍ୟାକ୍ସ ନୁହେଁ, ବିଜ୍ଞାପନ, ପାର୍କିଂ ଏବଂ ଅନ୍ୟାନ ଟ୍ୟାକ୍ସ ବି ସଠିକ ଭାବରେ ଆଦାୟ ହୋଇ ପାରୁନି ।
ବିଏମ୍ସି ପକ୍ଷରୁ ଚଳିତ ବର୍ଷ ମୋଟ୍ ୨୩୦ କୋଟି ଟଙ୍କାର ରାଜସ୍ୱ ଆଦାୟ ହୋଇଛି । ପ୍ରଥମ ଥର ପାଇଁ ବିଏମ୍ସି ୧୦୦ କୋଟି ହୋଲ୍ଡିଂ ଟ୍ୟାକ୍ସ ଛୁଇଁଛି । ଦକ୍ଷିଣ-ପୂର୍ବ ଜୋନକୁ ୩୭.୯୮କୋଟି ଟଙ୍କାର ହୋଲ୍ଡିଂ ଟ୍ୟାକ୍ସ ଟାର୍ଗେଟ ଦିଆଯାଇଥିଲା । ହେଲେ ଆଦାୟ ହୋଇଛି ୩୦ କୋଟି । ଟାର୍ଗେଟର ୬୪ ପ୍ରତିଶତ ଆଦାୟ କରିଛି ଜୋନ୍ । ସେହିପରି ଦକ୍ଷିଣ-ପଶ୍ଚିମ ଜୋନ୍ ୩୭.୯୮ କୋଟି ଟାଗେର୍ଟ ଥିବା ବେଳେ ଆଦାୟ ହୋଇଛି ମାତ୍ର ୨୭ କୋଟି । ଉତ୍ତର ଜୋରେ ୪୯.୪୬ କୋଟି ଟାର୍ଗେଟରୁ ମାତ୍ର ୩୨ କୋଟି ଟଙ୍କା ଆଦାୟ ହୋଇଛି ।
